Арызона

Арызона
Сьцяг Арызоны Герб Арызоны
Мянушка	Штат Вялікага каньёна
Сталіца	Фінікс (Арызона)
Найбуйнейшы горад	Фінікс (Арызона)
Плошча
6-я па ЗША
- агулам	295 254 км²
- сушы	295 км²
- % вады	0,32
- шырата	31°20' пн. ш. па 37° пн. ш.
- даўгата	109°3' з. д. па 114°50' з. д.
Насельніцтва
- агулам (2005)	5 939 292
- шчыльнасьць	17.43/км²
Дата заснаваньня	14 лютага 1912 (48-ы)
Губэрнатар	Джанэт Напалітана
Часавы пас	UTC-7

Арызо́на (па-ангельску: Arizona) — 48-ы штат, які ўвайшоў у склад ЗША. Разьмешчаны на паўднёвым захадзе краіны. Нараўне зь Ютай, Каларада і Нью-Мэксыка ўваходзіць у лік «штатаў чатырох кутоў». Сталіца і найбуйнейшы горад штату — Фінікс. Насельніцтва штату ў 2005 годзе складала каля 5 939 292 чалавек — па гэтым паказчыку Арызона займае 20-е месца ў ЗША. Арызона знакамітая сваім пустэльным ляндшафтам і кактусамі, якія растуць на тэрыторыі штату. Арызона вядомая сваімі мяккімі зімамі і высокімі тэмпэратурамі ў летні час году.

Геаграфія

На захадзе Арызона мяжуе з Каліфорніяй і Нэвадай, на поўначы — зь Ютай і Каларада, на ўсходзе — з Нью-Мэксыка, на поўдні — з Мэксыкай.

Значная частка тэрыторыі штату прыходзіцца на горы, плято і пустэльні. У Арызоне знаходзіцца найбуйнейшы лясны масіў жоўтай хвоі. На поўначы штату знаходзіцца Вялікі Каньён ракі Каларада.

Гісторыя

З нагоды этымалёгіі назвы Арызона адзінага меркаваньня няма, у ліку асноўных гіпотэз — гішпанская і індзейская.

Насельніцтва

На 2005 год насельніцтва Арызоны складае 5 939 292 чалавек, што больш на 3,5% у параўнаньні з паказчыкам мінулага году.

Расавы склад насельніцтва:

• Белыя — 63,8%
• Лацінаамэрыканцы — 25,3%
• Індзейцы — 5%
• Чорныя — 3,1%
• Азіяты — 1,8%
• Прадстаўнікі зьмяшаных расаў — 2,9%

Рэлігійны склад насельніцтва:

• Пратэстанты — 42%
• Каталікі — 31%
• Баптысты — 9%
• Мармоны — 6%
• Мэтадысты — 5%
• Лютэране — 4%
• Астатнія пратэстанскія канфэсіі — 24%
• Астатнія рэлігіі — 2%
• Астатнія хрысьціяне — 1%
• Атэісты — 18%

Эканоміка

ВУП Арызоны на 2004 год складаў 187,27 мільярда даляраў. Калі б Арызона была незалежнай, яна б займала 61-ае месца ў сьвеце па паказчыку ВУП, і абыйшла бы Нарвэгію, Данію, Чэхію, Ірляндыю, Фінляндыю і Новую Зэляндыю. Арызона займае 21-ае месца ў ЗША паводле ўзроўня эканамічнага разьвіцьця. ВУП на душу насельніцтва складае $27 232, 39-ы па краіне. Здабыча медзі — важная галіна эканомікі, якая забясьпечвае 2/3 здабычы медзі ў краіне.

Вонкавыя спасылкі

 Арызона — сховішча мультымэдыйных матэрыялаў