Дынама Кіеў

Зьвесткі зь Вікіпэдыі — вольнай энцыкляпэдыі
Дынама Кіеў
Поўная назва Футбольний клуб «Динамо» Київ
Заснаваны 13 траўня 1927
Горад Кіеў, Украіна
Стадыён НСК «Алімпійскі»
Умяшчальнасьць: 70 050
Кіраўнік Ігар Суркіс[d]
Галоўны трэнэр
Чэмпіянат Прэм’ер-ліга
 · 2022—2023 4 месца
Хатнія колеры
Выязныя колеры
Галерэя здымкаў у Вікісховішчы
fcdynamo.com (укр.)​ (анг.)

«Дына́ма» (па-ўкраінску: Динамо) — украінскі футбольны клюб з Кіева. Клюб быў заснаваны ў 1927 годзе як частка савецкага спартовага таварыства «Дынама», у цяперашні час гуляе ва ўкраінскай Прэм’ер-лізе. Хатнім стадыёнам клюбу зьяўляецца НСК «Алімпійскі», які мае ёмістасьць у 70 050 гледачоў.

З 1936 году «Дынама» ўдзельнічала ў найвышэйшай лізе савецкага, а потым украінскага футболу. Найбольш пасьпяховы пэрыяд клюбу зьвязаны з Валерыем Лабаноўскім, дзякуючы якому каманда не аднойчы атрымлівала шматлікія айчынныя і эўрапейскія тытулы. Дэрбі паміж маскоўскім «Спартаком» і «Дынама» стала самым захапляльным футбольным суперніцтвам у Савецкім Саюзе, амаль цалкам зацямніўшы дэрбі паміж «Спартаком» і маскоўскім «Дынама». З канца 1960-х гадоў клюб браў удзел у кантынэнтальных турнірах УЭФА амаль кожны год. Адзін з двух клюбаў (разам з маскоўскім «Дынама»), які ўдзельнічаў ва ўсіх чэмпіянатах СССР у найвышэйшым дывізіёне.

Кіеўскае «Дынама» і «Дынама» з Тбілісі былі адзінымі савецкімі клюбамі, якія атрымлівалі посьпех у спаборніцтвах УЭФА. Першая каманда «Дынама» стала базай для нацыянальнай зборнай СССР па футболе ў 1970—1980-я гады і ў нацыянальнай зборнай Ўкраіны ў 1990—2000-я гады.

Гісторыя[рэдагаваць | рэдагаваць крыніцу]

Каманда «Дынама» ў жніўні 1928 году

13 траўня 1927 году быў афіцыйна зарэгістраваны Статут кіеўскага пралетарскага спартовага таварыства «Дынама» міжведамаснай камісіяй па справах грамадзкіх арганізацыяў і зьвязаў Кіеўскай акругі. Пад сьцягам «Дынама» сабраліся прадстаўнікі АДПУ, футбалісты якога абаранялі колеры клюбу «Савгандальслужбоўцы». Таму спробы кіраўніцтва «Дынама» стварыць падчас сэзону сваю футбольную каманду посьпехам ня скончыліся, бо «Савгандальслужбоўцы» былі аднымі з галоўных прэтэндэнтаў на прызавыя месцы ў чэмпіянаце Кіева і стварэньне «Дынама» было вельмі рызыкоўнай справай. Таму першая згадка пра футбольны клюб «Дынама» зьявілася толькі 5 красавіка 1928 году ў газэце «Вячэрні Кіеў»[1]. Менавіта тады па ініцыятыве Сямёна Западнага, начальніка Кіеўскага АДПУ, была заснаваная футбольная каманда. Ягоны намесьнік стаў фармаваць склад каманды, у які ўвайшлі як кадравыя чэкісты, гэтак і футбалісты іншых кіеўскіх камандаў. Прычым усе футбалісты або ўваходзілі ў зборную Кіеву, або былі чэмпіёнамі гораду. І толькі 1 ліпеня 1928 году клюб правёў сваю першую афіцыйную гульню ў горадзе Белая Царква супраць зборнай гэтага места[1]. Госьці забілі першы мяч ужо на 5 хвіліне, аднак у выніку саступілі зь лікам 1:2.

З-за арганізацыйных памылак 1928 год «Дынама» не ўдзельнічала ў першынстве гораду сярод прафзьвязаў і вымушана было праводзіць толькі таварыскія матчы. 1 верасьня 1928 году кіяне ў таварыскай гульні прынялі маскоўскае «Дынама», якое на той момант было чэмпіёнам Масквы. Госьці разграмілі ўкраінскі клюб зь лікам 6:2. Сэлекцыйныя мэтады навастворанай каманды былі раскрытыкаваныя, бо каманда перацягвала ў свае шэрагі найлепшых футбалістаў, падаючы ім больш высокааплатную і прэстыжную працу ў ДПУ. Гэта тлумачыцца тым, што на той момант у СССР вайскоўцы і чэкісцкія ведамствы былі фінансава забясьпечаны лепей за іншых.

