Асьлік
Зьвесткі зь Вікіпэдыі — вольнай энцыкляпэдыі.
| Рака | |
| Асьлік | |
| Выток | каля в. Саньнікі |
| Вусьце | Друць |
| Краіны басэйну | Беларусь |
| Даўжыня | 66 км |
| Сярэднегадавы сьцёк | 2,6 м³/с |
| Плошча басэйну | 413 км² |
| Нахіл воднай паверхні | 0,7 ‰ |
Асьлік, Асьліўка, Восьлік — рака ў Круглянскім і Бялыніцкім раёнах Магілёўскай вобласьці, правы прыток ракі Друць (басэйн Дняпра). Даўжыня 66 км. Плошча водазабору 413 км². Выдатак вады ў вусьці 2,6 м³/с. Сярэдні нахіл воднай паверхні 0,7‰.
Зьмест |
[рэдагаваць] Асноўныя прытокі
- Праваруч: Чарнаўка, Смародзіна
- Леваруч: Рутка
[рэдагаваць] Агульныя зьвесткі
Пачынаецца за 2,5 км на паўднёвы захад ад вёскі Саньнікі Круглянскага раёну, упадае ў Друць каля вёскі Асавец Бялыніцкага раёну. Паўночная частка водазабору на Аршанска-Магілёўскай, паўднёвая — на Цэнтральнабярэзінскай раўнінах.
Даліна трапэцападобная, у вярхоўі невыразная, шырынёй 500—800 м. Рэчышча зьвілістае, шырынёй 10—20 м, ад вытоку на працягу 8 км каналізаванае. Берагі нізкія і забалочаныя[1].
[рэдагаваць] Крыніцы
- ^ Блакiтная кнiга Беларусi: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994.
[рэдагаваць] Літаратура
- Блакiтная кнiга Беларусi: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. ISBN 5-85700-133-1.
