Алькагалізм

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Алькаголік у дрымоце на вуліцы

Алькагалізм — наркатычная залежнасьць, якая характарызуецца хваравітай цягай да ўжываньня алькагольных напояў (псыхічная і фізычная залежнасьць) і алькагольным (хімічным) пашкоджаннем нутраных органаў. Пры гэтай шкоднай звычцы адбываецца дэградацыя чалавека як асобы; страта нутранага «Я». Пасьля лячэньня праявы хваробы зьнікаюць больш як на год толькі ў 20% хворых. Чыньнікамі вылячэньня ёсьць воля захварэлага, наяўнасьць сям’і, дзяцей і працы, задавальненьне ад цялеснай работы і ежы.

Папярэджаньне[рэдагаваць | рэдагаваць крыніцу]

Хваробу прадухіляе адмаўленьне ўсялякага ўжыцьця алькаголю пры наяўнасьці п'яніцаў сярод сваякоў першай ступені сваяцтва (бацька, маці, родныя браты і сёстры). Таксама варта ўнікаць выпіваньня падчас жыцьцёвых зьменаў — плоцевае высьпяваньне і згасаньне, шлюб, развод, народзіны дзіцяці, прафэсійны рост, узбагачэньне і зьбядненьне. Нават пры адсутнасьці ўсялякіх супрацьпаказаньняў ужыцьцё алькаголю мае абмяжоўвацца 12 чаркамі (па 25 грамаў) віскі, гарэлкі або каньяку на тыдзень, што раўняецца 12 келіхам (па 150 г) віна або 12 куфлям (па 300 г) піва. Таксама варта пазьбягаць ужыцьця за адну выпіўку звыш 5 чарак. Пры гэтым два дні на тыдні выпіваньне цалкам выключаецца[1].

Праявы[рэдагаваць | рэдагаваць крыніцу]

Першымі прыкметамі хваробы ёсьць суправаджэньне ап'яненьня дзівацкімі паводзінамі і стратай памяці, пошук нагоды выпіць і павышэньне дозы ўжываньня сьпірту. Хваробай паражаюцца галаўны мозаг (амнэзія(en), галюцыноз, дэпрэсія, псыхоз, энцэфаляпатыя(en) і эпілепсія(be)), кроў (малакроўе(be)), нэрвы (полінэўрапатыя(en)), падстраўнікавая залоза (панкрэатыт), печань (жаўтуха, тлушчавая дыстрафія і цыроз(be)), скура (язва), страўнік (гастрыт), сэрца (інфаркт і міякардыядыстрафія(en)) і яечкі (імпатэнцыя)[2].

Беларусь[рэдагаваць | рэдагаваць крыніцу]

На 16 красавіка 2013 г. у Беларусі на адмысловым уліку стаяла каля 270 тысячаў залежных ад алкаголю людзей[3].

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Сьвятлана Барысенка. Сушыце чаркі // Краіна здароўя. — 8 ліпеня 2010. — № 32 (201). — С. 5.
  2. ^ Сьвятлана Барысенка. Аглаблёвая, або Забойства на клетачным узроўні // Краіна здароўя. — 2 лістапада 2010. — № 57 (226). — С. 5.
  3. ^ Сьвятлана Барысенка. Калі ты можаш спыніцца // Краіна здароўя. — 16 красавіка 2013. — № 5 (306). — С. 5.

Вонкавыя спасылкі[рэдагаваць | рэдагаваць крыніцу]

Commons-logo.svg  Алькагалізмсховішча мультымэдыйных матэрыялаў