Лявон Вольскі

Лявон Вольскі
	Лявон Вольскі
	Леанід Артуравіч Зэйдэль-Вольскі
Дата нараджэньня	14 верасьня 1965 (58 гадоў)
Месца нараджэньня	Менск, БССР, СССР;
Грамадзянства	Беларусь
Месца вучобы	Менскі дзяржаўны мастацкі каледж імя Аляксея Глебава;
Занятак	маляр, пісьменьнік, паэт, сьпявак, журналіст, аўтар-кампазытар, выканаўца-запісвальнік
Гады дзейнасьці	1981 — цяпер
Жанры	рок
Інструмэнты	гітара фартэпіяна
Псэўданімы	Kanzler
Гурты	Мроя; Новае Неба; N.R.M.; Zet; Крамбамбуля;
Бацька	Артур Вольскі
Маці	Сьвятлана Яўсеева[d]
Узнагароды
Сайт	lavonvolski.com
	Лявон Вольскі ў Вікісховішчы

Вікіпэдыя мае артыкулы пра іншых асобаў з прозьвішчам Вольскі.

Ляво́н Арту́равіч Во́льскі (сапраўднае імя — Леанід Артуравіч Зэйдэль-Вольскі^[1]; нарадзіўся 14 верасьня 1965, Менск) — беларускі музыка, літаратар, мастак. Заснавальнік «Мроі», N.R.M. і «Крамбамбулі». Таксама граў і сьпяваў у гурце «Новае Неба».

Біяграфія[рэдагаваць | рэдагаваць крыніцу]

Лявон Вольскі нарадзіўся 14 верасьня 1965 году ў Менску. Ягоны дзед Віталь Вольскі — беларускі літаратар. Бацька, паэт Артур Вольскі, шмат пісаў для дзяцей, перакладаў зь пяці моваў і стаяў у першых шэрагах нацыянальнага Адраджэньня канца 1980-х — пачатку 1990-х. Сябра Саюзу беларускіх пісьменьнікаў (з 2010)^[2].

У 1981 годзе ў Менскай мастацкай вучэльні імя Глебава разам з Уладзімерам Давыдоўскім ён заснаваў рок-гурт «Фаварыт» (пасьля — «Мроя»).

У 1989 у разгар перабудовы «Мроя» прагучала на ўвесь СССР, запісаўшы на ўсесаюзнай студыі «Мэлёдыя» кружэлку «Дваццаць восьмая зорка». У 1994 годзе музыкі «Мроі» ствараюць новы гурт — N.R.M., які за 13 гадоў выпусьціў 8 альбомаў і трывала заслупаваў за сабой рэнамэ флагманаў беларускага року. Сумесныя праекты з удзелам Вольскага — «Народны Альбом» і «Я нарадзіўся тут» — сталі ў Беларусі культавымі^[3], а «Gazeta Wyborcza» нават назвала «Народны альбом» галоўнай падзеяй 1997 году ў Польшчы. 30 сьнежня 2009 году выйшаў дыск «Такога няма нідзе», усе песьні якога сачыніў Вольскі і запісаў іх з шэрагам музыкаў (Русяй, Алегам Хаменкам, Уладзімерам Пугачам ды іншымі).

Акрамя N.R.M. Вольскі сьпявае і грае ў гуртах «Крамбамбуля» ды «Zet». Аўтар некалькіх кніг паэзіі. Ад 2010 году ўдзельнічае ў стварэньні перадачы радыё Свабода «Саўка ды Грышка»^[4], працуе дыктарам^[5]. Першая жонка Ганна Вольская (1975—2016^[6]) была музычным прадусарам. У іх ёсьць дачка Адэля (нар. у 1998). У лютым 2018 году пабраўся шлюбам з Мар’янай Вольскай, вядомай пад творчым псэўданімам Яня Ядвабная^[7].

Творчы шлях[рэдагаваць | рэдагаваць крыніцу]

У гурце «Мроя» быў вакалістам і клявішнікам. Аўтар тэкстаў гурта ULIS, (альбом Па-над дахамі (1995). У гуртах N.R.M., «Крамбамбуля» — вакаліст і рытм-гітарыст. Браў удзел у гурце «Новае Неба»^[8] ў якасьці рытм-гітарыста і бэк-вакаліста. А таксама вакаліст і рытм-гітарыст гурта «Zet».^[9] Пасьля негалоснай забароны выступаў N.R.M. пачаў актыўна выступаць сольна. У 2010 годзе выдаў сольны дыск «Белая яблыня грому» на вершы беларускіх паэтаў. У 2011 году музыкі гурту N.R.M. пачалі выступаць бяз Вольскага^[10]. З Ганнай Хітрык была прэзэнтаваная песьня «А я спадзяюся і веру»^[11]. У 2012 годзе Вольскі пачаў выступаць з Паўлам Аракелянам, саксафаністам гурту Apple Tea^[12].

Публікацыі[рэдагаваць | рэдагаваць крыніцу]

Выпусьціў дзьве кнігі паэзіі: «Калідор» (1993) і «Фотаальбом» (2000). Разьмяшчаў артыкулы і апавяданьні ў «Нашай Ніве». Друкаваўся ў часопісе «Тэксты». Апавяданьне «Новая кватэра Казімера» ў зборніку прозы «Паветраны шар» зь бібліятэкі «Нашай Нівы». У 2011 пабачыў сьвет зборнік аповедаў «Міларусь» з сэрыі «Кнігарня пісьменьніка» Саюзу беларускіх пісьменьнікаў^[13].

