Андэрлехт Брусэль

	Андэрлехт
Поўная назва	Royal Sporting Club Anderlecht
Заснаваны	27 траўня 1908
Горад	Брусэль, Бэльгія
Стадыён	Констант Вандэн Сток; Умяшчальнасьць: 21 619
Галоўны трэнэр	Джон ван дэн Бром
Чэмпіянат	Про Ліга
· 2011—2012	1 месца
	Афіцыйны сайт

Андэрлехт (па-француску: Royal Sporting Club Anderlecht) — бэльгійскі футбольны клюб з гораду Брусэль. Заснаваны ў 1908 годзе. 31-разовы чэмпіён Бэльгіі, 9-разовы ўладальнік кубка Бэльгіі. Двухразовы ўладальнік Кубка кубкаў (1976, 1978), уладальнік Кубка УЭФА (1983). Клюб месьціцца ў раёне Андэрлехт у сталічным рэгіёне Брусэль. «Андэрлехт» гуляе ў бэльгійскай Про Лізе й зьяўляецца самым пасьпяховым бэльгійскім футбольным клюбам у эўракубках, маючы на сваім рахунку перамогі ў пяці эўрапейскіх спаборніцтвах. «Андэрлехт» трымае рэкорд найбольшай колькасьці пасьлядоўных чэмпіёнскіх тытулаў у краіне, то бок маючы перамогі ў нацыянальным чэмпіянаце з 1964 па 1968 гады.

Клюб быў заснаваны ў 1908 годзе й упершыню дасягнуў самага высокага ўзроўня бэльгійскага футболу ў сэзоне 1921—1922 гадоў. «Андэрлехт» зьяўляецца сталым удзельнікам бэльгійскай лігі з сэзону 1935—1936 гадоў. Клюб атрымаў першую перамогу ў чэмпіянаце пасьля Другой сусьветнай вайны ў сэзоне 1946—1947 гадоў. З тых часоў каманда ніколі не зьніжалася ніжэй за шостае месца.

«Андэрлехт» доўгі час праводзіў свае хатнія матчы на стадыёне Астрыд-парк у муніцыпалітэце Андэрлехт з 1917 году. У цяперашні час іхны стадыён, Констант Вандэн Сток, быў упершыню адчынены ў 1983 годзе. Асноўнымі колерамі клюбу зьяўлябцца фіялетавы й белы. Клюб мае сталых супернікаў, як то «Бруге», «Стандард» Льеж і «Брусэль».

Гісторыя [рэдагаваць]

Клюб быў заснаваны пад назовам «Sporting Club Anderlechtois» 27 траўня 1908 года тузінам аматараў футбола ў кавярні «Канкордыя», якая разьмешчана на вуліцы д’Амаль у муніцыпалітэце Андэрлехт. Аднак, свой першы матч у гісторыі клюб адзначыў паразаў з буйным лікам 11:8 угульне супраць каманды Інстытута Сэн-Жоржа^[1]. Клюб далучыўся да бэльгійскай футбольнай сыстэмы ў сэзоне 1909—1910 гадоў, пачаўшы выступы з самага нізкага дывізіёну. У сэзоне 1912—1913 гадоў «Андэрлехт» атрымаў прасоўваньне ў наступную лігу. Пасьля першага ж сэзону ўсе чэмпіянаты Бэльгіі былі прыпыненыя ў сувязі з пачаткам Першай сусьветнай вайны, і зноўку аднавіліся ў сэзоне 1919—1920 гадоў. З ростам папулярнасьці клюб пераехаў на большую пляцоўку, то бок на новы стадыён у Астрыд-парку ў 1917 годзе, тады вядомы як Мэір Парк. Клюб пераменаваў стадыён у гонар свайго першага буйнога апекуна, прамыслоўца Эміля Вэрсэ. Паводле вынікаў сэзону 1920—1921 гадоў «Андэрлехт» быў павышаны да першага дывізіёну ў першы раз у сваёй гісторыі. На працягу 14 сэзонаў клюб чатыры разы вылятаў з вышэйшай лігі й зноўку туды трапляў, атрымаўшы ў тыя часы свайго старэйшага канкурэнта — «Брусэль». У 1933 годзе, праз 25 гадоў пасьля свайго стварэньня клюб зьмяніў сваю назву на сучасную «Royal Sporting Club Anderlechtois». Разам з прасоўваньнем у вышэйшую лігу Бэльгіі ў 1935 годзе «Андэрлехт» і па сёньняшні дзень ніколі не вылятаў у ніжэйшыя лігі.

Склад [рэдагаваць]

Па стане на 1 жніўня 2012 году

№	Пазыцыя	Імя	Год нараджэньня
1	Бр	Сыльвіё Прота	1983
3	Аб	Аліўе Дэсхахт	1981
4	Аб	Усама Хаўсаві	1984
5	ПА	Люкас Більля (капітан)	1987
6	ПА	Мбэнза Бэдзі	1984
7	ПА	Гільерма Малінс	1988
8	Аб	Дэніс Адаі	1988
9	Нап	Матыяс Суарэс	1988
10	ПА	Кану	1987
11	Нап	Мілан Яванавіч	1981
13	Бр	Томас Камінскі	1992
14	Аб	Брам Нёйтынк	1990
15	Нап	Гаі Бі Сыр’як	1990
16	Аб	Шэйку Куятэ	1989
17	Нап	Аляксандар Якавенка	1987

№	Пазыцыя	Імя	Год нараджэньня
19	ПА	Саша Клештан	1985
20	Аб	Бэгранг Сафары	1985
21	Нап	Том Дэ Сутэр	1985
23	Аб	Роланд Юхас	1983
25	Нап	Д’ёмэрсі Мбакані	1985
26	ПА	Дэніс Прат	1994
27	Аб	Марцін Васілеўскі	1980
28	ПА	Мэгдзі Тарфі	1993
30	ПА	Гіём Жые	1984
33	Бр	Даві Руф	1994
37	Аб	Жардан Люкаку	1994
45	ПА	Масыма Бруна	1993
55	ПА	Фэрнанда Канэзін	1992
70	ПА	Рональд Варгас	1986
77	ПА	Рэйналда	1989