Аляксандар Гутар

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Аляксандар Гутар
Аляксандар Гутар
Пэрсанальная інфармацыя
Нарадзіўся 18 красавіка 1989 (25 гадоў)
Менск, Беларусь
Рост 190 см
Вага 83 кг
Пазыцыя брамнік
Клюбная інфармацыя
Клюб Дынама Менск
Нумар 30
Клюбы
Гады Клюб Гульні (галы)¹
2008—2012
2013—
БАТЭ Барысаў
Дынама Менск
48 (0)
45 (0)
Нацыянальная зборная
2013— Беларусь 5 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
20 ліпеня 2014.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
18 траўня 2014.

Аляксандар Гутар (нарадзіўся 18 красавіка 1989, Менск, БССР) — беларускі футбаліст, брамнік клюбу «Дынама» (Менск) і нацыянальнай зборнай Беларусі. Футбаліст году Беларусі (2011)[1].

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Аляксандар зьяўляецца выхаванцам футбольнай школы СДЮШАР «Дынама» гораду Менску.

У 2006 годзе перайшоў у БАТЭ, дзе выступаў за дублюючы склад. З 2011 году, пасьля пераходу ва ўкраінскі «Чарнаморац» Сяргея Верамко, стаў асноўным галкіпэрам клюбу. Дзякуючы добрай гульні быў уключаны БФФ у сьпіс 22 найлепшых футбалістаў чэмпіянату Беларусі, а таксама стаў найлепшым гульцом Беларусі ў 2011 годзе. Нягледзячы на гэта, на наступны сэзон БАТЭ ўзмацніўся брамнікам гарадзенскага «Нёману» Андрэем Гарбуновым, які амаль адразу выцясьніў са складу Аляксандра.

22 сьнежня 2012 году брамнік, з-за незадаволенасьці колькасьцю выступаў у матчах клюбу, накіраваў у БФФ ліст з просьбай скасаваць разьлічаны да 2015 году кантракт з БАТЭ ў аднабаковым парадку[2]. Пасьля паседжаньня па справе Гутара бакі атрымалі магчымасьць мірным шляхам урэгуляваць канфлікт[3]. 22 студзеня Аляксандар атрымаў дазвол на скасаваньне кантракту з БАТЭ з выплатай кампэнсацыі клюбу ў памеры 180 тысячаў даляраў. Згодна з рашэньнем кампэнсацыю можа таксама выплаціць клюб, які набудзе гульца[4]. БАТЭ выказаў сваю пазыцыю з нагоды вэрдыкту БФФ, падаўшы апэляцыю па рашэньні камітэту фэдэрацыі ў футбольны арбітраж, выступаючы за перагляд суммы кампэнсацыі[4][5][6]. 30 студзеня футбаліст афіцыйна звольніўся з БАТЭ, атрымаўшы статус умоўна вольнага агента. У лютым 2014 году спартовы арбітражны суд у Лязане адмяніў рашэньне футбольнага арбітражу БФФ і абавязаў Гутара выплаціць БАТЭ каля 230 тысячаў даляраў[7].

З 1 лютага 2013 году трэніраваўся ў складзе менскага «Дынама»[8], зь якім 19 лютага падпісаў кантракт на тры гады[9].

Міжнародная[рэдагаваць | рэдагаваць крыніцу]

Аляксандар зьяўляецца бронзавым прызэрам моладзевага чэмпіянату Эўропы 2011 году, а таксама браў удзел у Алімпійскіх гульнях 2012 году ў Лёндане. У студзені 2012 году брамнік быў выкліканы ў нацыянальную зборную Беларусі на таварыскую сустрэчу супраць зборнай Вугоршчыны[10]. Дэбютаваў у нацыянальнай зборнай 25 сакавіка 2013 году ў таварыскай гульні супраць зборнай Канады.

Асабістае жыцьцё[рэдагаваць | рэдагаваць крыніцу]

Аляксандар сустракаецца са сьпявачка гурта «Las Vegas» Марынай Някрасавай. Іхная сустрэча адбылася на мерапрыемстве ўшаноўваньня БАТЭ з нагоды чарговай перамогі ў чэмпіянаце краіны, дзе «Las Vegas» была запрошана ў якасьці гасьцей[11].

Узнагароды[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]