Арсэнал Лёндан
 Арсэнал |
||||
 |
||||
| Поўная назва | Arsenal Football Club | |||
|---|---|---|---|---|
| Мянушкі | Кананіры | |||
| Заснаваны | 1886 | |||
| Горад | Лёндан, Ангельшчына | |||
| Стадыён | Эмірэйтс Умяшчальнасьць: 60 355 |
|||
| Прэзыдэнт | Пітэр Гіл-Ўуд | |||
| Галоўны трэнэр | Арсэн Вэнгэр | |||
| Чэмпіянат | Прэм’ер-Ліга | |||
| · 2010—2011 | 4 месца | |||
|
||||
«Арсэнал» (па-ангельску: Arsenal Football Club) — прафэсійны ангельскі футбольны клюб, разьмяшчаецца на поўначы Лёндану. Выступае ў ангельскай Прэм’ер-Лізе і зьяўляецца адным з самых пасьпяховых клюбаў Ангельшчыны. «Арсэнал» 13 разоў станавіўся чэмпіёнам, 10 разоў выйграваў Кубак Ангельшчыны.
Клюб быў заснаваны ў 1886 годзе на паўднёвым усходзе Лёндану. У 1913 годзе каманда пераехала на стадыён «Хайбэры» ў паўночнай частцы брытанскай сталіцы. «Хайбэры» быў хатняй арэнай «Арсэнала» аж да жніўня 2006 году, калі клюбам быў дабудаваны новы 60-тысячны стадыён «Эмірэйтс».
Зьмест |
[рэдагаваць] Гісторыя
Клюб «Арсэнал» быў заснаваны ў 1886 годзе працаўнікамі Каралеўскага арсэнала Ўулвіча і першапачаткова зваўся «Дыял Сквэр», але неўзабаве быў пераназваны ў «Каралеўскі Арсэнал». Пасьля прыняцьця клюбам прафэсійнага статуту яго ізноў пераназвалі ў «Ўулвіч Арсэнал». Фанатам клюб быў вядомы як Woolwich Reds. «Ўулвіч Арсэнал» уступіў у Футбольную Лігу ў 1893 годзе й стаў першай паўднёвай камандай, якая гэта зрабіла. Клюб стартаваў у Другім дывізіёне і ў 1904 годзе прабіўся ў Першы дывізіён. Аднак геаграфічная аддаленасьць клюбу стала прычынай нізкай наведвальнасьці матчаў, што прывяло да фінансавых праблем. У 1913 годзе (неўзабаве пасьля вяртаньня ў Другі дывізіён) клюб перасёк Тэмзу, каб заняць новую арэну — Стадыён Хайбэры, разьмешчаны на поўначы Лёндану. У выніку каманда адкінула частку «Ўулвіч» з назвы ў наступным жа годзе. Сэзон 1919 году «Арсэнал» скончыў на 5 месцы, але, тым ня менш, быў пераведзены ў Першы дывізіён у сувязі зь фінансавымі праблемамі «Тотэнгэму».
У 1925 годзе на пост галоўнага трэнэра «Арсэналу» быў прызначаны Гэрбэрт Чэпмэн. Пад кіраўніцтвам Чэпмэна ў 1924 годзе каманда «Гадэрсфілд Таўн» заняла першае месца ў лізе. З гэтым чалавекам зьвязаныя першыя посьпехі «Арсэналу». Яго рэвалюцыйныя тактыка й спосабы трэніроўкі, у спалучэньні з зорнымі гульцамі, такімі як Алекс Джэймс і Кліф Бастын, дапамаглі клюбу стаць дамінуючым у 30-х гадах. Паміж 1930 і 1938 гадамі «Арсэнал» выйграў 5 разоў у Першым дывізіёне і двойчы станавіўся ўладальнікам Кубка Ангельшчыны, хоць Чэпмэн так і ня ўбачыў усіх гэтых дасягненьняў, бо ў 1934 годзе памёр ад пнэўманіі.
[рэдагаваць] Уласьнікі й кіраўніцтва
Кампанія «Arsenal FC» на 100 % прыналежыць кампаніі «Arsenal Holdings», якой валодаюць:[1]
- 24,1 % — Дэні Фішман (па-ангельску: Danny Fiszman)
- 15,9 % — Ніна Брасвэл-Сьміт (па-ангельску: Nina Bracewell-Smith)
- 14,58 % — «Red and White Holding»
- 14,4 % — Рычард Кар (па-ангельску: Richard Carr)
- 12,19 % — Стэн Кронк (па-ангельску: Stan Kroenke)
- 9,99 % — «Granada Media Group»
- 2,7 % — «Lansdowne Partners»
- меней 1 % — Пітэр Гіл-Ўуд
Астатнія акцыі абарачаюцца на спэцыялізаванай біржы «PLUS».
