Аляксей Касьцякоў

Аляксей Касьцякоў
Алексей Николаевич Костяков
Нарадзіўся	28 сакавіка 1887 Серпухаў, Маскоўская губэрня, Расейская імпэрыя
Памёр	30 жніўня 1957 Масква, РСФСР, СССР
Грамадзянства	Расейская імпэрыя  СССР
Навуковая сфэра	мэліярацыя
Альма-матэр	Маскоўскі сельскагаспадарчы інстытут
Узнагароды і прэміі

Аляксе́й Мікала́евіч Касьцяко́ў (28 сакавіка [ст. ст. 16 сакавіка] 1887, Серпухаў, цяпер у Маскоўскай вобласьці — 30 жніўня 1957, Масква, РСФСР) — савецкі навуковец, чалец-карэспандэнт Акадэміі навук СССР (1933), акадэмік УАСГНІЛ(ru) (1935). Заснавальнік савецкай мэліярацыйнай навукі. Доктар тэхнічных і сельскагаспадарчых навук, прафэсар.

Жыцьцяпіс

У 1912 скончыў Маскоўскі сельскагаспадарчы інстытут. У 1912—1919 роках упершыню ў Расеі зладзіў правядзеньне досьледна-мэліярацыйных гідрамодульных дасьледаваньняў.

Дзякуючы ягоным намаганьням пры Пятроўскай сельскагаспадарчай акадэміі, Маскоўскім інстытуце інжынэраў воднай гаспадаркі ствараліся катэдры мэліярацыі. Заснавальнік і дырэктар (1923—1929) Інстытута сельскагаспадарчай мэліярацыі.

Дзейнасьць

Распрацаваў спосабы і мэтады плянаваньня, праектаваньня і будаўніцтва мэліярацыных сыстэмаў ва ўмовах сацыялістычнай сельскай гаспадаркі. Распрацаваў вучэньне пра рэжымы арашэньня і тэхніку паліву сельскагаспадарчых культураў, мэтады барацьбы са стратамі вады і інш.

Асноўныя працы

• Избранные труды, т. 1—2, М., 1961
• Основы мелиораций, 6 изд., М., 1960

Узнагароды

• Сталінская прэмія (1951, 1952)
• Два ордэны Леніна (1949, 1950)
• Тры ордэны Працоўнага Чырвонага Сьцягу (1940, 1945, 1945)
• Залатыя мэдалі УСГВ

Памяць

Імя Касьцякова ад 1958 року мае Ўсесаюзны навукова-дасьледчы інстытут гідратэхнікі і мэліярацыі.

У 1958 імем Касьцякова названая вуліца ў Маскве. Ягонае імя носіць таксама вуліца ў Пружанах Берасьцейскай вобласьці.

Літаратура

• Касцякоў Аляксей Мікалаевіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн.: БелЭн., 1999. ISBN 985-11-0144-3. — С. 165.
• Костяков Алексей Николаевич (28.3.1887-30.8.1957) // Их именами названы…: Энцикл. справочник. — Мн.: БелСЭ, 1987. — С. 310. — 30 000 ас.

Вонкавыя спасылкі

• Біяграфічная энцыкляпэдыя РАСГН, УАСГНІЛ^(рас.)
• Вялікая савецкая энцыкляпэдыя^(рас.)
• Профіль на бачыне РАН^(рас.)