Вікіпэдыя:Абраныя артыкулы
Скарачэньне: ВП:АА |
---|
Абраныя артыкулы — артыкулы, каторыя вікіпэдысты лічаць найлепшымі ў праекце.
Перад тым, як зьявіцца на гэтай старонцы, такія артыкулы праходзяць працэдуру абраньня на старонцы Вікіпэдыя:Кандыдаты ў абраныя артыкулы, дзе яны праходзяць праверку на дакладнасьць, нэўтральнасьць, поўнасьць і стыль выкладаньня ў адпаведнасьці з крытэрамі абраных артыкулаў. Артыкулы, якія больш не задавальняюць гэтым крытэрам, могуць быць вынесеныя на пазбаўленьне статусу. Зараз у Вікіпэдыі клясычнай беларускай мовай 41 абраны артыкул з агульнай колькасьці 86 063 артыкула. Такім чынам, прыкладна кожны з 2099 артыкулаў — абраны. Глядзіце сьпіс абраных артыкулаў з датамі абраньня. Усе абраныя артыкулы пазначаюцца выявай жоўтай зоркі () ў верхнім правым куце старонкі. Існуюць таксама Добрыя артыкулы, каторыя яшчэ не задавальняюць усім крытэрам абраных, аднак набліжаюцца да іх па якасьці. |
Якасны зьмест: Дапаможныя сродкі:
Зьвязаныя матэрыялы: |
Цяперашні абраны артыкул[рэдагаваць крыніцу]
Максім Багдановіч (27 лістапада (9 сьнежня) 1891, Менск — 25 (13) траўня 1917, Ялта) — клясык беларускае літаратуры, адзін з стваральнікаў беларускае літаратуры й літаратурнае мовы новага часу, паэт, празаік, публіцыст, літаратуразнавец, перакладчык. Спадчына Максіма Багдановіча ўвайшла ў залаты фонд беларускае культуры. Пісаў беларускай, расейскай ды ўкраінскай мовамі, заклаў пачатак беларускае літаратурнае прафэсійнае крытыкі. Творчасьць прасякнутая любоўю і перажываньнем за родную зямлю.
Музэі Багдановіча дзейнічаюць у Менску, Горадні, Яраслаўлі; імя паэта носяць вуліцы ва ўсіх абласных цэнтрах Беларусі, у Ніжнім Ноўгарадзе, Яраслаўлі й Ялце, школы й бібліятэкі ў розных беларускіх гарадох. У 1991 годзе імя Максіма Багдановіча ўнесенае ў каляндарны сьпіс ЮНЭСКО «Гадавіны выдатных асоб і падзеяў».