Ёрк (паўвостраў)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Выгляд на паўвостраў зьверху

Ёрк (па-ангельску: Yorke Peninsula) — паўвостраў у Аўстраліі паміж залівамі Спэнсэр і Сэнт Вінсэнт.

Геаграфія[рэдагаваць | рэдагаваць крыніцу]

Вялікая частка паўвострава Ёрк адрозніваецца плоскім рэльефам

Паўвостраў Ёрк разьмешчаны ў аўстралійскім штаце Паўднёвая Аўстралія, прыкладна за 150 км ад горада Адэлаіды. Контур паўвострава мае форму бота, які крыху нагадвае Апэнінскі паўвостраў.

Паўвостраў Ёрк абмываецца на захадзе залівам Спэнсэр, якія аддзяляе яго ад паўвострава Эйр, а на ўсходзе — залівам Сэнт Вінсэнт, якія аддзяляе яго ад гораду Адэлаіда і паўвострава Фляро. На поўдні паўвостраў Ёрк адлучаны пралівам Інвэстыгейтэр ад вострава Кенгуру.

Даўжыня паўвострава, які распасьціраецца ад мыса Спэнсэр на поўдні да Порта-Бротана на поўначы, складае каля 240 км, шырыня — 48 км. Плошча — 4200 км², даўжыня берагавой лініі — 563 км. Вышэйшая кропка паўвострава дасягае 244 м. Сталыя рэкі адсутнічаюць. Максымальная тэмпэратура ўлетку — 40 °C, мінімальная ўзімку — 4 °C.[1]

У паўднёва-заходняй частцы паўвострава разьмешчаны Нацыянальны парк Інс (па-ангельску: Innes National Park).

Крыніцы[рэдагаваць | рэдагаваць крыніцу]

  1. ^ Yorke Peninsula. Geography(анг.). South Australia. Yorke Peninsula. Праверана 29 января 2009 г.

Вонкавыя спасылкі[рэдагаваць | рэдагаваць крыніцу]

Commons-logo.svg  Ёрк (паўвостраў)сховішча мультымэдыйных матэрыялаў

Каардынаты: 34°21′ пд. ш. 137°37′ у. д. / 34.35° пд. ш. 137.617° у. д. / -34.35; 137.617