Алімпік Марсэль

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сьцяг Францыі Алімпік Марсэль
Olympique Marseille logo.png
Поўная назва Olympique de Marseille
Заснаваны 1899
Горад Марсэль, Францыя
Стадыён Вэлядром
Умяшчальнасьць: 60 031
Галоўны трэнэр Марсэлё Б’ельса
Чэмпіянат Ліга 1
 · 2013—2014 6 месца
Афіцыйны сайт

Алімпік (па-француску: Olympique) — францускі футбольны клюб з гораду Марсэль. Заснаваны ў 1899 годзе. 9-разовы чэмпіён Францыі і 10-разовы ўладальнік Кубка Францыі. Клюб большую частку сваёй гісторыі правёў у вышэйшай лізе францускага чэмпіянату. У 1993 годзе клюб стаў першым і адзіным францускім клюбам, які перамагаў у Лізе чэмпіёнаў УЭФА. У 1994 годзе «Марсэль» былі паніжаны ў клясе з-за скандалу з дагаварнымі матчамі, у клюбу адабралі чэмпіёнскі тытул, але ён усё ж такі застаўся пераможцам Лігі чэмпіёнаў УЭФА. У 2010 годзе Марсэль стаў чэмпіёнам Францыі зноў пад кіраўніцтвам былога капітана клюбу Дыд’е Дэшама.

Хатні стадыён «Марсэля» Стад Вэлядром мае ўмяшчальнасьць у 60 031 чалавек, ён разьмешчаны ў паўднёвай частцы горада. На гэтым стадыёне «Марсэль» гуляе з 1937 году[1]. Стад Вэлядром славіцца сваёй ажыўленай атмасфэрай. У клюба маецца вялікая колькасьць заўзятараў, то бок клюб рэгулярна мае ў сярэднім самы высокі паказчык наведвальнасьці матчаў. Гэтак сярэдняя наведвальнасьць хатніх матчаў «Марсэля» за сэзон 2008—2009 гадоў склала 52 276 чалавек, што было самым высокім паказчыкам у Лізе 1[2].

«Марсэль» традыцыйна гуляў ў белых кашулях і шортах зь сінімі шкарпэткамі да 1986 году. З 1986 году «Марсэль» гуляў зь белымі футболкамі, белымі шортамі й белымі шкарпэткамі, а сіні колер стаў больш сьвятлейшым за кошт маркетынгу Adidas. Бягучая эмблема клюбу была прынята ў 2004 годзе. Дэвіз клюбу гучыць як «Прама да мэты» (франц. Droit Au But), над эмблемай маецца залатая зорка, якая зьяўляецца сымбалем перамогі клюбу ў Лізе чэмпіёнаў. У 1997 годзе «Марсэль» быў набыты франка-швайцарскім бізнэсоўцам Рабэрам Люі-Дрэйфу.

Гісторыя[рэдагаваць | рэдагаваць крыніцу]

Марсэльскі «Алімпік» у 1935 годзе

Афіцыйна, спартовы клюб «Алімпік Марсэль» быў заснаваны ў 1899 годзе Рэнэ Дзюфарэ дэ Манміралем, францускім спартовым дзеячам. Клюб утварыўся шляхам зьліцьця двух спартовых таварыстваў — «Футбольны клюб Марсэлю», ад якога быў атрыманы ў спадчыну дэвіз «Прама да мэты» (франц. «Droit Au But»), і фэхтавальнага клюбу «Меч» (франц. «L'Epee»). Статут таварыства быў прыняты на пазачарговым агульным сходзе ў жніўні 1899 году і афіцыйна зарэгістраваны прэфэктурай Марсэлю 12 сьнежня 1900 году. Аднак, на думку Андрэ Гаскара, які быў гульцом, трэнэрам каманды, і старанна вывучаў ейную гісторыю, спартовы клюб «Алімпік Марсэль» паўстаў яшчэ ў 1892 годзе.

Першапачаткова, галоўнай камандай грамадзтва лічылася каманда па рэгбі. Футбольная каманда была арганізавана толькі ў 1902 годзе. Дзякуючы лепшай арганізацыі і мацнейшаму фінансаваму становішчу футбольная каманда таварыства «Алімпік», якая гуляла на стадыёне «Ювон» (франц. Stade de Huveaune), хутка стала лідэрам футболу ў горадзе. У 1903 годзе «Алімпік» стаў пераможцам першага чэмпіянату ўзьбярэжжа (франц. Championnat du Littoral). У гэтым турніры спаборнічалі каманды з Марсэлю і ягоных прадмесьцяў. Акрамя таго, клюб упершыню прыняў удзел у чэмпіянаце Францыі.

У 1904, 1907 і 1908 гадох «Алімпік» спыняўся ў кроку ад фіналу чэмпіянату Францыі, саступаючы ў паўфінале, аднак каманда дамінавала на лякальным узроўні, 6 разоў запар з 1903 па 1908 гады клюб дамагаўся перамогаў у чэмпіянаце ўзьбярэжжа. Але з 1909 па 1914 гады гэннае першынство скаралася іншаму марсэльскаму клюбу «Стад Эльвэтык» (франц. Stade helvétique de Marseille). Акрамя таго «Эльвэтык» за гэты час нават тройчы станавіўся чэмпіёнам Францыі.

