Альпень

Альпень
Першыя згадкі:	1479
Вобласьць:	Берасьцейская
Раён:	Столінскі
Сельсавет:	Веляміцкі
Вышыня:	127 м н. у. м.
Насельніцтва:	635 (2002)
Колькасьць двароў:	315
Тэлефонны код:	+375 1655
Паштовы індэкс:	225517
Геаграфічныя каардынаты:	52°01′ пн. ш. 27°10′ у. д.
Альпень на мапе Беларусі Альпень

Альпе́нь — вёска ў Столінскім раёне Берасьцейскай вобласьці, за 2 км на захад ад Велямічаў, за 3 км на поўдзень ад Давыд-Гарадка, за 10 км на паўночны ўсход ад Рубля. Альпень уваходзіць у склад Веляміцкага сельсавету.

Гісторыя

Першая згадка пра населены пункт ў архіўных дакумэнтах прыпадае на 1479 год. У гэтым годзе княгіня Ганна, удава князя Сьвідрыгайлы, падарыла Альпень Зяновічу-Альпенскаму. У 1515 годзе князь Фёдар Яраслававіч падарыў Альпень Зяновію Сямёнавічу Ляшкевічу.

З 1921 году ў складзе Польскай Рэспублікі. З 1939 году ў складзе Беларускай ССР.

Насельніцтва

У 1909 годзе ў Альпені было 175 двароў і пражывала 1150 чалавек. У 1939 годзе колькасьць насельніцтва вёскі склала 1470 жыхароў. Паводле перапісу 1970 году ў Альпені пражывалі 1536 чалавек. На пачатак 1988 году ў вёсцы было 403 дамы і 857 чалавек (491 жанчына і 366 мужчын). У 1994 годзе зарэгістравана 351 гаспадарка і 689 жыхароў. На пачатак 2000 году ўжо засталіся толькі 323 хаты і 627 жыхароў. У 2002 годзе налічвалася 315 двароў і 635 жыхароў.

Вуліцы

Вёска мае вулічны тып пасяленьня. Тут налічваецца каля 20 вуліц і 5 завулкаў.

Інфармацыя для турыстаў

• Царква Усьпеньня Прасьвятой Багародзіцы, пабудаваная ў 1888 годзе. З гэтай нагоды 28 жніўня ў вёсцы штогод праходзіць прастольнае сьвята, якое зьяўляецца неафіцыйным днём вёскі.

Цікавая інфармацыя

Вінцэнт Дунін-Марцінкевіч, знаходзячыся ў 1849 годзе ў Альпені, напісаў тут верш «Вясна!», які ўвайшоў у зборнікі яго твораў. Верш датаваны 12 траўня 1849 году. А ўжо 13 траўня ён піша верш «Прыпяць», пад якім напісана: «На водах Прыпяці; траўня 13 дня 1849 году».

Вонкавыя спасылкі

• Альпень на Radzima.org
• Альпень
• Вінцэнт Дунін-Марцінкевіч і Альпень
• Рэальны прагноз надвор'я ў вёсцы Альпень