Іса

Рака
Іса
Выток	каля в. Серабрышча
Вусьце	Шчара
Даўжыня	62 км
Сярэднегадавы сьцёк	3,6 м³/с
Плошча басэйну	554 км²
Нахіл воднай паверхні	1,1 ‰

Іса — рака ў Баранавіцкім раёне Берасьцейскай вобласьці і Слонімскім раёне Гарадзенскай вобласьці, правы прыток ракі Шчара (басэйн Нёмана). Даўжыня 62 км. Плошча вадазбору 554 км². Выдатак вады ў вусьці 3,6 м³/с. Сярэдні нахіл воднай паверхні 1,1‰.

Асноўныя прытокі

• Пляхоўка, Рудня, Іска

На рацэ

• Месты: Слонім
• Зоны адпачынку: Іса

Агульныя зьвесткі

Пачынаецца каля вёскі Серабрышча Баранавіцкага раёну, упадае ў Шчару ў межах Слоніма. Часткова працякае тэрыторыяй біялягічнага заказьніку Слонімскі.

Даліна трапэцападобная. Абалона чаргуецца па берагах, месцамі адсутнічае, шырыня яе 100—180 м. Рэчышча ў высокай і нізкай плыні на працягу 15 км каналізаванае: ад вытоку да вёскі Зьвераўшчына (11,6 км) і ад вёскі Харашэвічы да вёскі Нагуевічы (3,4 км). Яго шырыня ў межань 4—8 м. На рацэ каля Слоніма і вёскі Нагуевічы плаціны.

Літаратура

• Блакiтная кнiга Беларусi: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. ISBN 5-85700-133-1.
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1-2. — Л., 1971.
• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.