14 верасьня 1929 году «Дынама» правяло свой першы міжнародны матч з працоўнай камандай Ніжняй Аўстрыі «Дойч Ваграм», аднак футбалісты прайгралі зь лікам 3:4. У 1935 годзе футбалісты «Дынама» ў складзе зборнай Украіны ажыцьцявілі паездку ў Францыю і Бэльгію, дзе ў таварыскай гульні разграмілі чатырохразовага ўладальніка Кубка Францыі «Рэд Стар» зь лікам 6:1.

У 1936 годзе ў СССР было вырашана стварыць адзіны камандны чэмпіянат замест мноства разнастайных рознаўзроўневых турніраў. Прадстаўніком ад Украіны стала наймацнейшая на той момант каманда УССР — «Дынама». Дэбют клюбу ў чэмпіянаце адбыўся ў Кіеве 24 траўня 1936 году, калі маскоўскае «Дынама» разграміла гаспадароў зь лікам 5:1. Адзіны гол нападніка Мікалая Махіні стаў для ўкраінскага клюбу першым голам у чэмпіянатах Савецкага Саюзу. Паводле вынікаў турніру, у якім узялі ўдзел 7 клюбаў, кіеўскае «Дынама» фінішавала на другім месцы, саступіўшы першы радок аднаклюбнікам з Масквы.

Дасягненьні[рэдагаваць | рэдагаваць крыніцу]

  • Уладальнік Кубка СССР (9):
    • 1954, 1964, 1966, 1974, 1978, 1982, 1985, 1987, 1990
  • Уладальнік Кубка Ўкраіны (13):
    • 1993, 1996, 1998, 1999, 2000, 2003, 2005, 2006, 2007, 2014,
    • 2015, 2020, 2021

Стадыён[рэдагаваць | рэдагаваць крыніцу]

Клюб мае стадыён «Дынама» імя Валера Лабаноўскага, дзе раней каманда праводзіла свае хатнія матчы. З 2012 году сваіх супернікаў клюб прымае на НСК «Алімпійскі», які мае большую зьмяшчальнасьць.

Склад[рэдагаваць | рэдагаваць крыніцу]

Актуальны на 24 лютага 2024 году
Пазыцыя Імя Год нараджэньня
1 Сьцяг Украіны Бр Георгі Бушчан 1994
2 Сьцяг Украіны Аб Канстанцін Віўчарэнка 2002
4 Сьцяг Украіны Аб Дзяніс Папоў 1999
6 Сьцяг Украіны ПА Уладзімер Бражко 2002
7 Сьцяг Украіны Нап Андрэй Ярмоленка 1989
8 Сьцяг Украіны ПА Уладзімер Шэпелеў 1997
9 Сьцяг Украіны Нап Назар Валошын 2003
10 Сьцяг Украіны ПА Мікола Шапарэнка 1998
11 Сьцяг Украіны Нап Уладзіслаў Ванат 2002
18 Сьцяг Украіны ПА Аляксандар Андрыеўскі 1994
20 Сьцяг Украіны Аб Аляксандар Караваеў 1992
21 Сьцяг Украіны Нап Уладзіслаў Супрага 2000
22 Сьцяг Украіны ПА Уладзіслаў Кабаеў 1995
Пазыцыя Імя Год нараджэньня
23 Сьцяг Украіны Аб Навін Малыш 2003
24 Сьцяг Украіны Аб Аляксандар Тымчык 1997
25 Сьцяг Украіны Аб Максім Дзячук 2003
29 Сьцяг Украіны ПА Віталь Буяльскі (капітан) 1993
30 Сьцяг Сэнэгалу Нап Самба Дыяльлё 2003
34 Сьцяг Украіны Аб Аляксандар Сырота 2000
35 Сьцяг Украіны Бр Руслан Нешчарат 2002
37 Сьцяг Украіны ПА Антон Царэнка 2004
40 Сьцяг Украіны Аб Крыстыян Білавар 2001
44 Сьцяг Украіны Аб Уладзіслаў Дубінчак 1998
51 Сьцяг Украіны Бр Валянцін Маргун 2001
77 Сьцяг Нігерыі Нап Алабіран Муіва 1998
99 Сьцяг Украіны Нап Мацьвей Панамарэнка 2006

Крыніцы[рэдагаваць | рэдагаваць крыніцу]

  1. ^ а б «1 липня 1928-го: перший матч „Динамо“». Украінская Прэм’ер-ліга.

Вонкавыя спасылкі[рэдагаваць | рэдагаваць крыніцу]