Аляксандар Памідораў
Аляксандар Памідораў (сапраўднае імя: Аляксандар Крывашэеў) — беларускі музыка, журналіст, радыёвядоўца, шоўмэн. Лідэр гурта «Pomidor/OFF».
Зьмест |
[рэдагаваць] Біяграфія
Нарадзіўся 21 сьнежня 1971 году ў Менску. Жадаў стаць гукарэжысэрам, але пры паступленьні ў Ленінградзкі інстытут кінаінжынэраў трэба было здаваць матэматыку і геамэтрыю. Гэта яго адпудзіла і ён падаўся ў Беларускую акадэмію мастацтваў, але не паступіў. Пайшоў вучыцца ў Інстытут культуры на «кіраўніка самадзейнага тэатра». І усё жа на трэцім курсе перавёўся ў Беларускую акадэмію мастацтваў (тэатральны факультэт) на рэжысуру драматычнага тэатра. Дыплём абараніў у Маладэчна, атрымаў спэцыяльнасьць «рэжысэр драматычнага тэатру».
Працаваў на шэрагу радыёстанцыяў: «Беларуская маладзёжная», «Радыё 101,2». У 1988 годзе ў Араніенбаўме (Ламаносаве) стварыў першы свой гурт пад назвай «Пьяные Гости» — акустычнае трыё. Песьні гурта былі на расейскай мове. Гурт запісаў тры касэтныя магнітаальбомы. У 2001 годзе толькі апошні канцэртны альбом «Уровень жизни» 1998 году быў выдадзены на дыску. З 1997 году піша па-беларуску.
[рэдагаваць] Творчасьць
[рэдагаваць] Супольныя музычныя праекты
Памідораў браў удзел у шэрагу супольных музычных праектаў «Народны Альбом» («Lomir Zech Iberbetn»), «Сьвяты Вечар — 2000» («Цуд на Каляды», «Глёрыя»), «Я нарадзіўся тут». Удзельнік розных дуэтаў зь вядомымі беларускімі музыкамі. Вядоўца канцэртаў, фэстаў (Басовішча, Рок-каранацыя), мітынгаў.
[рэдагаваць] Уласныя праекты
У 2000 годзе Аляксандар стварыў уласны музычны праект «Pomidor/OFF», дзе цяпер працуе супольна зь вядомымі беларускімі музыкамі. Ад снежня 2006 году да верасня 2008 году вёў праграму «Гукапіс» на Радыё Свабода.
[рэдагаваць] Сям’я
Жанаты другім шлюбам. Ад першага ёсьць дачка Соф'я.
[рэдагаваць] Вонкавыя спасылкі
- Інтэрвію з Аляксандрам(рас.)
 |
Гэта — накід артыкула пра беларускую музыку. Вы можаце дапамагчы Вікіпэдыі, пашырыўшы яго. |
