Канцылярская кнопка

Канцылярскія кнопкі

Канцыля́рская кно́пка (ад «канцылярыя»), прысьці́бка — мэталічны выраб для прымацаваньня якога-небудзь прадмета да чаго-небудзь (напрыклад, паперы да дошкі аб’яваў). Названа так, бо яе часта выкарыстоўваюць у канцылярыі.

Гісторыя

Канцылярская кнопка была вынайдзенай гадзіншчыкам Ёганам Кірстэнам (Johann Kirsten) паміж 1902 і 1903 гадамі ў горадзе Ліхен ў Нямеччыне. Ён прадаў сваю ідэю купцу Ота Ліндштэдту, яго брат Паўль запатэнтаваў яе ў 1904 годзе. Дзякуючы патэнту Ліндштэдт стаў мільянэрам, гадзіншчык заставаўся бедным.