Аляксандар Міхал Сапега
| Аляксандар Міхал Сапега | |
.jpg) А. М. Сапега. Мастак Я. Х. Лямпі, каля 1790 |
|
 Герб «Ліс» |
|
| Асабістыя зьвесткі | |
| Нарадзіўся: | 12 верасьня 1730 Высокае, Вялікае Княства Літоўскае |
| Памёр: | 28 траўня 1793 Варшава, Каралеўства Польскае |
| Род: | Сапегі |
| Бацькі: | Казімер Лявон Сапега Караліна Тэрэза з Радзівілаў |
| Жонка: | Магдалена Агнешка зь Любамірскіх |
| Дзеці: | Казімер, Ганна Тэафілія, Караліна, Мар’яна Кацярына, Амэлія, Францішак |
Аляксандар Міхал Сапега (12 верасьня 1730, места Высокае Берасьцейскага ваяводзтва — 28 траўня 1793, Варшава) — дзяржаўны дзяяч Вялікага Княства Літоўскага. Абозны вялікі літоўскі (1748—1750), генэрал-маёр (1750), падскарбі дворны літоўскі (1750—1754), ваявода полацкі (1754—1775), гетман польны літоўскі (1762—1775), канцлер вялікі літоўскі (з 1775)[1]. Кавалер ордэнаў Сьвятога Станіслава (1765) і Аляксандра Неўскага (1776).
Валодаў Высокім, Друяй, Зэльвай, Старым і Новым Быхавам, Дзярэчынам, Луннам і інш.
Зьмест |
Біяграфія [рэдагаваць]
З чарэйска-ружанскай лініі магнацкага роду Сапегаў гербу «Ліс», сын Казімера Лявона і Караліны Тэрэзы з Радзівілаў. Меў братоў Юзэфа Станіслава, Міхала Антонія, Міхала Ксавэрыя і сястру Ганну.
Па сьмерці бацькі знаходзіўся пад апекай дзядзькі Юзэфа Станіслава. Навучаўся ў езуіцкім калегіюме ў Любартаве.
3 1746 неаднаразова абіраўся ў сойм. Таемна падтрымліваў Барскую канфэдэрацыю, хоць быў ляяльным да караля і вялікага князя Станіслава Аўгуста Панятоўскага і Расейскай імпэрыі. У 1789 быў маршалкам Вярхоўнага Трыбуналу.
Непрыхільна сустрэў Канстытуцыю 3 траўня 1791. У 1792 на прапанову караля далучыўся да Таргавіцкай канфэдэрацыі і быў ейным маршалкам у Вялікім Княстве Літоўскім, па чым засядаў з кіраўніцтвам канфэдэрацыі ў Горадні.
Зьбіраў кнігі, рукапісы[2].
Пабраўся шлюбам з Магдаленай Агнешкай Любамірскай (у 1757), зь якой меў сыноў Казімера і Францішка, дачок Ганну Тэафілію, Караліну, Мар’яну Кацярыну і Амэлію. Пахавалі А. М. Сапегу ў кляштары картузаў у Бярозе Картускай[3].
Крыніцы [рэдагаваць]
- ^ Анатоль Грыцкевіч. Сапегі // Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Мінск: Беларуская Энцыклапедыя, 2005. С. 550.
- ^ Анатоль Грыцкевіч. Сапегі // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001.
- ^ Sapieha E., Saeed-Kałamajska M. Dom Sapieżyński. cz. 2. — Warszawa: Wydawn. Nauk. PWN, 2008. S. 95.
Літаратура [рэдагаваць]
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Мінск: Беларуская Энцыклапедыя, 2005. — 788 с.: іл. ISBN 985-11-0378-0.
- Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001. — 591 с.: іл. ISBN 985-11-0214-8.
Вонкавыя спасылкі [рэдагаваць]
Аляксандар Міхал Сапега — сховішча мультымэдыйных матэрыялаў
|
|||||||
|
|||||||
