Андрэа Пірлё

Андрэа Пірлё
Пэрсанальная інфармацыя
Нарадзіўся	19 траўня 1979 (34 гады) Флера, Італія
Рост	177 см
Вага	68 кг
Пазыцыя	паўабаронца
Клюбная інфармацыя
Клюб	Ювэнтус
Нумар	21
Клюбы
Гады	Клюб	Гульні (галы)¹
1995—1998 1998—2001 1999—2000 2001 2001—2011 2011—	Брэшыя Інтэрнацыянале → Рэджына (арэнда) → Брэшыя (арэнда) Мілян Ювэнтус	47 (6) 22 (0) 29 (6) 10 (0) 284 (32) 37 (3)
Нацыянальная зборная
2002—	Італія	89 (10)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 13 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 1 ліпеня 2012.

Андрэа Пірлё (па-італьянску: Andrea Pirlo; 19 траўня 1979, Флера, Італія) — італьянскі футбаліст, паўабаронца клюба «Ювэнтус» і нацыянальнай зборнай Італіі. Майстар выкананьня стандартных палажэньняў і далёкіх удараў, адрозьніваецца тонкім бачаньнем поля і дакладнасьцю перадачаў. Ён, як правіла, гуляе на пазыцыі адцягнутага плэймэйкера як за «Ювэнтус», гэтак і ў матчах за нацыянальную каманду, і лічыцца адным зь лепшых гульцоў у сьвеце на гэтай пазыцыі.

Гуляючы за «Мілян», ён перамогаў у такіх спаборніцтвах, як Ліга чэмпіёнаў (2003 і 2007), эўрапейскі Супэркубак (2003 і 2007), чэмпіянат Італіі (2004 і 2011), Супэркубак Італіі (2004), чэмпіянат сьвету сярод клюбаў (2007), а таксама Кубак Італіі ў 2003 годзе. У 2012 годзе ён выйграў зь Ювэнтусам сваё ​​трэцяе скудэта. Чэмпіён сьвету 2006 году.

Кар’ера

У 16 гадоў у складзе клюба «Брэшыя» дэбютаваў у Сэрыі А, добра сябе зарэкамендаваўшы, перабраўся ў адзін з наймацнейшых клюбаў Італіі — «Інтэр». Пасьля першага добрага сэзону праводзіў вялікую частку часу ў запасе. Ягонымі канкурэнтамі на месца ў асноўным складзе на той момант былі Рабэрта Баджа, Юры Джаркаеф і Альвара Рэкоба. У сэзоне 1999—2000 гадоў выходзіў на поле ў складзе клюба «Рэджына», куды быў аддадзены ў арэнду «Інтэрам», паказаўшы добры футбол на наступны сэзон ён зноўку вярнуўся ў склад «Інтэра». Не знайшоўшы агульнай мовы з новым трэнэрам каманды, за суму ў 10 мільёнаў даляраў ЗША ён перайшоў у «Мілян», дзе раскрыўся цалкам ягоны талент.

18 траўня 2011 году Андрэа Пірлё абвесьціў аб сыходзе зь «Міляна» па заканчэньні сэзона. Праз шэсьць дзён, 24 траўня, падпісаў трохгадовы кантракт з турынскім «Ювэнтусам», які дзейнічае да 30 чэрвеня 2014 году.

Зборная

Свой першы матч за нацыянальную зборную Італіі правёў 7 верасьня 2002 году супраць зборнай Азэрбайджана.

Дасягненьні

Клюбныя

Мілян

• Чэмпіён Італіі (2): 2004, 2011
• Уладальнік Кубка Італіі: 2003
• Уладальнік Супэркубка Італіі: 2004
• Пераможца Лігі чэмпіёнаў (2): 2003, 2007
• Уладальнік Супэркубка УЭФА (2): 2003, 2007
• Пераможца Клюбнага чэмпіяната сьвету: 2007

Ювэнтус

• Чэмпіён Італіі: 2012

Міжнародныя

Італія

• Чэмпіён сьвету: 2006
• Срэбраны прызэр чэмпіянату Эўропы: 2012
• Бронзавы прызэр Алімпійскіх гульняў: 2004

Вонкавыя спасылкі

 Андрэа Пірлё — сховішча мультымэдыйных матэрыялаў

• Статыстыка на Footballdatabase