Аякс Амстэрдам
 Аякс |
|
 |
|
| Поўная назва | Amsterdamsche Football Club Ajax NV |
|---|---|
| Заснаваны | 18 сакавіка 1900 |
| Горад | Амстэрдам, Нідэрлянды |
| Стадыён | Амстэрдам Арэна Умяшчальнасьць: 52 960 |
| Галоўны трэнэр | Франк дэ Бур |
| Чэмпіянат | Эрэдывізія |
| · 2011—2012 | 1 месца |
| Афіцыйны сайт | |
Аякс (па-нідэрляндзку: Ajax) — нідэрляндзкі футбольны клюб з гораду Амстэрдам. Заснаваны ў 1900 годзе. 31-разовы чэмпіён Нідэрляндаў і 18-разовы ўладальнік кубка Нідэрляндаў. Чатырохразовы пераможца Лігі чэмпіёнаў (1971, 1972, 1973, 1995). Уладальнік Кубка ўладальнікаў кубкаў (1987), Кубка УЭФА (1992) і Міжкантынэнтальнага кубка (1972, 1995). Хатні стадыён клюба, «Амстэрдам Арэна», быў адкрыты ў 1996 годзе. Ён зьяўляецца найбуйнейшым пасьля «Алімпійскага» футбольным стадыёнам у Нідэрляндах і месьціць больш за 52 тысячаў заўзятараў.
«Аякс» зьяўляецца самым тытулаваным клюбам у сваёй краіне. У сэзоне 2011—2012 гадоў «Аякс» перамог чэмпіянат Нідэрляндаў у 31 раз[1]. У 1971 годзе «Аякс» стаў другім нідэрляндзкім клюбам пасьля «Фэеноорда», які перамогаў Кубак эўрапейскіх чэмпіёнаў, пераадолеўшы ў фінале грэцкі «Панатынаікос» зь лікам 2:0. У 1972 годзе клюб ў другі раз перамог у галоўным эўрапейскім клюбным трафэі, абыграўшы ў фінале італьянскі «Інтэрнацыянале» зь лікам 2:0. У 1973 годзе клюб у трэці раз запар стаў пераможцам Кубка эўрапейскіх чэмпіёнаў, перамогшы ў фінале італьянскі «Ювэнтус» зь лікам 1:0. «Аякс» стаў другім клюбам у гісторыі турніру пасьля гішпанскага «Рэала», хто здолеў перамагаць прэстыжны трафэй тры разы на запар і атрымаць права на сталае захаваньне ў сябе Кубка эўрапейскіх чэмпіёнаў. У 1995 годзе «Аякс» зноўку выйграў Лігу чэмпіёнаў, абыграўшы ў фінале італьянскі «Мілян».
«Аякс» зьяўляецца адным з чатырох уладальнікаў гэтак званага футбольнага «Вялікага шалёма» — пераможцаў Кубка або Лігі чэмпіёнаў, Кубка кубкаў і Кубка УЭФА. Акрамя таго, «Аякс» зьяўляецца рэкардсмэнам паводле колькасьці пераможаных Кубкаў Нідэрляндаў, то бок 18 перамогаў лічыцца на іхным рахунку.
Галоўным трэнэрам каманды зьяўляецца Франк дэ Бур, прызначаны на гэтую пасаду 3 студзеня 2011 года пасьля адстаўкі Мартына Ёля. Дзеючым капітанам клюба зьяўляецца Сым дэ Ёнг, які стаў ім у ліпені 2012 году пасьля сыходу Яна Вэртонгена ў ангельскі «Тотэнгэм Готспур».
Зьмест |
Гісторыя [рэдагаваць]
Раньнія гады [рэдагаваць]
Гісторыя «Аякса» пачалася ў 1893 годзе, калі трое сяброў студэнтаў — Ган Дадэ, Карэл Рэсэр і Флёрыс Стэмпэль, вырашылі заснаваць уласную футбольную каманду, якая атрымала назву «Юніён» (нід. Union)[2]. Свае першыя матчы каманда праводзіла на ўскраіне Амстэрдама ў раёне Ньівэр-Амстэл. У юных футбалістаў быў нават сапраўдны скураны мяч, уладальнікам якога быў Ган Дадэ. Празь некалькі месяцаў пасьля заснаваньня клюб зьмяніў назву, атрымаўшы імя «Footh-Ball Club Ajax» (даслоўна «Нага-Мяч Клуб Аякс»), якія зьмяшчалі відавочную артаграфічную памылку. Зьмянілася таксама й месца правядзеньня матчаў, з гэтага часу каманда гуляла на лужку Вілемспарка, што ў Паўднёвым Амстэрдаме. За карыстаньнем поля за шэсьць месяцаў каманда заплаціла 15 гюльдэнаў.
У 1890-я гады ў Амстэрдаме й на ягоных ускраінах, стала зьяўляцца занадта шмат футбольных камандаў, якія займалі значную долю свабодных зямельных вучасткаў, таму ўлады горада вырашылі ўвесьці больш жорсткія патрабаваньні да клюбаў, да таго ж, на тым месцы дзе гуляў «Аякс» плянавалася пабудаваць дамы. Пасьля гэтага шматлікія гульцы разьбегліся па іншых камандах, і таму ў 1896 годзе «Аякс» спыніў сваё існаваньне.
