Арцыбіскуп

Архібіскуп(ад грэцк. αρχή — «над» і επίσκοπος — «даглядчык») — старэйшы біскуп, адзін з найвышэйшых чыноў у царкоўнай гіерархіі. У беларускіх католікаў лацінскага абраду часьцей ужываецца спольшчаная форма — арцыбіскуп.

Каталіцкай Царкве архібіскупы падзяляюцца на:

• мітрапалітаў, якія ўзначальваюць царкоўныя правінцыі;
• архібіскупаў, якія ўзначальваюць архіяпархіі (архідыяцэзы), якія не зьяўляюцца цэнтрамі правінцыяў;
• пэрсанальных архібіскупаў, якім Папа надаў гэты тытул за асабістыя заслугі;
• тытулярных архібіскупаў, якія займаюць катэдры неіснуючых ужо гарадаў і зьдзейсьняюць службу ў курыі ці зьяўляюцца нунцыямі

У Праваслаўнай Царкве — архібіскуп узначальвае япархію. Тытул архібіскупа зьяўляецца ганаровым і прысвойваецца за заслугі.