Зьвесткі зь Вікіпэдыі — вольнай энцыкляпэдыі.
Алімпіякос (па-грэцку: Ολυμπιακός) — грэцкі футбольны клюб з гораду Пірэй. Заснаваны ў 1925 годзе. 39-разовы чэмпіён Грэцыі, 25-разовы ўладальнік Кубка Грэцыі. «Алімпіякос» зьяўляецца самым пасьпяховым клюбам у гісторыі грэцкага футбола, а таксама ёсьць адной з чатырох камандаў, якія ніколі не выляталі зь першага дывізіёна. У эўрапейскіх спаборніцтвах клюб двойчы дасягаў фіналу, у Лігі чэмпіёнаў сэзону 1998—1999 гадоў і Кубка Кубкаў сэзону 1992—1993 гадоў. «Алімпіякос» таксама зьяўляецца адным з чальцоў-заснавальнікаў Асацыяцыі эўрапейскіх клюбаў.
Хатнія матчы клюб праводзіць на стадыёне Караіскакіс у Пірэі. «Алімпіякос» зьяўляецца самым папулярным грэцкім клюбам, маючы каля двух з паловай мільёнаў прыхільнікаў у Грэцыі. Клюб мае доўгую й даўнюю канкурэнцыю з клюбам «Панатынаікос», зь якімі яны аспрэчваюць дэрбі зьвечных ворагаў.
«Алімпіякос» заснаваны ў 1925 годзе ў Пірэі пяцьцю братамі Янісам, Дыносам, Ёргасам, Басылісам і Леанідасам Адрыянопулясамі. У 1930-х гадох клюб атрымаў посьпех, атрымаўшы некалькі перамогаў запар у чэмпіянаце Пірея ў 1925, 1926, 1927 гадох[1]. У сэзоне 1930—1931 гадоў «Алімпіякос» упершыню ў сваёй гісторыі стаўся чэмпіёнам Грэцыі. Браты Андрыанопулю ў гэты час пачалі займацца палітыкай. Пры іхным асабістым садзейнічаньні пачалося будаўніцтва стадыёна «Караіскакіс».
- Па стане на 3 верасьня 2012 году
Алімпіякос Пірэй — сховішча мультымэдыйных матэрыялаў
Алімпіякос Пірэй
Алімпіякос Пірэй — сховішча мультымэдыйных матэрыялаў
