Алесь Дзятлаў

Алесь Дзятлаў
Асабістыя зьвесткі
Нарадзіўся:	3 чэрвеня 1936, в. Туркі, Бабруйскі раён
Грамадзянства:	Беларусь
Літаратурная дзейнасьць
Гады творчасьці:	1956-сёньня
Жанр:	проза

Алесь Мікалаевіч Дзятлаў (нарадзіўся 3 чэрвеня 1936, в. Туркі, Бабруйскі раён) - беларускі пісьменьнік, журналіст.

Біяграфія

Сын настаўніка. Жыў у Пятровічах, а зь лета 1944 – на радзіме маці, у Плёсах, дзе бацьку прызначылі дырэктарам мясцовай школы. Навучаўся ў школе ў Цялушы.

У 1959 скончыў аддзяленьне журналістыкі БДУ. Працаваў у Глыбоцкай раённай газэце “Сцяг камунізму”(1959-1961), у “Чырвонай змене” (1961-1973). У 1973-1975 сябар сцэнарна-рэдакцыйнае калегіі кінастудыі “Беларусьфільм”. У 1975-1980 карэспандэнт рэспубліканскай газэты “Звязда”, з 1980 рэдактар аддзела навукі часопіса “Родная прырода”. Сябар Саюза пісьменьнікаў СССР з 1979.

Творчасьць

Друкуецца з 1956. У 1970 было надрукавана апавяданьне ў газэце “Літаратура і мастацтва”. Аўтар зборнікаў, аповесьцяў і апавяданьняў, нарысаў, фэльетонаў, твораў для дзяцей.

Творы

Зборнікі аповесьцяў і апавяданьняў:

• “Росы на паплаве” (1974)
• “Белы месяц сакавік” (1977)
• “Сьляды” (1981)
• “Начное неба ў ліпені” (1981)
• “Вяртаньне” (1987)
• “У верасьнёвы вечар” (1987)
• “Парог” (1993)

Вонкавыя спасылкі

• ДЗЯТЛАЎ АЛЕСЬ (Аляксандр Мікалаевіч)