Першая сусьветная вайна амаль спыніла спартовае жыцьцё Францыі. Не зважаючы на гэта, менавіта ў гэты час зьявілася новае спаборніцтва — Кубак Францыі. У дэбютным матчы гэтага турніру «Алімпік» перамог супернікаў — клюб «Эркюль Манака» (франц. Herculis de Monaco) зь лікам 7:0. У першым пасьляваенным чэмпіянаце Францыі ў 1919 годзе каманда з Марсэлю дайшла да фіналу, дзе трывала паразу ад «Гаўру» зь лікам 1:4. Гэта было першае буйное дасягненьне клюбу ў спаборніцтвах нацыянальнага ўзроўню.

У 1920-я гады «Алімпік» стаўся клюбам нацыянальнага ўзроўню. Марыно Даляпарта, які стаў прэзыдэнтам клюбу ў 1921 годзе, стаў праводзіць палітыку куплі зорных футбалістаў, паўтараючы палітыку іншага клюбу з поўдня Францыі, які быў прызнаным лідэрам францускага футболу тых часоў — «Сэт». Перад сэзонам 1923—1924 гадоў у Парыжы былі выкуплены два гульцы — Эдуар Кру і Жан Бае, які забіў 2 галы ў гістарычным матчы 1921 году паміж зборнымі Францыі і Ангельшчыны. Акрамя Бае, у складзе каманды ў 1920-я гады выступаў яшчэ некаторы шэраг гульцоў зборнай краіны, як то Жуль Дэвакез і Жазэф Альказар.

«Алімпік» дамогся перамогі ў Кубку Францыі ў 1924 годзе, дзе ў фінальным матчы перамог клюб «Сэт» зь лікам 3:2. У 1927 і 1928 гадох клюб таксама атрымліваў перамогу ў гэтым спаборніцтве. «Алімпік» стаў першым уладальнікам гэтага трафэю з правінцыі, бо да 1924 году пераможцамі Кубка станавіліся толькі парыскія клюбы. Акрамя таго, менавіта футбалісты «Алімпіка» сталі тымі, хто ўпершыню атрымалі кубак з рук прэзыдэнта Францыі. Клюб у гэты час сташ несумнёўным лідэрам футболу свайго рэгіёну, двойчы перамагаючы ў чэмпіянаце Паўднёва-Ўсходняй Францыі (франц. Ligue du Sud-Est de football), а ў 1929 годзе стаўшы пераможцам чэмпіянату Францыі.

У пачатку 1930-х гадох «Алімпік», як адзін з наймацнейшых клюбаў паўднёва-ўсходняй Францыі, лёгка дамогся права далучыцца да створанаму аб’яднаньню прафэсійных футбольных клюбаў. «Алімпік» атрымаў статус прафэсійнага клюбу і стаўся ўдзельнікам першага чэмпіянату Францыі сярод прафэсійных футбольных камандаў.

Дасягненьні[рэдагаваць | рэдагаваць крыніцу]

Склад[рэдагаваць | рэдагаваць крыніцу]

Па стане на 3 жніўня 2014 году

Пазыцыя Імя Год нараджэньня
2 Сьцяг Францыі Аб Батыст Алёэ 1994
3 Сьцяг Камэруну Аб Нікаля Н’Кулю 1990
4 Сьцяг Бразыліі Аб Дорыя 1994
5 Сьцяг Францыі Аб Стэфан Спаранья 1995
6 Сьцяг Францыі ПА Мамар Бангура 1994
7 Сьцяг Францыі ПА Бэнуа Шэйру 1981
8 Сьцяг Францыі ПА Марыё Леміна 1993
9 Сьцяг Францыі Нап Андрэ-П’ер Жыньяк 1985
10 Сьцяг Ганы ПА Андрэ Аю 1989
11 Сьцяг Францыі ПА Рамэн Алесандрыні 1989
14 Сьцяг Францыі ПА Фляр’ян Тувэн 1993
15 Сьцяг Францыі Аб Жэрэмі Марэль 1984
Пазыцыя Імя Год нараджэньня
16 Сьцяг Францыі Бр Брыс Самба 1994
17 Сьцяг Францыі ПА Дымітры Пае 1987
20 Сьцяг Тога ПА Алексіс Рамао 1984
22 Сьцяг Бэльгіі Нап Мішы Батшуаі 1993
23 Сьцяг Францыі Аб Бэнжамэн Мэндзі 1994
24 Сьцяг Францыі Аб Род Фані 1981
25 Сьцяг Францыі ПА Жыльбэр Імбюля 1992
26 Сьцяг Кот-д’Івуару Аб Брыс Джа Джэджэ 1990
27 Сьцяг Марока ПА Абдэлязіз Барада 1989
29 Сьцяг Францыі Нап Жэрэмі Парсан-Клеман 1997
30 Сьцяг Францыі Бр Стыў Манданда (капітан) 1985
40 Сьцяг Францыі Бр Жульен Фабры

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Алімпік Марсэльсховішча мультымэдыйных матэрыялаў