Як мастак аўтар некалькіх сатырычных коміксаў, надрукаваных у часопісе «Бярозка» ў першай палове 1990-х гадоў.

Іншае[рэдагаваць | рэдагаваць крыніцу]

Вёў перадачу «Квадракола» на «Радыё Рацыя» ды Радыё 101,2.

Аўтар праграмы «Назад у будучыню» і «Шыльды» на тэлеканале Белсат.

Дыскаграфія[рэдагаваць | рэдагаваць крыніцу]

Сольныя альбомы[рэдагаваць | рэдагаваць крыніцу]

Супольныя праекты[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

Д.П. ВОЛЬСКІ ЛЯВОН (Вольский Лявон, Volski Leanid) // Энцыклапедыя беларускай папулярнай музыкі / уклад. Дз. Падбярэзскі і інш. — Мінск: Зміцер Колас, 2008. — С. 62–63. — 368 с. — 2000 ас. — ISBN 978-985-6783-42-8

Крыніцы[рэдагаваць | рэдагаваць крыніцу]

^ Хартыя’97, Лявон Вольский: «Запреты растят оппозицию» (рас.)
^ Сяргей Макарэвіч, Вольскага прынялі ў Саюз пісьменьнікаў, а Глобуса не пусцілі ні ў Саюз мастакоў, ні ў ПЭН // Наша Ніва, 26 кастрычніка 2010
^ Сяргей Будкін. (2011-05-03) Лявон Вольскі: «У Беларусі сытуацыя агульнанацыянальных Навінак» (бел.). Свабода. Праверана 2020-04-10 г. Архіўная копія ад 2020-04-10 г.
^ Лявон Вольскі — Пра аўтара РС — Радыё Свабода. Навіны Беларусі
^ Лідэр гурту «Н. Р. М» Лявон Вольскі чытае прыпавесьць Васіля Быкава «Хутаранцы». Радыё Свабода.
^ Памерла Ганна Вольская Беларуская асацыяцыя журналістаў 23.03.2016
^ Лявон Вольскі ажаніўся ФОТА аша Nina. Наша Ніва. Праверана 18 лютага 2018 г.
^ Лявон Вольскі на старонцы «Хто ёсьць хто ў РБ» (рас.)
^ Лявон Вольский: «В Беларуси есть одна настоящая звезда» (рас.)
^ Лявон Вольскі: «Гэта трыа N.R.M. я б не называў „энэрэмам“» | Experty.by — белорусская музыка Experty.by 29 жніўня 2011
^ Відэакліп Л.Вольскага і Г.Хітрык: «А я спадзяюся і веру» Радыё Свабода 22 сакавіка 2011
^ Вольскі і Аракелян на Svaboda Jazz Радыё «Свабода» 5 кастрычіка 2012
^ Алексей Александров. (2011-09-26) Из потока новостей (рас.). Белорусы и рынок. Праверана 2020-04-08 г. Архіўная копія ад 2020-04-08 г.

Вонкавыя спасылкі[рэдагаваць | рэдагаваць крыніцу]

Вікіцытатнік зьмяшчае збор цытатаў, датычных тэмы артыкула:

Лявон Вольскі

Афіцыйная старонка Архіўная копія
Старонка ў LiveJournal
Беларускі авангард — Вольскі (вершы)
«Асабістая справа» на афіцыйнай хатняй старонцы N.R.M. (копія з web.archive.org)
КУЛЬТурныя людзі: Лявон Вольскі
«Дасье» на N.R.M.. «Наша Ніва». Архіўная копія
Лявон Вольскі на старонцы «Хто ёсьць хто ў РБ» (рас.)
Інтэрвію з Вольскім на сайце Ultra-Music 30.05.2011

[1] Хартыя’97, Лявон Вольский: «Запреты растят оппозицию» (рас.)

[2] Сяргей Макарэвіч, Вольскага прынялі ў Саюз пісьменьнікаў, а Глобуса не пусцілі ні ў Саюз мастакоў, ні ў ПЭН // Наша Ніва, 26 кастрычніка 2010

[3] Сяргей Будкін. (2011-05-03) Лявон Вольскі: «У Беларусі сытуацыя агульнанацыянальных Навінак» (бел.). Свабода. Праверана 2020-04-10 г. Архіўная копія ад 2020-04-10 г.

[4] Лявон Вольскі — Пра аўтара РС — Радыё Свабода. Навіны Беларусі

[5] Лідэр гурту «Н. Р. М» Лявон Вольскі чытае прыпавесьць Васіля Быкава «Хутаранцы». Радыё Свабода.

[6] Памерла Ганна Вольская Беларуская асацыяцыя журналістаў 23.03.2016

[7] Лявон Вольскі ажаніўся ФОТА аша Nina. Наша Ніва. Праверана 18 лютага 2018 г.

[8] Лявон Вольскі на старонцы «Хто ёсьць хто ў РБ» (рас.)

[volski_zet-9] Лявон Вольский: «В Беларуси есть одна настоящая звезда» (рас.)

[10] Лявон Вольскі: «Гэта трыа N.R.M. я б не называў „энэрэмам“» | Experty.by — белорусская музыка Experty.by 29 жніўня 2011

[11] Відэакліп Л.Вольскага і Г.Хітрык: «А я спадзяюся і веру» Радыё Свабода 22 сакавіка 2011

[12] Вольскі і Аракелян на Svaboda Jazz Радыё «Свабода» 5 кастрычіка 2012

[13] Алексей Александров. (2011-09-26) Из потока новостей (рас.). Белорусы и рынок. Праверана 2020-04-08 г. Архіўная копія ад 2020-04-08 г.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]