Альвара Арбэлёа

Альвара Арбэлёа
Пэрсанальная інфармацыя
Нарадзіўся	17 студзеня 1983 (30 гадоў) Саляманка, Гішпанія
Рост	183 см
Пазыцыя	абаронца
Клюбная інфармацыя
Клюб	Рэал Мадрыд
Нумар	17
Моладзевыя клюбы
1995—2000 2000—2003	Рэал Сарагоса Рэал Мадрыд
Клюбы
Гады	Клюб	Гульні (галы)¹
2003—2006 2004—2005 2006 2007—2009 2009—	Рэал Мадрыд-2 Рэал Мадрыд Дэпартыва Лівэрпул Рэал Мадрыд	90 (0) 2 (0) 20 (0) 66 (2) 82 (2)
Нацыянальная зборная
2008—	Гішпанія	41 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 13 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 1 ліпеня 2012.

Альва́ра Арбэлё́а Ко́ка (па-гішпанску: Álvaro Arbeloa Coca; нарадзіўся 17 студзеня 1983 года, Саляманка, Гішпанія) — гішпанскі футбаліст, абаронца клюба «Рэал Мадрыд» і нацыянальнай зборнай Гішпаніі. Чэмпіён сьвету й Эўропы ў складзе зборнай Гішпаніі. Гуляе пераважна на пазыцыі правага абаронцы, аднак можа гуляць у якасьці цэнтральнага абаронцы. Падчас свайго вяртаньня ў Мадрыд часьцяком гуляе з правага боку абароны.

Кар’ера

Раньнія гады

Альвара быў падпісаны мадрыдзкім «Рэалам» ў зусім юным узросьце й пачаў выступаць за юнацкую каманду клюба, якую ў той час трэніраваў Рафаэль Бэнітэс. Зь цягам часу ён стаў сталым гульцом рэзэрвовай каманды й двойчы згуляў за асноўны склад, аднак так і ня здолеў там замацавацца. 24 ліпеня 2006 года Арбэлёа перайшоў у «Дэпартыва», матываваўшы гэты трансфэр жаданьнем рэгулярна гуляць.

«Лівэрпул»

Неўзабаве ён прыцягнуў увагу «Лівэрпула», і 31 студзеня 2007 года перайшоў у гэты ангельскі клюб. Сума ўгоды склала 2,5 мільёна фунтаў, прычым 50% зь іх атрымаў «Рэал». Ягоны дэбют у «Лівэрпулі» адбыўся 10 лютага ў матчы супраць «Ньюкасла», які скончыўся паразай ягонай каманды. Альвара ў гэтай сустрэчы выйшаў на замену Джэрмэйну Пэнанту. Аднак паўнавартасным ягоным дэбютам варта лічыць матч супраць «Барсэлёны» на Камп Ноў, які адбыўся 21 лютага ў рамках 1/8 розыгрышу Лігі чэмпіёнаў. Арбелёа выйшаў на гэтую гульню ў стартавым складзе на пазыцыю левага абаронцы. Ягонай прамой задачай было зачыніць у гаспадароў Ліянэля Мэсі.

7 красавіка 2007 года Арбелёа забіў свой ​​першы гол за «Лівэрпул», стаўшы тым самым першым за 14 з паловай гадоў гульцом «Лівэрпула», якія носяць футболку з другім нумарам, які вызначыўся ў афіцыйным матчы, і першым за такі ж тэрмін другім нумарам, які забіў гол у Прэм'ер-Лізе. Перад сэзонам 2007—2008 гадоў Альвара змяніў нумар «2» на нумар «17», які вызваліўся пасьля сыходу з каманды Крэйга Бэламі.

Вяртаньне ў «Рэал»

29 ліпеня 2009 года было абвешчана, што «Рэал» і «Лівэрпул» дасягнулі пагадненьня аб перадачы Арбелёа ў гішпанскі клюб. Сума трансфэру склала 5 млн фунтаў стэрлінгаў.

Зборная

27 сакавіка 2008 года адбыўся дэбют Альвара у нацыянальнай зборнай Гішпаніі. На 73-й хвіліне таварыскага матчу супраць італьянцаў Арбелёа выйшаў на замену Сэрхіё Рамасу.

Дасягненьні

Клюбныя

Рэал Мадрыд

• Чэмпіён Гішпаніі: 2012
• Уладальнік Кубка Гішпаніі: 2011

Міжнародныя

Гішпанія

• Чэмпіён Эўропы: 2008, 2012
• Чэмпіён сьвету: 2010
• Бронзавы прызэр Кубка Канфэдэрыцыяў: 2009

Вонкавыя спасылкі

 Альвара Арбэлёа — сховішча мультымэдыйных матэрыялаў

• Профіль на афіцыйным сайце Рэал Мадрыд
• Прафайл на сайце transfermarkt.co.uk