Ўэст Бромўіч Альбіён

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сьцяг Ангельшчыны Ўэст Бромўіч Альбіён
West Bromwich Albion.png
Поўная назва West Bromwich Albion Football Club
Мянушкі Albion, The Baggies, The Throstles, West Brom
Заснаваны 1878
Горад Ўэст Бромўіч, Ангельшчына
Стадыён Гоўтарнз
Умяшчальнасьць: 26 500
Прэзыдэнт Джэрэмі Піс
Галоўны трэнэр Элан Ірвайн
Чэмпіянат Прэм’ер-Ліга
 · 2013—2014 17 месца
Хатнія колеры
Выязныя колеры

Ўэст Бромўіч Альбіён (па-ангельску: «West Bromwich Albion Football Club»; таксама вядомы як «West Brom», «The Baggies», «Albion», «The Albion», «The Throstles», «W.B.A.») — прафэсійны ангельскі футбольны клюб, які базуецца ў горадзе Ўэст Бромўіч. Клюб быў заснаваны ў 1878 годзе, у 1888 годзе стаў адным з клюбаў-заснавальнікаў ангельскай футбольнай лігі. У сэзоне 1919—1920 гадоў станавіўся чэмпіёнам Ангельшчыны. Выступаў у Прэм’ер-лізе. У 1888, 1892, 1931, 1954 і 1968 гадох клюб заваёўваў Кубак Ангельшчыны па футболе. У сэзоне 2008—2009 гадоў у Прэм’ер-Лізе заняў 20-е месца і вылецеў у Чэмпіянат Футбольнай Лігі. Практычна ўсю сваю гісторыю каманда выступае ў паласатай сіне-белай форме, аднак на працягу сваёй гісторыі ў «Ўэст Бромўіча» меліся й іншыя камплекты паласатых формаў (жоўта-зялёныя й чырвона-белыя).

Найбольш распаўсюджаная мянушка клюба сярод заўзятараў — Baggies (мяшкі, сумкі), якая зьявілася дзякуючы абвіслым працоўным штанам працоўных, якія падтрымлівалі каманду ў пачатку XX стагодзьдзя. Аднак маецца й іншая мянушкау — Throstles (дразды), бо першапачаткова на эмблеме клюба быў намаляваны дрозд, які сядзіць на бэльцы брамы, аднак пасьля яе замяніла галіна глогу.

Прынцыповымі супернікамі каманды зьяўляюцца некаторыя клюбы зь Мідлэндса: традыцыйным супернікам «Ўэст Бромўіча» быў клюб «Астан Віла», аднак у апошні час іхным асноўным супернікам па дэрбі зьяўляецца «Ўулвэргэмптан Ўандэрэрз».

Гісторыя[рэдагаваць | рэдагаваць крыніцу]

Клюб быў заснаваны як «Ўэст Бромўіч Стролерз» у 1878 годзе працаўнікамі з прадпрыемства George Salter's Spring Works з Ўэст Бромўіча, у Стафардшыры, але зараз гэтае месца ёсьць часткай адміністрацыйнай акругі Ўэст-Мідлэндс. У 1880 годзе клюб быў перайменаваны на сучасны лад «Ўэст Бромўіч Альбіён», стаўшы першай камандай у назове якой пачало ўжывацца слова «Альбіён». Справа ў тым, што Альбіён — былы раён Ўэст Бромўіча, дзе некаторыя з гульцоў жылі ці працавалі. Клюб далучыўся да Футбольнай асацыяцыі Бірмінггэму й прылеглых раёнаў у 1881 годзе й адразу атрымаў права на выступы ў вышэйшыі дывізіёне — Кубку Бірмінггэму. «Ўэст Бромўіч» у першы сэзон дайшоў да чвэрцьфіналу, атрымаўшы шэраг перамогаў над некалькімі вядомымі клюбамі на сваім шляху. У 1883 годзе «Альбіён» атрымаў свой ​​першы трафэй — Кубак Стафардшыру. У тым жа годзе «Ўэст Бромўіч» далучыўся да Футбольнай асацыяцыі, што дазволіла клюбу прыняць удзел у розыгрышу Кубку Ангельшчыны ўпершыню ў сэзоне 1883—1884 гадоў. У 1885 годзе клюб атрымаў прафэсійны статус[1], а ў 1886 годзе яны дасягнулі фіналу Кубка Ангельшчыны, дзе аднактрывалі паразу зь лікам 0:2 у вырашальным матчы супраць «Блэкбэрн Ровэрз» у перагулёўцы. У 1887 годзе клюб зноўку дайшоў да фіналу, але на гэты раз прайграў ужо «Астан Віле» зь лікам 2:0. У 1888 годзе клюб усё ж такі стаў уладальнікам Кубка Ангельшчыны, перамогшы ў фінале моцнага фаварыта «Прэстан Норт Энд» зь лікам 2:1 у фінале.

