Ірэна (імя)

Ірэ́на — жаночае імя ад грэцкага слова Эйрэна (па-грэцку: Ειρήνη) — «спакой». Распаўсюджана ў ангельскамоўных і гішпанамоўных краінах.

У ЗША адпаведна дадзеным бюро перапісі насельніцтва ў 2007 годзе гэтае імя зьяўляецца папулярным (уваходзіць у першую 1000 імён) і знаходзіцца на 632 месцы. У Гішпаніі гэтае імя знаходзіцца на 6 месцы па папулярнасьці.

У Польшчы і Італіі існуюць мужчынскія варыянты імені.

Варыянты ў розных мовах

Жаночыя варыянты

• па-ангельску: Irene (у вогулле ў краінах Заходняй Эўропы)
• па-грэцку: Ειρήνη
• па-вугорску: Irén, Iréne, Irina
• па-расейску: Ирена, Арина, Рина, Ирина
• па-польску: Irena

Мужчынскія варыянты

• па-італьянску: Ireno, Irenio, Ireneo, Reneo
• па-польску: Ireneusz

Сьвяткаваньні

У розных краінах сьвету Ірэны сьвяткуюць імяніны:

у Італіі — сьвяткуюць імяніны 20 кастрычніка ў гонар сьвятой Ірэны з Партугаліі, 1 красавіка — у гонар сьвятой Ірэны з Фэсалонікаў, 5 траўня — у гонар сьвятой Ірэны з Лечэ.

У Нямеччыне — 22 студзеня ў гонар сьвятой Ірэна з Рыму, 1 красавіка, 9 жніўня — у гонар сьвятой Ірэны з Бізантыі, 20 кастрычніка.

У Польшчы — 21 лютага, 1, 3 і 5 красавіка, 5 траўня, 9 і 14 жніўня, 18 і 20 верасьня, 20 кастрычніка.

У Вугоршчыне — 25 сакавіка, 3 і 5 красавіка, 5 мая, 28 чэрвеня, 20 кастрычніка.

У Чэхіі — 16 красавіка.

У Грэцыі — 5 мая, 28 ліпеня.

У Фінляндыі і Швэцыі — 5 красавіка.

У Славаччыне — 6 красавіка.

Месяц	Студзень	Люты	Сакавік	Красавік					Травень	Чэрвень	Ліпень	Жнівень		Верасень		Кастрычнік
Дата	22	21	25	1	3	5	6	16	5	28	28	9	14	18	20	20
Сьвятая	Ірэна з Рыму			Ірэна з Фэсалонікаў				Ірэна з Карынфу	Ірэна з Пэрсіі, Ірэна з Лечэ		Ірэна з Кападокіі	Ірэна з Бізантыі		Ірэна з Эгіпту		Ірэна з Партугаліі
Краіны

Сьвятыя

• Сьвятая мучаніца Ірэна з Александрыі (5 чэрвеня).

• Сьвятая законьніца Ірэна з Кападокіі (28 ліпеня).

• Сьвятая мучаніца Ірэна з Карынфу (16 красавіка).

• Сьвятая ігуменьня Ірэна з Палестыны (26 лютага).

• Сьвятая вялікамучаніца Ірэна з Пэрсіі (5 траўня).

• Сьвятая мучаніца Ірэна з Партугаліі (20 кастрычніка).

• Сьвятая мучаніца Ірэна з Рыму (22 студзеня).

• Сьвятая мучаніца Ірэна з Фэсалонікаў (3 і 5 сакавіка на Захадзе і 16 сакавіка на Ўсходзе).

• Сьвятая імпэратрыца Ірэна з Бізантыі (7 жніўня).

• Сьвятая мучаніца Ірэна з Эгіпту (18 верасьня).

• Сьвятая імпэратрыца, у выніку стаўшая законьніцай Ірэна Ксенія (13 жніўня).

Вядомыя Ірэны

Ірэна Сэндлерова — польская актывістка Другой сусьветнай вайны, выратаваўшая каля 2500 дзяцей з Варшаўскага гэтта.

Ірэн Жоліо-Кюры — ляўрэат Нобэлеўскай прэміі па хіміі, дачка Марыі Складоўскай-Кюры.

Геаграфічныя і астранамічныя назвы

Ірэнка — рака у Польшчы, правы прыток ракі Вепш.

Ірэна — астэроід паміж арбітамі плянэт Марса і Юпітэра.

Пэрсанажы ў творах

Кіно

Ірэн Уотэрс — пэрсанаж з кінафільму «Я, зноў я і Ірэн» (акторка Рэнэ Зэльвэгер).

Літаратура

Ірэн — пэрсанаж з раману Джона Голсуорсі «Сага аб Фарсайтах».

Ірэн Адлер — пэрсанаж з апавяданьня Артура Конана Дойля «Скандал у Багэміі».

Таксама варты ўвагі

У атрадзе Вераб’інападобных, сямействе Лістоўкавых (па-лацінску: Irenidae) ёсьць род птушак Ірэна (па-лацінску: Irena), які складаецца з дзьвух відаў Ірэна блакітная (па-лацінску: Irena puella) і Ірэна філіпінская (па-лацінску: Irena cyanogaster).