Ошцьепак

Зьвесткі зь Вікіпэдыі — вольнай энцыкляпэдыі
Ошцьепак
Ошцьепак вельмі падобны да ягоных польскіх адпаведнікаў асцыпка і голкі(pl) (на выяве)

Ошцьепак (па-славацку: oštiepok, мн. л. oštiepky) — традыцыйны славацкі татранскі авечы сыр эліптычнае формы. Зьяўляецца зарэгістраванай таварнай маркай пад геаграфічнай пратэкцыяй(en) Эўразьвязу.

Вырабляецца са сьвежага салодкага сыру, які набіваюць у драўляныя круглыя формы і пакідаюць на пэўны час. Усе формы маюць прыкладна аднолькавы памер. Пасьля сыр апускаюць у цёплую салёную ваду і трымаюць, пакуль ён не набракне сольлю. Высахлы сыр дзякуючы знаходжаньню ў салёнай вадзе станае трывалым, набывае скарынку і жаўтаваты колер.

Тлустасьць блізу 33%. Смакам і кансыстэнцыяй ошцьепак нагадвае іншы вядомы сыр — вэнджаную парэніцу.

У Польшчы таксама існуе падобны сыр, які завецца асцыпек (польск. oscypek), адрозны суадносінамі інгрэдыентаў, працэсам вытворчасьці і смакавымі якасьцямі. З гэтай прычыны 29 траўня 2007 году міністры сельскай гаспадаркі Польшчы і Славаччыны Анджэй Лепер і Міраслаў Юрэня падпісалі пагадненьне пра тое, што ошцьепак і асцыпек мусяць быць прызнаныя рознымі прадуктамі.

Глядзіце таксама[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Асцыпексховішча мультымэдыйных матэрыялаў