Ірына Казуліна
Зьвесткі зь Вікіпэдыі — вольнай энцыкляпэдыі.
| Ірына Казуліна | |
| Род дзейнасьці | грамадзкі дзеяч |
|---|---|
| Дата нараджэньня | 19 кастрычніка 1959 |
| Месца нараджэньня | Менск, БССР |
| Дата сьмерці | 23 лютага 2008 |
| Месца сьмерці | Менск, Беларусь |
Ірына Казуліна (19 кастрычніка 1959 — 23 лютага 2008) — грамадзкі дзеяч, жонка былога кандыдата ў прэзыдэнты Аляксандра Казуліна.
Скончыла мэханічна-матэматычны факультэт БДУ, дзе і пазнаёмілася са сваім будучым мужам Аляксандрам Казуліным. Працавала праграмістам у НПА «Планар», затым — у Цэнтры праблем чалавека БДУ. Пасьля заканчэньня Міжнароднай школы бізнэсу і мэнэджмэнту тэхналёгіяў БДУ працавала маркетолягам ў тым самым Цэнтры.
Актыўна дапамагала хворым на рак малочнай залозы. У 2007 годзе выступіла адной з арганізатараў праведзенай у Менску міжнароднай канфэрэнцыі па праблемах падтрымкі жанчын, хворых на рак малочнай залозы.
Памерла ў 19:40 23 лютага 2008 году на 49-м годзе жыцьця[1].
