Аляксандар Аксёнаў

Аляксандар Нічыпаравіч Аксёнаў
Міністар ўнутраных справаў БССР
1960 — 1965
Старшыня Савету Міністраў БССР
1978 — 1983
Папярэднік:	Ціхан Кісялёў
Наступнік:	Уладзімер Бровікаў
Амбасадар СССР у Польшчы
1983 — 1985
Папярэднік:	Барыс Арыстаў
Наступнік:	Уладзімер Бровікаў
старшыня Дзяржаўнага камітэту СССР па тэлебачаньні і радыёвяшчаньні
1985 — 1989
Асабістыя зьвесткі:
Нарадзіўся:	9 кастрычніка 1924 Кунтараўка, Веткаўскі раён
Памёр:	8 верасьня 2009 Менск, Беларусь
Партыя:	КПБ, КПСС
Адукацыя:	Вышэйшая партыйная школа пры ЦК КПСС
Узнагароды:	3 ордэны Леніна, ордэн Кастрычніцкай Рэвалюцыі, два ордэны Працоўнага Чырвонага Сьцяга, ордэнам Славы III ступені і ордэнам Айчыннай вайны I ступені, мэдалі і Ганаровая грамата Вярхоўнага Савету БССР і Савету Міністраў Беларусі

Аляксандар Нічыпаравіч Аксёнаў (9 кастрычніка 1924, в. Кунтараўка, Веткаўскі раён - 8 верасьня 2009, Менск) - беларускі й савецкі дзяржаўны й палітычны дзеяч.

Біяграфія

Удзельнік Вялікае Айчыннае вайны. Камандзір узводу 49-е гвардэйскае стралковае дывізіі, быў паранены на Сталінградзкім фронце. На Беларусь вярнуўся ў 1944.

Адразу пасля вайны пачаў займацца камсамольскай працай у Баранавіцкай і Гарадзенскай абласцях, працаваў у Арэнбургу. Скончыў Вышэйшую партыйную школу пры ЦК КПСС (1957). З 1953 першы сакратар ЦК ЛКСМБ.

У 1959 прызначаны на пасаду намесьніка старшыні КДБ БССР. Ад 1960 міністар унутраных справаў БССР. З 1965 — першы сакратар Віцебскага абкаму. Другі сакратар ЦК КПБ з 1971. У 1978-1983 старшыня Савету міністраў БССР.

З 1983 па 1985 амбасадар СССР у Польшчы. Да 1989 займаў пасаду старшыні Дзяржаўнага камітэту СССР па тэлебачаньні і радыёвяшчаньні. На гэтай пасадзе спрыяў дэмакратызацыі дзяржаўных СМІ. Пасля выхаду ў адстаўку Аксёнаў вярнуўся ў Беларусь, актыўнага ўдзелу ў палітычным жыцьці не прымаў.

Дэпутат Вярхоўнага Савету БССР у 1955-1967 і 1971-1983, Вярхоўнага Савету СССР у 1966-1984 і 1986-1990, сябар Прэзыдыюму ВС БССР у 1975-1983.

Узнагароджаны трыма ордэнамі Леніна, ордэнам Кастрычніцкай Рэвалюцыі, двума ордэнамі Працоўнага Чырвонага Сьцяга, ордэнам Славы III ступені і ордэнам Айчыннай вайны I ступені, а таксама мэдалямі і Ганаровай граматай Вярхоўнага Савету БССР і Савету Міністраў Беларусі.

Пахаваны 10 верасьня 2009 на Ўсходніх могілках у Менску.

Вонкавыя спасылкі

• Памёр былы прэм’ер‑міністр БССР;
• АКСЕНОВ Александр Никифорович;
• Аксенов Александр (Аксёнаў Аляксандар, Aksionaŭ Alaksandar)