Ўільям Тындэйл

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Ўільям Тындэйл
William Tyndale
William Tyndale.jpg
Род дзейнасьці рэфармацыйны дзяяч, перакладчык
Дата нараджэньня 1494
Месца нараджэньня Глостэршыр, Ангельшчына
Грамадзянства ангелец
Дата сьмерці 6 кастрычніка 1536
Месца сьмерці Вільвоордэ, Брабант, 17 правінцыяў

Ўі́льям Ты́ндэйл (па-ангельску: William Tyndale; 1494, Глостэршыр, Ангельшчына6 кастрычніка, 1536, Вільвоордэ, Брабант, 17 правінцыяў) — ангельскі навуковец, які стаў выбітнай фігурай пратэстанцкіх рэформаў у гады, якія папярэднічалі ягонаму сьмяротнаму пакараньню. Вядомы як перакладчык Бібліі на ангельскую мову, знаходзячыся пад уплывам працаў Эразма Ратэрдамскага й Мартына Лютэра[1].

Біяграфія[рэдагаваць | рэдагаваць крыніцу]

Ўільям займаўся філялёгіяй у Кембрыдзкім унівэрсытэце неўзабаве пасьля таго, як там працаваў Эразм Ратэрдамскі. Вывучыўшы сачыненьні Эразма, ён апынуўся пад моцным іхным уплывам і ўмацаваўся ў думцы, што людзі павінны мець магчымасьць чытаць Біблію на роднай мове. Пасьля таго як ангельскія царкоўныя ўлады перашкодзілі перакладу Бібліі на ангельскую, ён пачаў працаваць у Сьвятой Рымскай імпэрыі на сродкі, атрыманыя ад лёнданскіх купцоў. Арыгінальнымі тэкстамі для перакладу Ўільям абраў Біблію на грэцкай мове й іўрыце.

Да 1525 году Тындэйл скончыў пераклад Новага Запавету, які, нягледзячы на ўсе забароны, адразу апынуўся запатрабаваным у Ангельшчыне. Пасьля гэтага пачаў пераклад Старога Запавету. Аднак улады забаранілі пераклад Тындэйла, а лёнданскі біскуп скупіў вялікую колькасьць асобнікаў і зладзіў іхняе ўрачыстае спаленьне. Тындэйл двойчы падвяргаў свой ​​пераклад Новага Запавету дбайнаму рэдагаваньню, а да 1566 году выйшла саракавое па ліку выданьне.

У 1536 годзе Тындэйл быў схоплены ў Антвэрпэне ў Бэльгіі й спалены на вогнішчы як герэтык недалёка ад Брусэля 6 кастрычніка таго ж году. Да таго моманту ўжо было надрукавана 50 тысячаў асобнікаў Новага Запавету, якія натхнілі наступных шматлікіх перакладчыкаў Бібліі.

Крыніцы[рэдагаваць | рэдагаваць крыніцу]

  1. ^ A.C. Partridge, English Biblical Translation (London: Andrè Deutsch Limited, 1973),38–39, 52–52.

Вонкавыя спасылкі[рэдагаваць | рэдагаваць крыніцу]

Commons-logo.svg  Ўільям Тындэйлсховішча мультымэдыйных матэрыялаў