У жніўні 2007 году кампанія «Red and White Holding» абвясьціла аб куплі ў Дэвіда Дэйна 14,58 % акцыяў «Arsenal Holdings» за 75 млн фунтаў стэрлінгаў[2]. Кампанія «Red and White Holding» прыналежыць Алішэру Ўсманаву й яго партнэру Фархаду Мошыры ў роўных дзелях, па 50 %.[1]
19 верасьня стала вядома, што кампанія «Red and White Holding» павыкупляла яшчэ 6,5 % акцыяў «Arsenal Holdings» за 35 млн фунтаў стэрлінгаў, давёўшы агульную колькасьць сваіх акцыяў да 21 %[3]. Пазьней у верасьні гэтая кампанія набыла яшчэ 2 % акцыяў Arsenal Holdings, засяродзіўшы ў сябе 23 % акцыяў[4]. Па стане на 22 лютага дзель акцыяў Усманава склала 24,2%. Такім чынам, на дадзены момант ён зьяўляецца найбуйным акцыянэрам «Арсэнала»[5].
[рэдагаваць] Склад
- На 24 лютага 2012 году
|
|
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
[рэдагаваць] Тытулы
- 13-разовы чэмпіён Ангельшчыны — 1931, 1933, 1934, 1935, 1938, 1948, 1953, 1971, 1989, 1991, 1998, 2002, 2004,
- 10-разовы ўладальнік Кубка Ангельшчыны — 1930, 1936, 1950, 1971, 1979, 1993, 1998, 2002, 2003, 2005
- 2-разовы ўладальнік Кубка лігі — 1987, 1993
- Уладальнік Кубка УЭФА — 1970
- Уладальнік Кубка ўладальнікаў кубкаў — 1994
[рэдагаваць] Найболей значныя гульцы
[рэдагаваць] Цікавыя факты
- Гол Эмануэля Адэбаёра, забіты на 52-й хвіліне ў вароты «Рэдынгу» ў матчы 13-га туру сэзону 2007—2008 (3:1), стаў для «кананіраў» тысячным у ангельскай прэм’ер-лізе. Другую тысячу галоў распачаў Аляксандар Глеб[6].
[рэдагаваць] Крыніцы
- ^ a b Сімакоў Д., Федорынова Ю., Піліпаў І., Ражкоў А. Гол Усманова // Ведомости, № 163 (1937) 31 жніўня 2007(рас.)
- ^ РІА «Росбизнесконсалтинг», «Расейскі мільярдэр стаў саўладальнікам лёнданскага «Арсэнала», 31 жніўня 2007.(рас.)
- ^ Крампец Г. Усманаў блякуе клюб Arsenal // Ведомости, № 176 (1950), 19 верасьня 2007(рас.)
- ^ «Кампанія Ўсманава павялічыла сваю дзель у валоданьні «Арсэналам» да 23 адсоткаў», 28 верасьня 2007 (рас.)
- ^ «Усманаў стаў найбуйным акцыянэрам «Арсэнала», 22 лютага 2008(рас.)
- ^ Adebayor makes it 1,000 goals as Arsenal regain Premier League lead, thisislondon.co.uk, 28 сакавіка 2009(анг.)
[рэдагаваць] Вонкавыя спасылкі
Арсэнал Лёндан — сховішча мультымэдыйных матэрыялаў
- Афіцыйны сайт футбольнага клюбу «Арсэнал»
- Беларускі сайт клюбу «Арсэнал» (рас.)
- Расейскі сайт «Арсэнала»(рас.)
- Arsenal clip video website(анг.)
- Arsenal News(анг.)
| Арсэнал — цяперашні склад |
|---|
|
1 Альмунія · 2 Дыябі · 3 Саньня · 4 Мэртэзакер · 5 Вэрмален · 5 Касэльні · 7 Росіцкі · 8 Артэта · 9 Парк · 10 ван Пэрсі · 11 Андрэ Сантас · 12 Анры · 13 Шчэнсны · 14 Ўолкат · 15 Окслэйд-Чэмбэрлен · 16 Рэмсі · 17 Сонг · 18 Скілячы · 19 Ўілшэр · 20 Джуру · 21 Фаб’янскі · 23 Аршавін · 25 Джэнкінсан · 27 Жэрвініё · 28 Гібз · 29 Шамах · 30 Бэнаюн · 39 Какуле · Трэнэр: Вэнгэр |
