Асацыяцыя дзяржаваў Паўднёва-Ўсходняй Азіі

Асацыяцыя дзяржаваў Паўднёва-Ўсходняй Азіі, АСЕАН (па-ангельску: Association of SouthEast Asian Nations) — палітычная, эканамічная й культурная рэгіянальная міжурадавая арганізацыя краінаў, якія знаходзяцца ў Паўднёва-Ўсходняй Азіі. АСЕАН была утворана 9 жніўня 1967 году ў Бангкоку разам з падпісаньнем «Дэклярацыі АСЕАН», больш вядомай як «Бангкокская дэклярацыя». Дамоўнае афармленьне арганізацыі зьдзейсьнілася толькі ў 1976 годзе падчас падпісаньня на высьпе Балі «Дамовы аб сяброўстве й садзейнасьці ў Паўднёва-Ўсходнай Азіі» й «Дэклярацыі згоды АСЕАН».