Ўэст Гэм Юнайтэд

Ўэст Гэм Юнайтэд
Поўная назва	West Ham United F.C.
Мянушкі	Малатабойцы
Заснаваны	1895
Горад	Лёндан, Ангельшчына
Стадыён	Аптан Парк Умяшчальнасьць: 35 303
Прэзыдэнт	Дэйвід Саліван Дэйвід Голд
Галоўны трэнэр	Сэм Элардайс
Чэмпіянат	Прэм’ер-Ліга
· 2011—2012	Футбольная ліга, 3 месца
Хатнія колеры Выязныя колеры

«Ўэст Гэм Юнайтэд» (па-ангельску: West Ham United) — ангельскі футбольны клюб зь Лёндану. Клюб быў заснаваны ў 1895 годзе пад назовам «Thames Ironworks F.C.» і рэфармаваны ў 1900 годзе, зьмяніўшы назву на сучасную «Ўэст Гэм Юнайтэд». У 1904 годзе клюб пераехаў на сёньнішні стадыён «Балейн Граўнд», які да таго ж мае назоў «Аптан Парк». Спачатку клюб удзельнічаў ў Паўднёвай і Заходняй лігах, пакуль у 1919 годзе ў рэшце рэшт не ўступлілі ў Футбольную лігу, у якой у 1923 годзе прасунуліся ў вышэйшы дывізіён. У 1923 годзе клюб таксама дайшоў да фіналу Кубка Ангельшчыны, у якім саступіў на стадыёне Ўэмблі «Болтану Ўандэрэрс».

У 1940 годзе каманда перамагла ў розыгрышу Ваеннага кубка. Клюб перамагаў у Кубку Ангельшчыны тры разы: у 1964, 1975 і 1980 гадох, двойчы займаючы другую прыступку: у 1923 і 2006 гадох. У 1965 годзе клюб дамогся перамогі ў эўрапейскім Кубку Кубкаў, а ў 1999 годзе каманда перамагла ў Кубку Інтэртота.

Гісторыя

ХIХ стагодзьдзе. Раньнія гады

Самы раньні вядомы фотаздымак каманды, зроблены ў 1895 годзе

Футбольны клюб «Ўэст Гэм» пачаў сваё існаваньне ў 1895 годзе, але пад іншай назвай. Тады каманду менавалі «Thames Ironworks F.C.». Малады клюб стаў гуляць у Лізе Лёндану праз год пасьля свайго стварэньня, і ў наступным сэзоне выйграў турнір. Затым ён уступіў у Другі Дывізіён Паўднёвай Лігі. «Малатабойцы» сьвяткавалі посьпех у першым сваім сэзоне ў новым турніры. У 1900 годзе клюб зьмяніў назву і стаў менавацца «West Ham United F.C.». Гэтую назву каманда захавала і па гэты дзень.

Спачатку каманда гуляла ў поўнасьцю сіняй экіпіроўцы, як якую каманду натхніў першы ўладальнік клюба Арнальд Гілз. Аднак у хуткім часе колеры формы зьмяніліся, і каманда пераапранулася ў блакітныя кашулі й белыя шорты, якія насіла з 1897 па 1899 гады. У 1899 годзе клюб набыў камплект формы з традыцыйнымі бардовымі кашулямі з блакітнымі рукавамі з дапамогай гульцоў «Астан Вілы» гульцоў. У гэтай форме клюб гуляе й да нашага часу.

Пасьля спрэчкі, якая разгарнулася ў чэрвені 1900 году, паводле функцыянаваньня й фінансаваньня клюба «Thames Ironworks F.C.» быў расфармаваны, а затым амаль адразу ж адноўлены 5 ліпеня 1900 года пад назовам «Ўэст Гэм Юнайтэд» з удзелам Сыда Кінга ў якасьці мэнэджара і будучага мэнэджара Чарлі Пэйнтэра ў якасьці ягонага памочніка.

ХХ стагодзьдзе

Белы конь Білі, выратавальнік фіналу кубка 1923 году

У 1923 годзе каманда гуляла ў фінале Кубка Ангельшчыны. «Ўэст Гэму» так-сяк атрымоўвалася трымацца на плаву ў Першым Дывізіёне, але ў 1932 годзе клюб выляцеў у Другі Дывізіён і знаходзіўся тамака даволі доўга — чвэрць стагодзьдзя.

У 50-я гады ХХ-га стагодзьдзя каманда стала прагрэсаваць. Прыйшоў новы трэнэр: Тэд Фэнтан, які разьвіваў таленты маладых гульцоў, што неўзабаве прынесла адчувальны вынік. Ён складаўся і ў тым, што ў 1958 годзе «Малатабойцы» ізноў увайшлі ў Першы дывізіён, выйграўшы чэмпіянат Другога Дывізіёна.

У 1961 годзе ў «Ўэст Гэме» зьмяніўся трэнэр. На месца Тэда Фэнтана прыйшоў Рон Грынвуд. Ён выкарыстаў распачынаньні папярэдняга трэнэра ў пляне маладых гульцоў. У дадатак ён набыў некалькі нядрэнных футбалістаў і зьмяніў схему гульні. Усё гэта прынесла посьпех камандзе Грынвуда — перамогу ў Кубку Ангельшчыне над «Прастанам» 3—2. Але яшчэ ў паўфінале малатабойцам атрымалася атрымаць перамогу над «Манчэстэр Юнайтэд». На гэтым каманда не спынілася. Неўзабаве «Ўэст Гэм» атрымаў сваю першую буйную перамогу на эўрапейскай арэне, абгуляўшы ў фінале Кубка кубкаў «Мюнхэн-1860».

