Андрэй Дынько
Андрэй Дынько (нарадзіўся ў 1974 годзе ў Берасьці) — галоўны рэдактар тыднёвіка «Наша Ніва», адзін з рэдактараў часопісу «Arche».
[рэдагаваць] Біяграфія
Пачынаў творчую дзейнасьць як перакладчык, публіцыст.
Выкладчык Менскага дзяржаўнага лінгвістычнага ўнівэрсытэту (1997—2000).
Сурэдактар часопісу «Arche» ад 1998.
З 1999 году рэдактар газэты «Наша Ніва», у 2000 годзе зьмяніў Сяргея Дубаўца на пасадзе галоўнага рэдактара гэтай газэты — аднаго з апошніх бастыёнаў беларускамоўнай прэсы.
У 2002—2004 гадах быў віцэ-прэзыдэнтам Беларускага ПЭН-Цэнтру.
У 2003 годзе Вацлаў Гавэл перадаў яму прэмію за Грамадзянскія заслугі імя Ганна Эленбоген (ён стаў першым замежнікам, якому была перададзеная гэтая чэская прэмія).
Перакладае з ангельскай, італьянскай, польскай, францускай, украінскай моваў.
Жанаты, мае сына Якуба й дачку Ўсьціньню.
[рэдагаваць] Вонкавыя спасылкі
- Дынько: Хочам зачапіць новых чытачоў Радыё «Свабода», 19 сьнежня 2008
| Рэдактары газэты «Наша Ніва» | |
|---|---|
|
Зыгмунт Вольскі (1906) · Аляксандар Уласаў (1906—1914) · Янка Купала (1914—1915) · Антон Луцкевіч (1920) · Уладзіслаў Знамяроўскі (1920) · Сяргей Дубавец (1991—2000) · Андрэй Дынько (2000—2006) · Андрэй Скурко (2006 — дасюль)
|
|
