Алег Патоцкі
| Алег Патоцкі | ||
| Пэрсанальная інфармацыя | ||
|---|---|---|
| Нарадзіўся | 24 чэрвеня 1991[1] (32 гады) | |
| Рост | 168 см | |
| Вага | 65 кг[2] | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2008—2012 | БАТЭ | 11 (1) |
| 2012 | → Дняпро Магілёў | 24 (4) |
| 2013 | Дняпро Магілёў | 16 (1) |
| 2014 | Гарадзея | 14 (0) |
| 2015—2023 | Іслач | 156 (8) |
| Зборныя | ||
| 2010—2012 | Беларусь (да 21) | 11 (4) |
Алег Патоцкі (нарадзіўся 24 чэрвеня 1991 году) — беларускі футбаліст, паўабронца.
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
З 2008 году гуляў за дубль барысаўскага БАТЭ, потым пачаў праходзіць у асноўны склад. Сэзон 2012 году правёў у арэндзе ў магілёўскім «Дняпры», дапамог клюбу перамагчы ў Першай лізе. У студзені 2013 году перайшоў у «Дняпро» на трывалай аснове[3], але ўжо ня меў месца ў першым складзе. Пад канец сэзону пачаў часьцей зьяўляцца ў стартавым складзе, звычайна на пазыцыі цэнтральнага атакуючага паўабароцы.
У сакавіку 2014 году кантракт з «Дняпром» быў скасаваны на ўзаемную згоду[4], і неўзабаве Алег стаў гульцом «Гарадзеі»[5]. Першую палову сэзону 2014 году прапусьціў праз траўмы, пазьней замацаваўся ў асноўным складзе «Гарадзеі».
У студзені 2015 году быў на праглядзе ў «Тарпэда-БелАЗ», але беспасьпяхова[6]. Пазьней цягам значага пэрыяду знаходзіўся ў табары бабруйскай «Белшыны», аднак у сакавіку пакінуў Бабруйск[7]. Праз траўмы прапусьціў пачатак сэзону 2015 году, а ў траўні склаў кантракт зь першалігавай «Іслаччу»[8]. У сэзоне 2015 году зрэдку зьяўляўся на полі, аднаўляючыся пасьля траўмаў. У першай палове сэзону 2016 году трывала гуляў у пачатковым складзе «Іслачы», якая прабілася ў Найвышэйшую лігу, але ў жніўні атрымаў чарговую траўму і выбыў да канца сэзону.
У студзені 2017 году падоўжыў кантракт з клюбам[9]. У пачатку сэзона 2017 году гуляў за дубль, пазьней вярнуў месца ў першай адзінаццатцы і ў выніку быў прызнаны найлепшым гульцом каманды ў сэзоне. У студзені 2018 году выявілася, што Патоцкі працягне выступаць за «Іслач»[10]. У сэзоне 2018 году быў трывалым гульцом стартавага складу.
У пачатку 2019 году таксама разглядаўся як гулец асноўнага складу, аднак 14 сакавіка ў кубкавым матчы супраць БАТЭ атрымаў цяжкую траўму, празь якую выбыў на працяглы тэрмін. Вярнуўся на гульнявую пляцоўку толькі ў канцы верасьня таго ж году. У лістападзе 2019 году падоўжыў кантракт зь «Іслаччу»[11]. У сэзоне 2020 году быў трывалым гульцом стартавага складу каманды. У пачатку 2021 году быў адным зь нешматлікіх дасьведчаных гульцоў, якія засталіся ў камандзе пасьля таго, як яна ўзяла курс на амаладжэньне. У сэзоне 2021 году гуляў пераважна ў пачатковым складзе, часам адсутнічаў праз траўмы. У студзені 2022 году падоўжыў кантракт зь «Іслаччу» на год[12]. У сьнежні 2022 году яшчэ раз працягнуў супрацу з клюбам на наступны сэзон[13]. У сакавіку 2024 году абвесьціў пра завяршэньне кар’еры[14].
Міжнародная[рэдагаваць | рэдагаваць крыніцу]
Некалькі гадоў абараняў колеры моладзевай зборнай Беларусі.
Статыстыка[рэдагаваць | рэдагаваць крыніцу]
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Іслач | 2015 | Першая ліга | 10 | 0 |
| 2016 | Найвышэйшая ліга | 12 | 0 | |
| 2017 | Найвышэйшая ліга | 21 | 1 | |
| 2018 | Найвышэйшая ліга | 28 | 1 | |
| 2019 | Найвышэйшая ліга | 4 | 0 | |
| 2020 | Найвышэйшая ліга | 28 | 0 | |
| 2021 | Найвышэйшая ліга | 19 | 3 | |
| 2022 | Найвышэйшая ліга | 15 | 1 | |
| 2023 | Найвышэйшая ліга | 19 | 2 | |
Крыніцы[рэдагаваць | рэдагаваць крыніцу]
- ^ а б в Oleg Patotskiy // Transfermarkt (мн.) — 2000.
- ^ а б в г https://fcisloch.by/player.asp?id=Oleg-Patockij-17&season=2023MEN
- ^ Олег Патоцкий перейдет в "Днепр"
- ^ "Днепр" расторг контракт с Патоцким
- ^ Патоцкий будет играть за "Городею"
- ^ Патоцкий, Шидловский и Якимов не подошли "Торпедо-БелАЗ"
- ^ Олег Патоцкий покинул тренировочный лагерь "Белшины"
- ^ Игрок, участвовавший в Лиге Чемпионов, пополнил ряды «Ислочи» Архівавана 2 ліпеня 2015.
- ^ Бубнов и Патоцкий продлили контракты с "Ислочью"
- ^ Олег Патоцкий продолжит играть за "Ислочь"
- ^ Олег Патоцкий продлил контракт с "Ислочью"
- ^ Патоцкий продлил контракт с "Ислочью"
- ^ "Ислочь" продлила контракт с Патоцким (рас.). football.by (2022-12-16). Праверана 2022-12-16 г.
- ^ Олег Патоцкий завершил карьеру (рас.)
Вонкавыя спасылкі[рэдагаваць | рэдагаваць крыніцу]
- Профіль на сайце БАТЭ (рас.)
- Статыстыка «ПБ-Инфо» (рас.)