Арганізацыя Аб’яднаных Нацыяў

Арганізацыя Аб’яднаных Нацыяў
Сьцяг ААН
Афіцыйныя мовы	ангельская арабская гішпанская кітайская расейская француская
Генэральны сакратар	Пан Гі Мун (з 2007)
Заснаваная	як ваенны альянс: 1 студзеня, 1942 як міжнародная арганізацыя: 24 кастрычніка, 1945
Колькасьць чальцоў	192
Штаб-кватэра	Нью-Ёрк, ЗША
Афіцыйная старонка	http://www.un.org/
Іншыя афіцыйныя назвы: United Nations Organisation des Nations unies Naciones Unidas Организация Объединённых Наций 联合国 امم متحدة

Арганіза́цыя Аб’ядна́ных На́цыяў, альбо ААН — міжнародная арганізацыя, заснаваная ў 1945, у якую зараз уваходзяць 192 дзяржавы. За выключэньнем Ватыкану, адзінай краіны-назіральніка, усе міжнародна прызнаныя краіны зьяўляюцца чальцамі арганізацыі. Іншыя палітычныя ўтварэньні, у тым ліку дэ факта незалежныя Тайвань, Палестына, і іншыя, могуць мець некаторае абмежаванае міжнароднае прызнаньне, але не зьяўляюцца чальцамі ААН. Глядзіце таксама: Краіны-чальцы ААН.

Гісторыя і структура

Асноўныя артыкулы: Ліга Нацыяў і Гісторыя ААН

Чальцом ААН можа стаць любая «міралюбная краіна», якая прымае абавязкі, якія накладае Хартыя ААН, і, на думку арганізацыі, здольная і жадае выконваць гэтыя абавязкі. Генэральная Асамблея вызначае, ці прымаць новую краіну, па рэкамэндацыі Рады Бясьпекі.

Штаб-кватэра ААН знаходзіцца ў Нью-Ёрку, ЗША.

Назва «Арганізацыя Аб’яднаных Нацыяў» (па-ангельску: «United Nations») была ўпершыню выкарыстаная Франклінам Дэлано Рузвэльтам у часы другой сусьветнай вайны, як тэрмін для вызначэньня Хаўрусьнікаў. Упершыню назва была фармальна выкарыстана ў 1942 годзе, у Дэклярацыі ААН, якая заклікала Хаўрусьнікаў выконваць прынцыпы Атлянтычнай Хартыі і не шукаць сэпаратнага міру з краінамі Восі. Пасьля вайны пераможцы перадалі гэтую назву арганізацыі, якая была створаная па ўмовах Атлянтычнай Хартыі і іншых дамоў часу вайны.

Сыстэма ААН

Асноўны артыкул: Сыстэма ААН

Сыстэма ААН мае шэсьць асноўных ворганаў:

• Генэральная Асамблея ААН
• Рада Бясьпекі ААН
• Эканамічная і Сацыяльная Рада ААН
• Рада Кіраваньня Тэрыторыямі ААН
• Сакратарыят ААН
• Міжнародны Суд ААН

Штаб-кватэра ААН у Нью-Ёрку

Камунікацыя

У сьпіс афіцыйных моў ААН уваходзяць мовы краін-заснавальніц: ангельская, кітайская, расейская, француская, акрамя таго гішпанская (Хартыя ААН, артыкул 111). Да таго, арабская была дададзеная ў 1982 годзе. Усе фармальныя сустрэчы перакладаюцца на гэтыя шэсьць афіцыйных моў. Акрамя таго, усе афіцыйныя дакумэнты, друкаваныя ці ў Інтэрнэце, перакладаюцца на ўсе афіцыйныя мовы.

Вонкавыя спасылкі

 Арганізацыя Аб’яднаных Нацыяў — сховішча мультымэдыйных матэрыялаў

• Афіцыйная старонка ^(анг.)
  • Тэкст хартыі ААН ^(анг.)
  • Валянтэры ААН ^(анг.)
  • Міжнародная дэклярацыя правоў чалавека ^(анг.)