Люіза Буржуа

Зьвесткі зь Вікіпэдыі — вольнай энцыкляпэдыі
Люіза Буржуа
Дата нараджэньня 25 сьнежня 1911
Месца нараджэньня Парыж, Францыя
Дата сьмерці 31 траўня 2010 (98 гадоў)
Месца сьмерці Нью-Ёрк, ЗША
Прычына сьмерці інфаркт міякарда
Месца пахаваньня
Адукацыя Сарбона, Школа Люўра, Школа вытанчаных мастацтваў
Месца вучобы
Занятак скульптура, жывапіс, графіка, інсталяцыя
Навуковая сфэра скульптура
Месца працы
Псэўданімы Bourgeois, Louise Joséphine[2], Goldwater, Louise Bourgeois[2] і Goldwater, Mrs. Robert[2]
Жанры збор[d][3], фігуратыўнае мастацтва[d][3] і абстракцыянізм[3]
Плынь мадэрнізм, сюррэалізм,
Узнагароды «Залаты леў» Вэнэцыянскай біенале (1999); Імпэратарская прэмія (1999); Прэмія Вольфа ў мастацтве (2002—2003)
«Maman»

Люіза Жазэфіна Буржуа (па-француску: Louise Joséphine Bourgeois; 25 сьнежня 1911 году, Парыж, Францыя — 31 траўня 2010 году, Нью-Ёрк, ЗША) — амэрыканскі скульптар, жывапісец і графік францускага паходжаньня.

Біяграфія[рэдагаваць | рэдагаваць крыніцу]

У 1932 годзе Буржуа паступіла ў Сарбону, дзе вывучала матэматыку, ад начартальнай геамэтрыі перайшла да геамэтрычнага кубізму, пакінула вучобу, вывучала мастацтвазнаўства ў Школе Люўру і ў Школе прыгожых мастацтваў, асіставала Фэрнану Лежэ, захапілася левымі ідэямі, сюррэалізмам, канструктывізмам і камунізмам. Наведала Савецкі Саюз. Пачала вывучаць мастацтва ў 1936 годзе. У 1938 годзе выйшла замуж за амэрыканскага мастацтвазнаўца Робэрта Галдўотэра, экспэрта па першабытнаму мастацтву, які стаў першым дырэктарам нью-ёрскага музэю першабытнага мастацтва ў 1957 годзе. У 1939 годзе разам з мужам пераехала ў Нью-Ёрк.

У ЗША яна зьвярнулася да скульптуры. У 1947 годзе Буржуа зрабіла першую вэртыкальную скульптуру з дрэва, першая выстава ейных скульптураў прайшла ў 1949 годзе. У 1951 годзе памёр бацька мастачкі, Люіза Буржуа атрымала амэрыканскае грамадзянства. З 1966 году стала ўдзельніцай фэміністычнага руху. У 1967 годзе Буржуа пачала выкарыстоўваць мармур і бронзу пры стварэньні скульптураў. З 1972 году мастачка рэгулярна наведвала Італію. У 1973 годзе памёр муж. У 1977 годзе мастачка атрымала ганаровую ступень доктара вытанчаных мастацтваў Ельскага ўнівэрсытэта. У 1980 годзе Буржуа купляе вялікую студыю ў Брукліне. У 1982 годзе прайшла першая рэтраспэктыва мастачкі ў Музэі сучаснага мастацтва ў Нью-Ёрку. У 1985 годзе адбылася першая пэрсанальная выстава мастачкі ў Францыі. У 1992 годзе Буржуа паказала першы скульптурны энвайранмэнт. У 1993 годзе прадставіла ЗША на Вэнэцыянскім біенале. У 2001—2002 гадох у Эрмітажы прайшла выстава працаў Буржуа — скульптураў, прадметаў і літаграфіяў.

Літаратура[рэдагаваць | рэдагаваць крыніцу]

  • Armstrong, Carol (2006). Women Artists at the Millennium. October Books. p. 408. ISBN 0-262-01226-X.
  • Herskovic, Marika (2003). American Abstract Expressionism of the 1950s: An Illustrated Survey. New York School Press. p. 372. ISBN 0-9677994-1-4.

Вонкавыя спасылкі[рэдагаваць | рэдагаваць крыніцу]

Люіза Буржуасховішча мультымэдыйных матэрыялаў

  1. ^ http://atelier17.christinaweyl.com/artist-biographies/louise-bourgeois/
  2. ^ а б в https://mix-n-match.toolforge.org/#/entry/115931510
  3. ^ а б в Louise Bourgeois // Encyclopædia Britannica (анг.)