Станаўленьне [рэдагаваць]
14 сакавіка 1900 года дваццацітрохгадовы Флёрыс Стэмпэль выслаў сваім сябрам ліст, які ўтрымліваў запрашэньне на сустрэчу ў кавярню «Ост-Індыя» па вуліцы Кальвэрстрат, 2[3]. У нядзелю раніцою 18 сакавіка адбылося гістарычнае пасяджэньне сяброў Стэмпэла, на якім было вырашана стварыць новую каманду пад назвай «Football Club Ajax», імя якой ужо не ўтрымлівала артаграфічных памылак. Стэмпэль стаў прэзыдэнтам клюба, а ягоныя сябры, Ган Дадэ й Карэл Рэсэр, якія сталі сузаснавальнікамі, увайшлі ў першае афіцыйнае праўленьне клюба. Затым «Аякс» уступіў у Футбольны зьвяз Амстэрдаму й арандаваў поле для хатніх гульняў на поўначы Амстэрдама ў раёне Бюйксьлётэргам.
29 верасьня 1900 года футбалісты «Аякса» правялі першую гульню ў спаборніцтве, якое праводзілася пад эгідай Футбольнага зьвяза Амстэрдама. Каманда атрымала перамогу над клюбам ДОСБ зь лікам 2:1, у складзе пераможцаў галамі адзначыліся Гэртэль і Гэйсьлер. «Аякс» завяршыў сэзон на другім месцы ў сваёй лізе, дзе ўсяго выступала 4 клюбы. У першы ж сэзон каманда прынесла прыбытак у памеры 4 гюльдэнаў і 31,5 цэнтаў, пра гэта паведамілі гульцы «Аякса» Гэртэль і Гэйсьлер, якія былі на той момант скарбнікамі клюба.
8 красавіка 1901 года «Аякс» правёў першую ў сваёй гісторыі гульню за межамі Амстэрдама, а менавіта ў Гаарлеме. Гульцам ўпершыню прыйшлося дабірацца да месца гульні на цягніку. Супернікам «Аякса» па таварыскім матчу стала зборная Нідэрляндаў, якая ў выніку атрымала паразу ад клюбу з Амстэрдама зь лікам 1:4. З часам «Аякс» стаў вядомым як добра арганізаваны клюб, які ўсё больш прыцягваў да сабе лік гледачоў, але месца правядзеньня сваіх хатніх матчаў было не занадта зручным для гледачоў, бо даводзілася доўга дабірацца да месца правядзеньня матчу, хоць у каманды былі добрыя ўмовы, побач з полем у раёне Бюйксьлётэргам была ўласная распранальня. У 1901 годзе каманда пераехала на новае поле ў раён Лянвэг.
Стадыён [рэдагаваць]
Першы сапраўдны стадыён з трыбунамі «Аякса» быў пабудаваны з дрэва ў 1911 годзе й называўся ён «Эт Гаўтэн». Пазьней клюб выступаў на стадыёне пабудаваным да летніх Алімпійскіх гульняў 1928 года, якія прайшлі ў Амстэрдаме. Гэты стадыён, які спраектаваў архітэктар Ян Вілс, атрымаў назву «Алімпійскі стадыён».
У 1934 годзе «Аякс» перабраўся на стадыён «Дэ Мэр» ва ўсходнім Амстэрдаме, на якім выступаў аж да 1996 году. Буйныя эўрапейскія сустрэчы клюб ўсё ж праводзіў на Алімпійскім стадыёне, умяшчальнасьць якога была большай.
У 1996 годзе «Аякс» пераехаў на ўласны новы стадыён у паўднёва-ўсходняй частцы горада, названы «Амстэрдам Арэна», будаўніцтва якога абыйшлося клюбу ў 134 млн даляраў. Стадыён зьмяшчае 52 тысяч чалавек, сярэдняя наведвальнасьць хатніх матчаў «Аякса» ў сэзоне 2004—2005 гадоў склала 48 тысяч чалавек. Арэна мае рассоўны дах і зьяўляецца адным з самых сучасных стадыёнаў у Эўропе. Зрэшты, з-за даху, нават у рассунутым стане, унутры стадыёна назіраецца недахоп сонечнага сьвятла й вэнтыляцыі, з-за чаго істотна пагаршаецца якасьць поля. Стары стадыён «Дэ Мэр» быў пазьней зьнесены, а на ягоным месцы зьявіўся жылы сэктар.
Тытулы [рэдагаваць]
- Чэмпіён Нідэрляндаў: 31
- 1918, 1919, 1931, 1932, 1934, 1937, 1939, 1947, 1957, 1960,
- 1966, 1967, 1968, 1970, 1972, 1973, 1977, 1979, 1980, 1982,
- 1983, 1985, 1990, 1994, 1995, 1996, 1998, 2002, 2004, 2011,
- 2012
- Уладальнік Кубка Нідэрляндаў: 18
- 1917, 1943, 1961, 1967, 1970, 1971, 1972, 1979, 1983, 1986,
- 1987, 1993, 1998, 1999, 2002, 2006, 2007, 2010
- Уладальнік Супэркубка Нідэрляндаў: 7
- 1993, 1994, 1995, 2002, 2005, 2006, 2007
- Пераможца Лігі чэмпіёнаў: 4
- 1971, 1972, 1973, 1995
- Уладальнік Кубка ўладальнікаў Кубкаў: 1
- 1987
- Уладальнік Кубка УЭФА: 1
- 1992
- Уладальнік Супэркубка Эўропы: 3
- 1972, 1973, 1995
- Уладальнік Міжкантынэнтальнага кубка: 2
- 1972, 1995
- Уладальнік Кубка Інтэртота: 1
- 1962
Склад [рэдагаваць]
Па стане на 15 жніўня 2012 года
|
|
.svg){kind=small}
Крыніцы [рэдагаваць]
- ^ Ajax — Erelijst. AFC Ajax.
- ^ Ajax — 1893-1900: De pre-historie. AFC Ajax.
- ^ Ajax — 1900-1907: De oprichting. AFC Ajax.
Вонкавыя спасылкі [рэдагаваць]
|
|||||
