Ўэйн Брыдж

Ўэйн Брыдж
Пэрсанальная інфармацыя
Нарадзіўся	5 жніўня 1980 Саўтгэмптан, Ангельшчына
Рост	178
Пазыцыя	левы абаронца
Клюбная інфармацыя
Клюб	Сандэрлэнд
Нумар	3
Моладзевыя клюбы
1996—1998	Олівэрз Бэтэры Саўтгэмптан
Клюбы
Гады	Клюб	Гульні (галы)¹
1998—2003 2003—2009 2006 2009— 2011 2012—	Саўтгэмптан Чэлсі → Фулгэм (арэнда) Манчэстэр Сіці → Ўэст Гэм Юнайтэд (арэнда) → Сандэрлэнд (арэнда)	151 (2) 87 (1) 0 (0) 32 (0) 15 (0) 2 (0)
Нацыянальная зборная
2002—2009	Ангельшчына	36 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 1 лютага 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 19 лістапада 2008.

Ўэйн Брыдж (па-ангельску: Wayne Bridge; нарадзіўся 5 жніўня 1980) — ангельскі футбаліст, абаронца клюба «Манчэстэр Сіці», зараз знаходзіцца ў арэндзе ў клюбе «Сандэрлэнд». Былы гулец нацыянальнай зборнай Ангельшчыны. Выпуськнік акадэміі «Саўтгэмптана», дзе ён дэбютаваў у 1998 годзе, таксама гуляў за «Чэлсі» й «Фулгэм» падчас сваёй кар’еры.

Нягледзячы на тое, што ён не рэгулярна выходзіў у складзе зборнай, але Ўэйн мае на сваім рахунку 36 матчаў за нацыянальную зборную Ангельшчыны, у тым ліку значыўся ў сьпісе гульцоў Ангельшчыны на двух Кубках сьвету. Спыніў сваю міжнародную кар’еру 25 лютага 2010 году, пасьля меркаванага раману паміж ягонай экс-сяброўкай і капітанам зборнай Ангельшчыны Джонам Тэры.

Біяграфія

«Саўтгэмптан»

Брыдж нарадзіўся ў Саўтгэмптане, але пераехаў разам з бацькамі ў Ўінчэстэр у раньнім ўзросьце, аднак сувязі з горадам не парваў. Ўэйн з раньніх гадоў наведваў футбольную акадэмію «Саўтгэмптана». За які ў дэбютаваў у 1998 годзе.

«Чэлсі»

Яшчэ адзін, нараўне з Эшлі Коўлам, левы абаронца зборнай Ангельшчыны ў складзе «Чэлсі». Прыйшоў у клюб у 2003 годзе з «Саўтгэмптану» і па выніках сэзону 2003/04 быў уключаны ў сымбалічную зборную. Адносіны з галоўным трэнэрам клюба Жазэ Маўрынью складаліся не заўсёды гладка, таму другую палову сэзону 2005/06 Уэйн правёў у арэндзе ў «Фулгэме».

У сэзоне 2006/07 з прыходам Эшлі Коўла сытуацыя з гульнявой практыкай для Ўэйна зноў ускладнілася, хоць у першых матчах ён праявіў сябе цудоўна. У бягучым сэзоне Ўэйн практычна забраў сабе статус асноўнага левага фул-бэка, тым самым пасадзіўшы Эшлі Коўла на зэдаль. Гэта ўсё тлумачыць тое, што Брыдж больш атлетычны, меней падатлівы ў адзінаборствах, а таксама валодае вялікай разнастайнасьцю ў нападах. Але ў зборнай Ангельшчыне, гэтую ролю па-ранейшаму давяраюць Коўлу.

Вонкавыя спасылкі

• Прафайл на сайце BBC
• Прафайл на сайце FIFA