Брашоў

Зьвесткі зь Вікіпэдыі — вольнай энцыкляпэдыі
(Перанакіравана з «Брашаў»)
Брашоў
рум. Braşov
Брашоў
Герб Брашова
Першыя згадкі: 1234
Краіна: Румынія
Жудэц: Брашоў
Кіраўнік: Allen Coliban[d]
Плошча: 267,32 км²
Насельніцтва (2011)
колькасьць: 227 961 чал.[1]
шчыльнасьць: 852,76 чал./км²
Часавы пас: UTC+2
летні час: UTC+3
Тэлефонны код: 0268
Паштовы індэкс: 500001–500670
Нумарны знак: BV
Геаграфічныя каардынаты: 45°39′0″ пн. ш. 25°36′0″ у. д. / 45.65° пн. ш. 25.6° у. д. / 45.65; 25.6Каардынаты: 45°39′0″ пн. ш. 25°36′0″ у. д. / 45.65° пн. ш. 25.6° у. д. / 45.65; 25.6
Брашоў на мапе Румыніі
Брашоў
Брашоў
Брашоў
Галерэя здымкаў у Вікісховішчы
http://www.brasovcity.ro/

Брашоў (па-румынску: Braşov, па-вугорску: Brassó) — горад у Румыніі, адзін зь дзесяці найбуйнейшых гарадоў краіны. У даўнасьці быў вядомы пад нямецкай назвай Кранштат (ням. Kronstadt). З 1950 па 1960 гады горад меў назву Арашул-Сталін, у гонар савецкага камуністычнага лідэра Сталіна. Горад зьяўляецца цэнтрам гістарычнай вобласьці Цара Барсэй. Горад зьяўляецца аднім з галоўных культурных і гістарычных цэнтраў трансыльванскіх саксаў.

Гісторыя[рэдагаваць | рэдагаваць крыніцу]

Кранштацкая крэпасьць была заснавана ў 1211 годзе Тэўтонскім ордэнам. Упершыню згадваецца як Брашоў пад 1251 годам. У сярэднявечных дакумэнтах горад называўся рознымі назовамі, як то Браска, Браса, Стэфанопаліс, Кранштат і Брашоў. Дзякуючы ўдаламу геаграфічнаму становішчу й гандлёвым сувязям з Малдовай і Валахіяй, горад стаў адным з самых важных эканамічных цэнтраў Трансыльваніі.

Яганэс Гонтэр, правадыр трансыльванскіх пратэстантаў, нарадзіўся й памёр у Брашаве. Менавіта тут ён арганізаваў першую ў Трансыльваніі друкарню ў 1535 годзе, і менавіта тут ўбачыла сьвет першая друкаваная кніга на румынскай мове. Ужо ў 1559 годзе тут існавала румынскамоўная школа — верагодна, першая ў краіне.

21-31 ліпеня 1959 году ў месьце прайшла 1-я Міжнародная алімпіяда па матэматыцы.

У 1987 годзе жыхары Брашава падняліся супраць рэжыму Чаўшэску. Гэтыя падзеі ўвайшлі ў гісторыю як Брашоўскае паўстаньне.

Славутасьці[рэдагаваць | рэдагаваць крыніцу]

  • Царква сьв. Барталамэя — самы стары гістарычны помнік у Брашаве, які быў пабудаваны ў 1223 годзе;
  • Царква сьв. Мікалая — царква была пабудавана з каменя ў 1495 годзе дзякуючы падтрымцы лідэраў усіх румынскіх абласьцей;
  • Першая румынская школа — пабудавана ўсяго толькі за мэтар ад Царквы сьв. Мікалая;
  • Чорная Царква — першапачаткова вядомая як Царква сьв. Марыі, будынак быў часткова разбураны пасьля вялікага пажару ў 1689 годзе. Царква была пабудаваная прыблізна ў 1380 годзе, яна зьяўляецца самым ёмістым помнікам гатычнай архітэктуры ў Румыніі.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]