Інвэстыцыя
Зьвесткі зь Вікіпэдыі — вольнай энцыкляпэдыі.
Інвэстыцыя - грашовыя сродкі, каштоўныя паперы і іншая маёмасьць а таксама маёмасныя правы з грашоваю ацэнкай, што ўкладаюцца ў аб'екты прадпрымальніцкае дзейнасьці з мэтаю атрыманьня прыбытку ці іншага пазытыўнага эфэкту.
Формы інвэстыцый:
- Грошы
- Маёмасьць (уключаючы каштоўныя паперы)
- Маёмасныя правы
Аб'екты інвэстыцый:
Актывы могуць быць як формаю, так і аб'ектам інвэстыцый.
[рэдагаваць] Клясыфікацыя інвэстыцый
Па аб'ектах укладаньняў:
- Рэальныя: у асноўныя фонды, матар'яльна-вытворчыя запасы, нерухомасьць, нематар'яльныя актывы, навукова-дасьледчыя і канструктарскія работы, падрыхтоўка і павышэньне кваліфікацыі кадраў.
- Фінансавыя: у каштоўныя паперы, банкаўскі дэпазыт, замежную валюту, аб'екты тэзаўрацыі.
Па формах уласнасьці:
- Прыватныя: ажыцьцяўляюцца фізычнымі і юрыдычнымі асобамі недзяржаўнае формы ўласнасьці
- Дзяржаўныя: орґанамі дзяржаўнае ўлады (цэнтралізаваныя) і дзяржаўнымі прадпрыемствамі (нецэнтралізаваныя)
- Замежныя: ажыцьцяўляюцца замежнымі асобамі, дзяржавамі і міжнароднымі арґанізацыямі. Па мэтах адрозьніваюцца простыя і партфэльныя інвэстыцыі.
Простыя інвэстыцыі - інвэстыцыі з мэтаю росту капіталу і ўдзелу ў кіраваньні аб'ектам інвэстыцыі (як правіла адбываюцца ў выглядзе набыцьця буйнага пакету акцый: паводле МВФ: больш за 25%)
Партфэльныя інвэстыцыі - інвэстыцыі з мэтаю дывэрсыфікацыі рызыкі ўкладаньняў і атрыманьня бягучага даходу без удзелу ў кіраваньні аб'ектам інвэстыцыі
- Сумесныя: ажыцьцяўляюцца сумесна айчыннымі і замежнымі асобамі.
