Ачакаўскі раён
| Ачакаўскі раён | |
| Очаківський район | |
 |  Сьцяг |
| Агульныя зьвесткі | |
|---|---|
| Краіна | Украіна |
| Статус | былая адміністрацыйна-тэрытарыяльная адзінка[d] |
| Уваходзіць у | Мікалаеўская вобласьць |
| Адміністрацыйны цэнтар | Ачакаў |
| Колькасьць населеных пунктаў | 30 |
| Дата ўтварэньня | 1923 |
| Дата скасаваньня | 2020 |
| Афіцыйныя мовы | украінская |
| Насельніцтва (2016) | 15423 |
| Шчыльнасьць | 10,6 чал./км² |
| Плошча | 1490 км² |
| Месцазнаходжаньне Ачакаўскага раёну | |
| |
| Мэдыя-зьвесткі | |
| Часавы пас | GMT +2 |
| Тэлефонны код | +380-5167 |
| Паштовыя індэксы | 57515—57555 |
| Геаграфічны код | 4825100000 |
| [Ачакаўская РДА Ачакаўская раённая рада Афіцыйны сайт] | |
 Дадатковыя мультымэдыйныя матэрыялы | |
Ача́каўскі раён (па-ўкраінску: Очаківський район) — адміністрацыйна-тэрытарыяльная адзінка на поўдні Мікалаеўскай вобласьці Ўкраіны. Адміністрацыйны цэнтар — места Ачакаў. Плошча — 1490 км², насельніцтва — 15,5 тыс. чал. (2016).
Заснаваны ў 1923 року. Знаходзіўся ў паўднёвай частцы вобласьці. Ліквідаваны 19 ліпеня 2020 року ў выніку адміністрацыйна-тэрытарыяльнай рэформы.
Геаграфія[рэдагаваць | рэдагаваць крыніцу]
Тэрыторыя раёну знаходзіцца на Прычарнаморскай нізіне на ўзьбярэжжы Чорнага мора. Абсалютныя вышыні — да 70 м. На поўдні і ўсходзе знаходзіцца Дняпроўска-Бужанскі ліман, на захадзе — Бэразанскі ліман.
Раён ляжыць у мерным кліматычным поясе. Сярэднія тэмпэратуры студзеня −2,5…3,0°C; ліпеня +22,5…23,0 °C[1]. Сярэднегадавая сума атмасфэрных ападкаў 300—350 мм. Сьнежны полаг узімку няўстойлівы. Дзён з тэмпэратурай вышэй за +10 °C 182 на год[1].
Адміністрацыйна-тэрытарыяльны падзел[рэдагаваць | рэдагаваць крыніцу]
У складзе раёну 30 населеных пунктаў, 1 меская, 1 раённая ды 11 сельскіх радаў.
Эканоміка[рэдагаваць | рэдагаваць крыніцу]
За савецкім часам на тэрыторыі раёну склалася высокаінтэнсіўная сельская гаспадарка з спэцыялізацыяй расьлінаводзтва на збожжавых і тэхнічных культурах (азімая пшаніца, кукуруза, ячмень), вінаградарстве, садоўніцтве і агародніцтве; жывёлагадоўля — мяса-малочнага напрамку (жывёлагадоўля, авечкагадоўля, сьвінагадоўля). Дзейнічалі перапрацоўчыя прадпрыемствы харчовай прамысловасьці: досьледны мідыйна-вустрычны рыбакансэрвавы (Ачакаў), вінна-сокавы (вёска Парутына), хлеба- і малаказаводы, харча-смакавая фабрыка[1]. У Ачакаве дзейнічала швейная фабрыка.
Дзякуючы спрыяльным кліматычным умовам быў створаны шэраг рэкрэацыйных установаў, базаў адпачынку: турбаза «Ачакаў», санаторыі «Сонечны» і «Залаты колас»[1].
Транспарт[рэдагаваць | рэдагаваць крыніцу]
Агульная працягласьць аўтадарог у раёне 150 км, зь якіх 141 км з цьвёрдым пакрыцьцём, праходзіць аўташлях E58[1].
У месьце Ачакаве дзейнічае марскі порт.
Культура[рэдагаваць | рэдагаваць крыніцу]
Дзейнічае шэраг музэяў
- Гісторыка-археалягічны запаведнік «Ольвія» на месцы антычнага поселішча Ольвія ў вёсцы Парутыне.
- Вайскова-гістарычны музэй імя Аляксандра Суворава ў месьце Ачакаве.
- Музэй лейтэнанта П. Шміта.
- Музэй марыністычнага малярства Р. Судакоўскага.
- Літаратурны музэй места Ачакава.
- Музэй сельгасу «Ўкраіна» ў вёсцы Камянцы.
- Музэй сельгасу «Сонечны» ў вёсцы Іванаўцы.
На дзяржаўным уліку знаходзяцца 2 архітэктурныя славутасьці, 42 — гістарычныя і адна — манумэнтальнага мастацтва.
Крыніцы[рэдагаваць | рэдагаваць крыніцу]
- ^ а б в г д Очаківський район // Географічна енциклопедія України: [у 3 т.] / редкол.: О. М. Маринич (відповід. ред.) та ін. — К.: «Українська Радянська Енциклопедія» імені М. П. Бажана, 1990. — Т. 2 : З—О. — 480 с. — 33 000 ас. — ISBN 5-88500-012-3
