Артур Мілер

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Артур Мілер
Arthur Miller
Arthur-miller.jpg
Асабістыя зьвесткі
Імя пры нараджэньні Arthur Asher Miller
Псэўданімы Jonathan Lovelett
Нарадзіўся 17 кастрычніка 1915
Нью-Ёрк, ЗША
Памёр 10 лютага 2005
Роксбуры, Канэктыкут, ЗША
Грамадзянства ЗША ЗША
Сужэнец Мэрылін Манро, Q112033
Дзеці Q508184
Літаратурная дзейнасьць
Род дзейнасьці драматург, эсэіст
Жанр п’еса, эсэ
Мова ангельская
Значныя творы «Усе мае сыны», «Сьмерць коміваяжэра», «Суворае выпрабаваньне»
Прэміі Пулітцэраўская прэмія (1949), ганаровы чалец Кэнэдзі-цэнтра (1984),
Ерусалімская прэмія (2003)
Подпіс

Арту́р Э́шэр Мі́лер (па-ангельску: Arthur Asher Miller; 17 кастрычніка 1915 — 10 лютага 2005) — вядомы амэрыканскі драматург 20-га стагодзьдзя. Нарадзіўся ў Нью-Ёрку. Найбольш вядомыя ягоныя п’есы «Сьмерць каміваяджэра» (Death of a Salesman) і «Салемскія ведзьмы» (The Crucible). Артур Мілер лічыцца найбольш уплывовым драматургам 20-га стагодзьдзя ў Амэрыцы. Таксама вядомы тым, што яго жонкай была Мэрылін Манро.

Біяграфія[рэдагаваць | рэдагаваць крыніцу]

Артур Мілер нарадзіўся і гадаваўся у Нью-Ёрку ў сям’і габрэйскіх імігрантаў, якія паходзілі з Польшчы. Сям’я жыла ў дарагой кватэры на Мангэтане каля Цэнтральнага парку, пакуль бацька не страціў грошы падчас Вялікай амэрыканскай дэпрэсіі.

Мілер скончыў Мічыганскі ўнівэрсытэт у спэцыяльнасьці журналістыка. Пачаў пісаць п’есы яшчэ ва ўнівэрсытэце. У 1949 годзе за п’есу «Сьмерць каміваяджэра» атрымаў прэмію Пуліцэра і іншыя прэстыжныя ўзнагароды. У 1953 годзе выдаў п’есу «Салемскія ведзьмы», якая таксама набыла вялікую папулярнасьць, у тым ліку на Брадвэі.

У 1956 годзе пабраўся шлюбам з Мэрылін Манро (гэта быў ягоны другі шлюб). Разьвяліся яны ў 1961 годзе.

Таксама ў 1956 годзе Артур Мілер быў выкліканы на слуханьні ў Кангрэс ЗША й абвінавачваўся ў сувязях з камуністычнай партыяй. Ён падаў апэляцыю, і ў 1958 яна была задаволеная — зь яго зьнялі падазрэньні.

Памёр ва ўзросьце 89 гадоў ў мястэчку Роксбуры, штат Канэктыкут, з прычыны спыненьня сэрца.

П’есы[рэдагаваць | рэдагаваць крыніцу]

  • 1936 «Ушанаваньне на золку» (Honors at Dawn)
  • 1944 «Чалавек, які меў поўную ўдачу» (The Man Who Had All the Luck)
  • 1947 «Усе мае сыны» (All My Sons)
  • 1949 «Сьмерць каміваяджэра» (Death of a Salesman)
  • 1953 «Салемскія ведзьмы» (The Crucible)
  • 1955 «Успамін пра два панядзелкі» (A Memory of Two Mondays)
  • 1955 «Від з мосту» (A View from the Bridge)
  • 1964 «Пасьля падзеньня» (After the Fall)
  • 1965 «Інцыдэнт у Вішы» (Incident at Vichy)
  • 1968 «Цана» (The Price)
  • 1972 «Стварэньне сьвету й іншыя справы» (The Creation of the World and Other Business)
  • 1977 «Столя ацыбіскупа» (The Archbishop’s Ceiling)
  • 1981 «Амэрыканскі гадзіньнік» (The American Clock)
  • 1982 «Элегія для лэдзі» (Elegy For a Lady)
  • 1982 «Нейкая любоўная гісторыя» (Some Kind of Love Story)
  • 1986 «Небясьпека: Памяць!» (Danger: Memory!)
  • 1991 «Прагулка ўніз з гары Моргана» (The Ride Down Mt. Morgan)
  • 1993 «Апошні янкі» (The Last Yankee)
  • 1994 «Разьбітае шкло» (Broken Glass)
  • 1998 «Сувязі містэра Пітэрса» (Mr. Peters' Connections)
  • 2004 «Журбота ўваскрасае» (Resurrection Blues)
  • 2004 «Скончваючы малюнак» (Finishing the Picture)