Да 70-х гадоў сышлі некалькі вядучых гульцоў, а таксама і Грынвуд. Новым трэнэрам стаў Джон Лаял. З камандай Лаял выйграў Кубак Ангельшчыны у 1975. А у 1976 годзе «Ўэст Гэм» мог паўтарыць свой эўрапейскі посьпех і выйграць Кубак кубкаў у другі раз, але пацярпеў няўдачу, у фінале прайграўшы бэльгійскаму «Андэрлэхту». Далей становішча пагоршылася — каманда выляцела ў Другі Дывізіён у 1978 годзе.

Праз тры гады клюб вярнуўся, прычым у 1980 «Ўэст Гэм» у трэці раз за сваю гісторыю выйграў Кубак Ангельшчыны, а ў 1981 годзе быў блізкі да выйгрышу Кубка Лігі, але саступіў «Лівэрпулю». Неўзабаве каманда заняла трэцяе месца ў Першым Дывізіёне, што зьяўляецца для яе лепшым вынікам і па гэты дзень. У 1989 годзе «Ўэст Гэм» ізноў апусьціўся ў ніжні па ўзроўні Дывізіён, праз два гады ён вярнуўся, але ў 1992 годзе рушыла ўслед чарговае паніжэньне ў клясе.

У пачатку 90-х да трэнэра Білі Бондса далучыўся Гары Рэднап. Клюб адразу жа вярнуўся ў нядаўна створаную Прэм’ер-Лігу. Неўзабаве Рэднап застаўся адзін. Пры ім каманда трымалася ў Прэм'ер-Лізе, а ў 1999 годзе выйграла Кубак Інтэртота.

Дасягненьні

• Кубак Ангельшчыны: (3)
  • 1964, 1975, 1980

• Кубак уладальнікаў кубкаў: (1)
  • 1965

• Кубак Інтэртота: (1)
  • 1999

Склад

Па стане на 16 сакавіка 2013 году

№ Пазыцыя Імя Год нараджэньня 2 Аб Ўінстан Рыд 1988 3 Аб Джордж Макартні 1981 4 ПА Кевін Нолан (капітан) 1982 5 Аб Джэймз Томкінз 1989 7 ПА Мэт’ю Джэрвіс 1986 8 Нап Эндзі Кэрал (ар. «Лівэрпул») 1989 9 Нап Карлтан Коўл 1983 10 ПА Джэк Колісан 1988 11 Нап Мадыбо Майга 1987 12 Нап Рыкарду Важ Тэ 1986 13 Бр Стывэн Гэндэрсан 1988 14 ПА Мэт’ю Тэйлар 1981 16 ПА Марк Нубл 1987 17 Аб Джой О’Браян 1986 18 Аб Эмануэль Пагатэтц (ар. «Вольфсбург») 1983

№ Пазыцыя Імя Год нараджэньня 19 Аб Джэймз Колінз 1983 20 Аб Гай Дэмэль 1981 21 ПА Магамэд Дыямэ 1987 22 Бр Юсы Яаскэлайнен 1975 24 Нап Шон Магўайр 1994 26 ПА Джо Коўл 1981 27 Аб Джордан Спэнс 1990 29 Нап Маруан Шамах (ар. «Арсэнал») 1984 30 Бр Рафаэль Шпігель 1992 31 Нап Вэлінгтан Паўліста (ар. «Крузэйра») 1984 32 ПА Гэры О’Ніл 1983 33 Аб Дэніел Потс 1994 39 Нап Дылан Тамбайдс 1994 41 Аб Калам Драйвэр 1992

Вядомыя гульцы

Глен Джонсан Пол Інс Майкл Кэрык Джо Коўл Фрэнк Лэмпард

Бобі Мур Ст’юарт Пірс Брайн Робсан Рыё Фэрдынанд Тэдзі Шэрынггэм

Хавіер Маскерана Карляс Тэвэс Паолё Ды Каніё

Галоўныя трэнэры

Мэнэджар Пэрыяд Сыд Кінг 1901—1932 Чарлі Пэйнтэр 1932—1950 Тэд Фэнтан 1950—1961 Рон Грынўуд 1961—1974 Джон Лаял 1974—1989 Лоў Макеры 1989—1990 Білі Бондз 1990—1994

Мэнэджар Пэрыяд Гары Рэднап 1994—2001 Глен Рэдэр 2001—2003 Элан Пардзью 2003—2006 Элан Кэрбішлі 2006—2008 Джанфранка Дзоля 2008—2010 Аўрам Грант 2010—2011 Сэм Элардайс 2011—

Вонкавыя спасылкі

 Ўэст Гэм Юнайтэд — сховішча мультымэдыйных матэрыялаў

• Афіцыйная старонка^(анг.)
• Ukrainian Hammers^(рас.)
• Russian Hammers^(рас.)
• Ўэст Гэм №1^(рас.)
• Сайт фанатаў «Ўэст Гэм Юнайтэд»^(рас.)