Андрэй Гарбуноў

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Андрэй Гарбуноў
Пэрсанальная інфармацыя
Нарадзіўся 29 траўня 1983 (30 гадоў)
Магілёў, БССР
Рост 185 см
Вага 78 кг
Пазыцыя брамнік
Клюбы
Гады Клюб Гульні (галы)¹
2002—2008
2008—2011
2011
2012—2013
Дняпро Магілёў
Дынама Менск
Нёман Горадня
БАТЭ Барысаў
67 (0)
61 (0)
9 (0)
57 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
24 лістапада 2013.

Андрэй Гарбуноў (нарадзіўся 29 траўня 1983, Магілёў, БССР) — беларускі футбаліст, брамнік.

Кар’ера[рэдагаваць | рэдагаваць крыніцу]

Футболам пачаў займацца ў магілёўскай СДЮШАР-7, а прафэсійную кар’еру пачаў у клюбе «Вейна-Дняпро» ў 2000 годзе. З наступнага сэзону абараняў колеры шклоўскага «Спартака», а ў 2002 годзе быў залічаны ў склад магілёўскага «Дняпра»[1], дзе правёў далі доўгі час, паступова заняўшы месца ў асноўным складзе. Пасьля гэтага некалькі сэзонаў правёў у складзе менскага «Дынама».

У жніўні 2011 году падпісаў кантракт з клюбам «Нёман» з Горадні[2]. 13 студзеня 2012 году перайшоў у барысаўскі БАТЭ[3]. Дзякуючы добрай гульні амаль адразу стаўся асноўным галкіпэрам клюбу, здолеўшы выбіць са складу гульца нацыянальнай зборнай Аляксандра Гутара. Усяго празь некалькі месяцаў знаходжаньня ў стане клюбу падоўжыў кантракт да 2015 году[4]. Паводле вынікаў сэзону 2012 году быў абраны лепшым гульцом барысаўскага клюбу за бягучы год, апярэдзіўшы на 2 пункты паўабаронцу Рэнана Брэсана[5]. Акрамя таго Гарбуноў стаўся й найлепшым брамнікам чэмпіянату[6].

Паводле некаторых меркаваньняў добра валодае гульнёй нагамі й гуляе на лініі брамы[7]. Андрэй мае мару выступіць за маскоўскі ЦСКА, за які заўзеў ягоны бацька[4].

У пачатку красавіка 2014 году кантракт з БАТЭ быў скасаваны па ўзаемнай згодзе[8].

Дасягненьні[рэдагаваць | рэдагаваць крыніцу]

  • Чэмпіён Беларусі: 2012, 2013
  • Срэбраны прызэр чэмпіянату Беларусі: 2008, 2009
  • Найлепшы брамнік чэмпіянату Беларусі: 2012
  • У сьпісе 22 найлепшых гульцоў чэмпіянату Беларусі: 2012, 2013
  • Уладальнік самай працяглай сухой сэрыі чэмпіянату Беларусі ў 2008 годзе

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]