Аруначал-Прадэш

Аруначал-Прадэш (па-ангельску: Arunachal Pradesh) — штат на паўночным усходзе Індыі. Мяжуе са штатамі Асам на поўдні і Нагаленд на паўднёвым усходзе, з М'янмай на ўсходзе, Бутанам на захадзе, Кітаем (Тыбэт) на поўначы. Займае 14-е месца сярод штатаў па плошчы (83 743 км²) і 26-е па насельніцтву (1,09 млн чалавек, 2001). Адміністрацыйны цэнтар — Ітанагар. Частка тэрыторыі штата — прадмет тэрытарыяльных спрэчак паміж Індыяй і Кітаем.

«Аруначал-Прадэш» азначае «краіна ўсходу Сонца» («прадэш» — краіна, дзяржава, рэгіён) з-за свайго самага ўсходняга разьмяшчэньня сярод іншых штатаў Індыі. Большасьць насельніцтва тыбэцкага і тайска-бірманскага паходжаньня, каля 16% насельніцтва — імігранты ў рэгіён зь іншых штатаў (пераважна з Асама і Нагаленда), а таксама з Банглядэш.

Вонкавыя спасылкі

 Аруначал-Прадэш — сховішча мультымэдыйных матэрыялаў

• Урад штата
• Навіны штата