Асацыяцыя дзяржаваў Паўднёва-Ўсходняй Азіі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Асацыяцыя дзяржаваў Паўднёва-Ўсходняй Азіі
Абрэвіятура АСЭАН
Дэвіз Адзінае бачаньне, адзіная самасьвядомасьць, адзіная супольнасьць[1]
Дата ўтварэньня 8 жніўня 1967 (46 гадоў таму)
Тып міжурадавая
Юрыдычны статус міжнародная арганізацыя
Штабкватэра Джакарта, Інданэзія
Месцазнаходжаньне Паўднёва-Ўсходняя Азія
Афіцыйныя мовы ангельская, бірманская, кітайская, філіпінская, інданэзійская, кхмэрская, лаоская, малайская, тамільская, тайская, віетнамская
Генэральны сакратар Ле Люн Мін
Сайт www.asean.org

Асацыяцыя дзяржаваў Паўднёва-Ўсходняй Азіі, АСЭАН (па-ангельску: Association of SouthEast Asian Nations) — палітычная, эканамічная й культурная рэгіянальная міжурадавая арганізацыя краінаў, якія знаходзяцца ў Паўднёва-Ўсходняй Азіі. АСЭАН была ўтворана 9 жніўня 1967 году ў Бангкоку разам з падпісаньнем Дэклярацыі АСЭАН, больш вядомай як «Бангкокаўская дэклярацыя». Гэтае пагадненьне было падпісана прадстаўнікамі ўрадаў Інданэзіі, Малайзіі, Філіпінаў, Сынгапура і Тайлянду. Дамоўнае афармленьне арганізацыі зьдзейсьнілася толькі ў 1976 годзе падчас падпісаньня на востраве Балі «Дамовы аб сяброўстве й садзейнасьці ў Паўднёва-Ўсходнай Азіі» й «Дэклярацыі згоды АСЭАН». З тых часоў, сяброўства пашырылася й на сёньня ўключае Брунэй, М’янму, Камбоджу, Лаос і Віетнам. Мэты арганізацыі ўключаюць паскарэньне эканамічнага росту, сацыяльнага прагрэсу, культурнага разьвіцьця сярод сваіх чальцоў, абароны рэгіянальнага міру й стабільнасьці, а таксама магчымасьці для краінаў-чальцо абмеркаваньня рознагалосьсяў мірным шляхам[2].

АСЭАН ахоплівае тэрыторыю плошчай 4,46 км², што складае 3% ад агульнай плошчы Зямлі, і мае насельніцтва каля 600 мільёнаў чалавек, што роўнае 8,8% насельніцтва нашае плянэты. Акваторыя АСЭАН прыкладна ў тры разы большая, чым ягоны зямельны складнік. У 2011 годзе зводны намінальны СУП краінаў удзельнікаў падвысіўся больш чым на 2 трлн даляраў ЗША[3]. Калі АСЭАН зьяўляўся асобнай краінай, тады б ягоная эканоміка паводле велічыні заняла восьмае месца ў сьвеце.

Краіны-чальцы[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ «Aseanweb – Asean Motto». Asean.org.
  2. ^ Overview ASEAN Secretariat
  3. ^ EC.Europa.eu, European Union Relations with ASEAN

Вонкавыя спасылкі[рэдагаваць | рэдагаваць крыніцу]

Commons-logo.svg  Асацыяцыя дзяржаваў Паўднёва-Ўсходняй Азіісховішча мультымэдыйных матэрыялаў