Адзінавер’е

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Адзінавер’е (па-расейску: Единоверие) — кірунак у стараабрадніцтве, пасьлядоўнікі якога захоўваюць адміністрацыйную сувязь з Расейскай Праваслаўнай Царквой, але выкарыстоўваюць у багаслужэньні дарэформенны абрад. Пачатак гэтай зьяве быў пакладзены ў 1800 годзе для стараабраднікаў, якія пагадзіліся ўвайсьці ў падпарадкаваньне Сыноду, захаваўшы стары абрад. Пераход у адзінаверніцтва вельмі стымуляваўся расейскім урадам, які ствараў для адзінавернікаў шматлікія прэфэрэнцыі.