Абазначэньне выбітнае мясьціны
Сымбаль «⌘», знак «Выбітная мясьціна», крыж Сьвятога Яна — старажытны сымбаль. Цяпер ужываецца для пазначэньня турыстычных аб’ектаў.
Зьмест |
[рэдагаваць] Гісторыя
Сымбаль сустракаецца на некалькіх аб’ектах Паўночнай Эўропы. Ён яскрава вылучаецца на малюнкавым камені з Hablingbo, Готлянд, Швэцыя, створаным між 400—600 да н.э[1].
Ён таксама падобны да традыцыйнае геральдычнае эмблемы, званай Бовэнаўскім вузлом[2].
У Фінляндыі сымбаль малявалі або выразалі на хатах, хлявах і прадметах штодзённага ўжытку (напрыклад, посудзе) для абароны іх і іхніх гаспадароў ад злых духаў і няшчасьцяў. Найстарэйшай знаходкай з такой выявай ёсьць пара драўляных лыжаў дахрысьціянскіх часоў[3].
[рэдагаваць] Сучаснае выкарыстаньне
У цяперашні час сымбаль ужываецца ў Беларусі, Даніі, Эстоніі, Фінляндыі, Ісляндыі, Летуве, Нарвэгіі і Швэцыі як паказальнік культурнае мясьціны. Паводле стандартаў Юнікоду ён называецца «Знак выбітнае мясьціны» і запісваецца як U+2318: ⌘.
Сымбаль атрымаў міжнародную вядомасьць праз выкарыстаньне на клявіятурах кампутараў Apple Inc. ў якасьці клявішы «command» ды займеў мноства мянушак: «канюшынавы лісток», «пляма», «матылёк», «закавыка», «біні», «каляровая капуста», «прапэлер», «сурвэтачка», «шчанячы сьлед» і інш.
-
Малюнкавы камень у музэі Візбі
-
Сымбаль «⌘» на музэі Рана, Нарвэгія
-
Знак на сьцяне хаты ў Эстоніі
[рэдагаваць] Глядзіце таксама
[рэдагаваць] Крыніцы і заўвагі
- ^ The picture stone may be viewed online here
- ^ James Parker, A Glossary of Terms Used in Heraldry (Oxford, 1894). [1] Retrieved on 2007-03-18.
- ^ Ilmar Talve: Suomen kansankulttuuri (1990)
[рэдагаваць] Вонкавыя спасылкі
Абазначэньне выбітнае мясьціны — сховішча мультымэдыйных матэрыялаў
