Алег Цягнібок

Алег Цягнібок
Лідэр Усеўкраінскага аб'яднаньня «Свабода»
14 лютага 2004 — цяперашні час
Прэзыдэнт:	Віктар Юшчанка
Прэм’ер-міністар:	Юлія Цімашэнка
Папярэднік:	Яраслаў Андрушкіў
Асабістыя зьвесткі:
Нарадзіўся:	7 лістапада 1968
Нацыянальнасьць:	украінец
Партыя:	Усеўкраінскае аб'яднаньне «Свабода»
Рэлігія:	Грэка-каталік (уніят)

Алег Яраслававіч Цягнібок (па-ўкраінску: Олег Ярославович Тягнибок; нарадзіўся 7 лістапада 1968 году ў Львове) — украінскі палітычны дзеяч, лідэр Усеўкраінскага аб'яднаньня «Свабода». Народны дэпутат Украіны трэцяга і чацьвёртага скліканьня. Пазыцыянуе сябе як украінскі нацыяналіст. З 2006 году — дэпутат львоўскай абласной рады Ўкраіны. Кандыдат на пост мэра Кіева на датэрміновых выбарах 2008 году. Ён атрымаў 1,37% (восьмы зь сямідзесяці кандыдатаў).

Біяграфія

Вынікі на выбарах 2010 году.

Нарадзіўся 7 лістапада 1968 года ў Львове, унук Арцёма Цэгэльскага, грэка-каталіцкага сьвятара. У 1993 годзе скончыў Львоўскі Дзяржаўны Мэдыцынскі Інстытут па спэцыяльнасьці лекар—хірург.

У ліпені 2004 году Алег Цягнібок быў выключаны з фракцыі «Наша Ўкраіна» за выказваньні, якія былі ўспрынятыя як антысэміцкія ды ксэнафобскія.

На парлямэнцкіх выбарах 2006 году партыя Ўсеўкраінскае аб’яднаньне «Свабода», узначаленая Цягнібокам, не патрапіла да новага складу Вярхоўнай Рады Ўкраіны. А напярэдадні пазачарговых выбараў у парлямэнт 2007 году быў абвінавачаны Юліяй Цімашэнка ды «Газэтай па-ўкраінскі» ў сувязях з Карчынскім і Казаком ды ў тым, што УА «Свабода» — праект рэгіяналаў. Пасьля буйнае перамогі Ўсеўкраінскага аб’яднаньня «Свабода» на мясцовых выбарах у Тэрнопальскай вобласьці ён абвясьціў аб тым, што мае намер браць удзел у выбарах Прэзыдэнта Ўкраіны 2010 году. Вылучаны на пост Прэзыдэнта Ўкраіны на ХХІ зьезьдзе Ўсеўкраінскага аб’яднаньня «Свабода» 22 кастрычніка 2009 году. Зарэгістраваны Цэнтральнай Выбарчай Камісіяй Украіны 30 кастрычніка 2009 году.Атрымаў 1,43% галасоў выбарцаў (восьмае мейсца). На выбарах ў Львоўскую абласную Раду 2010 году ізноў быў абраны яе дэпутатам. На парлямэнцкіх выбарах 2012 году партыя Ўсеўкраінскае аб’яднаньне «Свабода», узначаленая Цягнібокам, атрымала 10,44% галасоў (пятае месца) і сфарміравала першую нацыяналістычную фракцыю ў Вярхоўнай Радзе Ўкраіны. Па сьпісу ад партыі прайшло 15 чалавек, яшчэ 12 сталі дэпутатамі па мажарытарных (аднамандатных) акругах. Алег Цягнібок ўзначальвае парляменцкую фракцыю партыі.

Сям'я

Жанаты, мае дзьвюх дочак ды сына.

Вонкавыя спасылкі

 Алег Цягнібок — сховішча мультымэдыйных матэрыялаў

У Вікіпэдыі ёсьць партал «Украіна»

• Асабістая старонка Алега Цягнібока
• Медыя
• Інтэрв`ю Алега Цягнібока каналу «адзін плюс адзін»
• Перадвыбарная агітацыя 2010

Папярэднік Яраслаў Андрушкіў

Старшыня Ўсеўкраінскага аб'яднаньня «Свабода» 14 лютага 2004 — сёньня

Наступнік —