Рукапіс Войніча
.jpg)
Рукапіс Войніча — таямнічая кніга, напісаная каля 600 гадоў таму невядомым аўтарам на невядомай мове з выкарыстаньнем невядомага альфабэту.
Паводле выніках радыёвугляроднага аналізу манускрыпта было выяўлена, што рукапіс быў створана паміж 1404 і 1438 гадамі. У рукапісу прысутнічаюць толькі некалькі рэалістычных малюнкаў, на адным зь якіх месьціцца выява места з зубцамі сьценаў тыпу «ластаўчын хвост». У пачатку XV стагодзьдзя такія зубцы сустракаліся толькі ў Паўночнай Італіі, але пазьней яны сталі больш распаўсюджанымі[1].
Рукапіс Войніча спрабавалі расшыфраваць мноства разоў, але да гэтага часу без усякага посьпеху. Марчэлё Мантэмура, фізык-тэарэтык з унівэрсытэту Манчэстэра, выявіў у рукапісу Войніча лінгвістычную структуру, якая, паводле словаў навукоўца, не сумяшчальная з гіпотэзай містыфікацыі й кажа пра тое, што ў тэксьце маецца зашыфраванае пасланьне[2]. Сваё дасьледаваньне Марчэлё апублікаваў у часопісе PLoS ONE[3], ягонае кароткае апісаньне таксама можна прачытаць на сайце BBC News[4]. Адзіная важная выснова, якую зрабілі спэцыялісты, — тэкст напісаны на штучнай мове, якая мае выразную лягічную структуру[5].
Кніга названая імём бібліяфіла з Коўна, Вільфрыда Войніча (мужа вядомай пісьменьніцы Этэль Ліліян Войніч, аўтаркі раман «Авадзень»), які набыў яе ў 1912 годзе. Цяпер яна захоўваецца ў бібліятэцы рэдкіх кнігаў Бэйнэке Ельскага ўнівэрсытэту.
Крыніцы[рэдагаваць | рэдагаваць крыніцу]
- ^ По материалам телепередачи «Код Войнича. Самый загадочный манускрипт в мире». Телеканал Культура (рас.)
- ^ Рукопись XV века оказалась закодированным сообщением на неизвестном языке. tut.by (рас.)
- ^ Keywords and Co-Occurrence Patterns in the Voynich Manuscript: An Information-Theoretic Analysis. (анг.)
- ^ Mysterious Voynich manuscript has 'genuine message'. BBC (анг.)
- ^ «Манускрипт Войнича»: Удастся ли расшифровать самую таинственную книгу в мире?. «Комсомольская правда». (рас.)
Вонкавыя спасылкі[рэдагаваць | рэдагаваць крыніцу]
- Рукапіс Войніча (PDF)
- The Voynich Manuscript. Internet Archive