Самэлье

Зьвесткі зь Вікіпэдыі — вольнай энцыкляпэдыі
(Перанакіравана з «Самелье»)
Самэлье правярае вытрымку віна

Самэлье́ (па-француску: sommelier [sɔməlje]) альбо чашнік — працаўнік рэстарану, адказны за набыцьцё, захоўваньне вінаў і прадстаўленьне іх кліенту.

Самэлье складае вінную карту, займаецца дэгустацыяй вінаў і дае рэкамэндацыі з выбару напояў наведвальнікам рэстарану. Самэлье ў сваёй працы карыстаецца спэцыяльным «лейцарам самэлье». Навучаньне самэлье праходзіць у спэцыялізаваных школах самэлье, дзе, акрамя тэарэтычных ведаў аб гісторыі віна й вінаробных рэгіёнах, будучыя самэлье вучацца раскладаць пахі віна на складнікі й інтэрпрэтаваць атрыманыя букеты. У выніку прафэсійны самэлье па паху віна здольны вызначыць якасьць напою, гатунак вінаграду, і часам рэгіён паходжаньня віна й яго ўзрост. Нюх трэніруецца з дапамогай спэцыяльных набораў вінных пахаў.

У сярэднявеччы ў Францыі пры каралеўскім двары «самэлье» называлі слугу, які адказваў за транспартаваньне багажу, а пазьней за бялізну, посуд, правізію й вінны склеп.

Зьвяз самэлье Францыі прысвойвае званьне «Мэтра самэлье» тым, хто прарабіў больш за 10 гадоў на гэтай пасадзе.

Лейцар самэлье

Этымалёгія[рэдагаваць | рэдагаваць крыніцу]

Тэрмін паходзіць ад францускага «conducteur de bêtes de somme».

Глядзіце таксама[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]