Баварыя Мюнхэн

Баварыя
Поўная назва	Fußball-Club Bayern München
Заснаваны	27 лютага 1900
Горад	Мюнхэн, Нямеччына
Стадыён	Альянц Арэна Умяшчальнасьць: 69 901
Прэзыдэнт	Улі Гёнэс
Галоўны трэнэр	Юп Гайнкес
Чэмпіянат	Бундэсьліга
· 2010—2011	3 месца
Хатнія колеры Выязныя колеры

Баварыя Мюнхэн (па-нямецку: Fußball-Club Bayern München) ― нямецкі спартовы клюб, што базуецца ў Мюнхэне (Баварыя). Больш за ўсё вядомы футбольны клюб спартовай сыстэмы «Баварыя», клюб зьяўляецца рэкардсмэнам па колькасьці айчынных тытулаў: 22-разовы чэмпіён Нямеччыны й 15-разовы ўладальнік кубка краіны.

Гісторыя

Клюб быў заснаваны ў 1900 годзе адзінаццацю гульцамі па ініцыятыве Франца Джона. Нягледзячы на тое, што ў 1932 годзе стаў чэмпіёнам Нямеччыны, да 1963 году каманда выступала ў ніжэйшых лігах. На пачатку й у сярэдзіне 70-х гадоў клюб дабіўся неверагодных посьпехаў, тройчы запар перамагаючы ў нацыянальным чэмпіянаце (1972, 1973, 1974) і столькі ж разоў у Лізе чэмпіёнаў (1974, 1975, 1976). Капітанам каманды тады быў легендарны Франц Бэкенбаўэр.

У апошнія дзесяць гадоў клюб шэсьць разоў станавіўся лепшай камандай краіны. У 2001 годзе клюб пакуль у апошні раз станавіўся пераможцам Лігі чэмпіёнаў, у 2010 годзе каманда дайшла да фіналу, але саступіла італьянскаму «Інтэру».

З 2006 году хатнія гульні праводзіць на «Альянц Арэне». Да гэтага 33 сэзоны запар клюб праводзіў гульне на Алімпійскім стадыёне.

Акрамя футбольнага клюбу «Баварыя» таксама існуюць клюбы па шахматах, гандболе, баскетболе, гімнастыцы, боўлінгу, пінг-понгу.

Дасягненьні

• Чэмпіён Нямеччыны (22): 1932, 1969, 1972, 1973, 1974, 1980, 1981, 1985, 1986, 1987, 1989, 1990, 1994, 1997, 1999, 2000, 2001, 2003, 2005, 2006, 2008, 2010
• Уладальнікі кубка Нямеччыны (15): 1957, 1966, 1967, 1969, 1971, 1982, 1984, 1986, 1998, 2000, 2003, 2005, 2006, 2008, 2010
• Уладальнікі Супэркубка Нямеччыны (4): 1982, 1987, 1990, 2010
• Пераможцы Лігі чэмпіёнаў (4): 1974, 1975, 1976, 2001
• Уладальнікі Кубка ўладальнікаў кубкаў (1): 1967
• Уладальнікі Кубка УЭФА (1): 1996
• Уладальнікі Міжэкантынэнтальнага кубка (2): 1976, 2001

Стадыён

Альянц Арэна

Да 1925 году «Баварыя» гуляла на адным з самых старых футбольных збудаваньняў Нямеччыны, так званай першай трыбуны горада. З 1925 году «Баварыя» падзяліла муніцыпальны стадыён з клюбам «1860 Мюнхэн». Стадыён ў народзе называўся як «Шосты» (па-нямецку: «Sechzger»). Ён быў амаль цалкам разбураны падчас Другой сусьветнай вайны, на рэканструкцыю было выдаткавана нямала высілкаў, але ўсё ж стадыён быў уведзены ў прызначаны тэрмін і ўмяшчаў 44 тысяч чалавек.

Да Летніх Алімпійскіх гульняў 1972 году ў Мюнхэне быў пабудаваны Алімпійскі стадыён. У тым жа годзе «Баварыя» пераехала на Алімпійскі стадыён. Трыбуны стадыёну й частка тэрыторыі алімпійскага парку былі пакрытыя гіганцкімі вісячымі перакрыцьцямі-абалонкамі архітэктара Фрая Ота. Стадыён дагэтуль ўражвае архітэктурнай лёгкасьцю. Першапачаткова ўмяшчальнасьць стадыёна дасягала 79 тысяч чалавек. У наступныя гады стадыён выпрабаваў некалькі мадыфікацыяў. Зараз стадыён мае здольнасьць зьмяшчаць у сябе 69 тысяч заўзятараў для нацыянальных спаборніцтваў, і 59 тысяч гледачоў для міжнародных спаборніцтваў, розных эўрапейскіх кубкаў. У канцы 1990-х стадыён састарэў у пляне інфраструктуры й выгоды для гледачоў.

У 2002 годзе сумесна з «1860 Мюнхэн» быў пабудаваны новы дасканалы стадыён Альянц Арэна, на якой усе свае матчы праводзіць «Баварыя». Арэна падсьвятляецца рознымі колерамі ў залежнасьці ад колеру клюба, які на ёй гуляе. Арэна падсьвечваецца чырвоным, калі на ёй выступае «Баварыя»; блакітным — калі гуляе «1860 Мюнхэн»; белым — калі гуляе зборная Нямеччыны.

Склад

Па стане на 1 жніўня 2011 году

№ Пазыцыя Імя Год нараджэньня 1 Бр Мануэль Ноер 1986 2 Аб Брэну 1989 5 Аб Даніель ван Бюйтэн 1978 7 ПА Франк Рыбэры 1983 9 Нап Нільс Пэтэрсэн 1988 10 ПА Ар’ен Робэн 1984 11 Нап Івіца Оліч 1979 13 Аб Рафінья 1985 14 ПА Такашы Усамі (у арэндзе з «Гамба Осакі») 1992 17 Аб Жэром Баатэнг 1988 21 Аб Філіп Лям (капітан) 1983 22 Бр Ганс-Ёрг Бут 1974

№ Пазыцыя Імя Год нараджэньня 23 ПА Даніель Праньіч 1981 24 Бр Максімілян Рыдмюлер 1988 25 Нап Томас Мюлер 1989 26 Аб Дыега Кантэнта 1990 27 ПА Давыд Аляба 1992 28 Аб Гольгер Бадштубэр 1989 30 ПА Луіс Густава 1987 31 ПА Бастыян Швайнштайгер (віцэ-капітан) 1984 32 Бр Роўвэн Затэльмаер 1987 33 Нап Марыё Гомэс 1985 39 ПА Тоні Кроос 1990 44 ПА Анатоль Цімашчук 1979

Вядомыя гульцы

70-я гады

• Франц Бэкенбаўэр
• Паўль Брайтнэр
• Улі Гёнэс
• Зэп Маер
• Гэрд Мюлер
• Ганс-Ёрг Шварцэнбэк

80-я гады

• Кляўс Аўгенталер
• Дытэр Гёнэс
• Карл-Гайнц Румэніге
• Ролянд Вольфарт

90-я гады

• Штэфан Эфэнбэрг
• Лётар Матэўс

2000-я гады

• Джавані Элбэр
• Олівэр Кан
• Біксант Лізаразю
• Мэхмэт Шоль

Вонкавыя спасылкі

 Баварыя Мюнхэн — сховішча мультымэдыйных матэрыялаў

• Афіцыйны сайт клюбу^{(ням.)(анг.)(яп.)}

• Суполка расейскамоўных заўзятараў клюбу^(рас.)