У сакавіку 1888 году Ўільям Макгрэгар напісаў лісты пяці паводле ягонага меркаваньня мацнейшым клюбам краіны, у тым ліку й «Ўэст Бромўіч Альбіёну», інфармуючы іх аб сваім намеры стварыць асацыяцыю клюбаў, якія будуць гуляць адзін з адным дома й у гасьцёх кожны сэзон. Такім чынам, калі футбольная ліга была створана, «Альбіён» стаў адным з дванаццаці ягоных чальцоў-заснавальнікаў. Другі посьпех у розыгрышы Кубка Ангельшчыны прыйшоў да «Альбіёну» ў 1892 годзе, калі ў фінале гульцамі з Ўэст Бромўічу была пераможана «Астан Віла» зь лікам 3:0. У фінале Кубка 1895 году гэтыя супернікі сустрэліся зноўку, але на гэты раз «Альбіён» трываў паразу 1:0.

Дасягненьні[рэдагаваць | рэдагаваць крыніцу]

  • Чэмпіёны Ангельшчыны (1920).
  • Уладальнікі Кубка Ангельшчыны (1888, 1892, 1931, 1954, 1968).
  • Уладальнікі Кубка Ангельскай Лігі (1966).

Склад[рэдагаваць | рэдагаваць крыніцу]

Па стане на 1 верасьня 2014 году

Пазыцыя Імя Год нараджэньня
1 Сьцяг Ангельшчыны Бр Бэн Фостэр 1983
2 Сьцяг Ангельшчыны Аб Андрэ Ўісдам (ар. Лівэрпул) 1993
3 Сьцяг Швэцыі Аб Юнас Ульсан 1983
4 Сьцяг Паўночнай Ірляндыі Аб Крыс Бэйрд 1982
5 Сьцяг Аргентыны ПА Кляўдыё Якаб 1987
6 Сьцяг Ангельшчыны Аб Джолеан Лескат 1982
7 Сьцяг Шатляндыі ПА Джэймз Морысан 1986
8 Сьцяг Ангельшчыны ПА Крэйг Гарднэр 1986
9 Сьцяг Нігерыі Нап Браўн Ідэе 1988
10 Сьцяг Нігерыі Нап Віктор Анічэбэ 1988
11 Сьцяг Паўночнай Ірляндыі ПА Крыс Брант (капітан) 1984
13 Сьцяг Ўэйлзу Бр Боаз Майгіл 1982
14 Сьцяг Аўстраліі Аб Джэйсан Дэйвідсан 1991
15 Сьцяг Бэльгіі Аб Сэбаст’ен Паканьёлі 1987
Пазыцыя Імя Год нараджэньня
16 Сьцяг Коста Рыкі Аб Крыстыян Гамбоа 1989
17 Сьцяг Шатляндыі ПА Грэм Доранз 1987
18 Сьцяг Ангельшчыны Нап Сайда Бэраіна 1993
19 Сьцяг Ангельшчыны Бр Люк Дэніелз 1988
20 Сьцяг Ангельшчыны Аб Ліям О’Ніл 1993
21 Сьцяг Дэмакратычнай Рэспублікі Конга ПА Юсуф Мюлюмбю 1987
23 Сьцяг Паўночнай Ірляндыі Аб Гэрэт Маколі 1979
25 Сьцяг Ангельшчыны Аб Крэйг Доўсан 1990
27 Сьцяг Партугаліі ПА Сылвэстрэ Варэла (ар. Порту) 1985
28 Сьцяг Аргентыны ПА Сэбастыян Блянка 1988
29 Сьцяг Бэніну ПА Стэфан Сэсэньён 1984
30 Сьцяг Грэцыі Нап Ёргас Самарас 1985
33 Сьцяг Ірляндыі Аб Брэдлі Гэрмстан 1994
34 Сьцяг Ангельшчыны ПА Кемар Руф 1993

Вядомыя гульцы[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ In the record book. West Bromwich Albion F.C.

Вонкавыя спасылкі[рэдагаваць | рэдагаваць крыніцу]

Commons-logo.svg  Ўэст Бромўіч Альбіёнсховішча мультымэдыйных матэрыялаў