Нэстар (міталёгія)
Нэстар (па-старажытнагрэцку: Νέστωρ) — у старажытнагрэцкай міталёгіі[1] — цар Піляса, сын Нэлея і Хлярыды.
Выратаваўся, калі Гэракл разбурыў Піляс, бо знаходзіўся на выхаваньні ў герэніяў[2]. Паводле вэрсіі Гэраклідаў, Гэракл, узяўшы Піляс, аддаў краіну ў часовае карыстаньне Нэстару[3]. Паводле іншага аповеду, Гэракл зьлітаваўся над ім, бо той раіў Нэлею ачысьціць Гэракла ад скверны[4]. Тыя гады, якія Апалён адабраў у братоў Хлярыды — Ніябідаў, ён вярнуў Нэстару, які пражыў тры чалавечых стагодзьдзя[5].
У юнацкасьці пасьля гібелі братоў удзельнічаў у вайне з эпэйцамі, забіў Мулія і яшчэ 100 чалавек[6]. Пасьля гібелі Ідаса і Лінкея ўлада над усімі мэсэнцамі перайшла Нэстару[7]. Жонка Анаксібія, дзеці Пісыдыка, Палікаста, Пэрсэй, Стратых, Арэт, Эхэфрон, Пісыстрат, Антылёх, Фрасімэд[8] (паводле Гесіёда, Стратый замест Стратыха, і не названы Пісыстрат[9]).
Удзельнік Калідонскага паляваньня[10], бітвы з кентаўрамі (паводле Авідыюса). Арганаўт[11]. Удзельнічаў у гульнях у Троі над кенатафам Парыса, у спаборніцтвах у беге[12].
Адзін з найистотнейшых удзельнікаў Траянскай вайны. Прывёў пад Трою 90 караблёў[13] (альбо 40[14]). Паводле «Іліяды» і «Адысэі», нягледзячы на глыбокую старасьць, Нэстар адрозьніваўся адвагай і нястомнасьцю і карыстаўся ўсеагульнай любоўю і павагай, пераўзыходзячы ўсіх спрактыкаванасьцю і разважлівасьцю. Шматлікія дасьледнікі адзначаюць, што постаць шматслоўнага Нэстара намаляваная Гамэрам не бяз пэўнага іранічнага складніка.
Вяртаньне з-пад Троі было шчасьлівым[15]. Узьвёў сьвяцілішча Атэны Недусіі на Кеосе[16]. У «Адысэі» расказана, як яго наведвае Тэлемах.
Крыніцы[рэдагаваць | рэдагаваць крыніцу]
- ^ Мифы народов мира. М., 1991-92. В 2 т. Т.2. С.213, Любкер Ф. Реальный словарь классических древностей. М., 2001. В 3 т. Т.2. С.450
- ^ Гесиод. Перечень женщин, фр.33b, 35 М.-У.
- ^ Павсаний. Описание Эллады II 18, 7
- ^ Элиан. Пёстрые рассказы IV 5
- ^ Гигин. Мифы 10
- ^ Гомер. Илиада XI 694—761
- ^ Павсаний. Описание Эллады IV 3, 1
- ^ Псевдо-Аполлодор. Мифологическая библиотека I 9, 9
- ^ Гесиод. Перечень женщин, фр.35 М.-У.
- ^ Овидий. Метамарфозы VIII 313
- ^ Валер Флакк. Аргонавтика I 380
- ^ Гигин. Міфы 273
- ^ Гомер. Илиада II 602; Гигин. Мифы 97
- ^ Псевдо-Аполлодор. Мифологическая библиотека Э III 12
- ^ Гомер. Одиссея III 157—183; Псевдо-Аполлодор. Мифологическая библиотека Э VI 1
- ^ Страбон. География X 5, 6 (стр.487)
Вонкавыя спасылкі[рэдагаваць | рэдагаваць крыніцу]
Нэстар (міталёгія) — сховішча мультымэдыйных матэрыялаў