Іцхак Пэрэльман

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Іцхак Пэрэльман
Itzhak Perlman
יצחק פרלמן
Эд Саліван віншуе Іцхака Пэрэльмана пасьля канцэрту (1958)
Эд Саліван віншуе Іцхака Пэрэльмана пасьля канцэрту (1958)
Дата нараджэньня 31 жніўня 1945 (69 гадоў)
Месца нараджэньня Тэль-Авіў, Брытанскі мандат у Палестыне
Гады творчасьці 1963 — цяпер
Краіна Ізраіль
Прафэсіі дырыгент, пэдагог, скрыпач
Інструмэнты скрыпка
Жанры клясычная музыка, джаз, клезьмер, барока
itzhakperlman.com

Іцха́к Пэрэльма́н (Пэ́рльман; на іўрыце: יצחק פרלמן, па-ангельску: Itzhak Perlman; нарадзіўся 31 жніўня 1945, Тэль-Авіў, Брытанскі мандат у Палестыне) — ізраільска-амэрыканскі скрыпач, дырыгент. Ляўрэат некалькіх прэміяў Грэмі.

Жыцьцяпіс[рэдагаваць | рэдагаваць крыніцу]

Дзяцінства[рэдагаваць | рэдагаваць крыніцу]

Бацькі Іцхака, Хаім і Шашана Пэрэльманы, у 1930-я імігравалі з Польшчы ў Палестыну, дзе пазнаёміліся й ажаніліся. Іцхак упершыню зацікавіўся скрыпкай, пачуўшы канцэрт клясычнае музыкі па радыё. Бацькі хацелі аддаць яго ў трохгадовым узросьце ў Шуляміцкую кансэрваторыю(en), аднак яго не прынялі з-за недастатковага ўзросту для ігры на скрыпцы[1]. Тады ён самастойна засвоіў ігру на цацачнай скрыпцы, а пасьля працягнуў навучаньне ў Шуляміцкай кансэрваторыі і Музычнай акадэміі ў Тэль-Авіве.

У чатырохгадовым узросьце Іцхак Пэрэльман падхапіў поліяміэліт, і ў яго адняліся ногі. З тае пары ён вымушаны карыстацца мыліцамі ці электрычным крэслам, на якім сядзіць падчас сваіх выступаў.

У 1958 сям’я Пэрэльманаў пераехала ў Злучаныя Штаты, а пасьля двух выступаў на шоў Эда Салівана Іцхак займеў фінансавую падтрымку дзеля працягу навучаньня[2]. Ён стаў вучнем Джульярдзкай школы ў Нью-Ёрку.

Выступы[рэдагаваць | рэдагаваць крыніцу]

У 1963 адбыўся дэбют Іцхака Пэрэльмана ў Карнэгі-холе, а ў наступным року ён стаў пераможцам конкурсу Левэнтрыта. Неўзабаве ён пачаў актыўна выступаць у турах. Сьпявае басам.

Акрамя выкананьня клясычнае музыкі, Пэрэльман таксама іграў джаз і клезьмер. Запісаў некалькі песьняў для фільмаў, найбольш вядомы зь якіх — «Сьпіс Шындлера» рэжысэра Джона Ўільямза. Разам зь віялянчэлістам Ё-Ё Ма удзельнічаў са сваёй скрыпкай у запісе мэлёдыяў для фільму «Мэмуары гейшы».

Іцхак Пэрэльман іграе на скрыпцы(en) італійскага майстра Антоніё Страдывары, створанай ў 1714 року, а таксама на Сарэ Джузэпэ Гварнэры.

Дырыгент[рэдагаваць | рэдагаваць крыніцу]

Пэрэльман па запрашэньні выступае дырыгентам Дэтройцкага сымфанічнага аркестра. У 2002—2004 быў музычным кансультантам Сэнт-Люіскага сымфанічнага аркестра. З 2007 зьяўляецца мастацкім кіраўніком і галоўным дырыгентам Ўэстчэстэрскага філярманічнага аркестра.

Сям’я[рэдагаваць | рэдагаваць крыніцу]

Іцхак Пэрэльман жыве ў Нью-Ёрку з жонкай Тобі, таксама клясычнай скрыпачкай. Маюць пяцёх дзяцей: Ноя, Наву, Ляору, Рамі і Арыэлу.

Honors and awards[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Israeli Violin Prodigy Admits He Likes Jazz. Proquest.com. Праверана october 1, 2011 г.
  2. ^ Ицхак Перлман — Еврейский скрипач, известный всему миру(рас.) Музыка скрипки Праверана 5 жніўня 2013 г.
  3. ^ а б Perlman awards Праверана March 25, 2008 г.

Вонкавыя спасылкі[рэдагаваць | рэдагаваць крыніцу]

Commons-logo.svg  Іцхак Пэрэльмансховішча мультымэдыйных матэрыялаў